دائمًا أرى أن لا جدوى من حديثي وقت حزني لأن ما بداخلي لن يستوعبه أحد ولن يفهمه غيري ولا أحد يستطيع إخراجي من حزني غيري أيضًا لذلك أنا دائمًا بخير .. دائمًا بخير وإن لم أكن .💛
الإنسان قيمته الوحيدة بتكمن في إنسانيته وأدبه ورحمته مع الآخر. مافيش أي حاجة تانية ممكن تخلي لأي حد قيمة حقيقية .. ولا منصب ولا علم ولا فلوس ولا حسب ولا شكل ولا أي شيء كلها ممكن تضفي قيمة زائفة .. لكن القيمة الحقيقية في الإنسانية.💛
اكتشفت مؤخرا اني بقيت أحب الأيام الزحمه والمشغوله اللي بيكون فيها ورايا حاجات كتير تشغلني عن التفكير الزيادة في كل حاجة بتدايقني عشان انا دماغي لما بسيب نفسي ليها قادره تخليني اتجنن من كتر الاصوات والتفكير وأنها مبتفصلش.💛
من فترةٍ كدا كان في سؤال بيدور في ذهني وهو: إيه أكتر حاجة المفروض يتمناها الإنسان ، لحد ما لقيت شخص كاتب "كُل ما في هذه الدُنيا لا يُساوي شيئًا أمام العافية ، الاستقرار الداخلي ، طمأنينة القلب ، سكينة الروح ، النوْمَة الهانِئة ، فإن أردت أن تسأل الله شيئًا فاسألهُ هذه الرَّحمة أولًا .💛
يصارع المرء نفسه شيطانه حزنه غضبه فشله جزعه.. يصرعهم تارة ويصرعونه تارة، وبين طرفي الرُحى..يأمل ألا يَمَل من المحاولة يحيا بالمحاولة يسعد بالمحاولة يقاوم بالمحاولة يقابل القُبح بالجمال..يراه في نفسه ويتجسد فيما حوله.. ويأمل مرة أخرى...ألا يمل من المحاولة .💛
انا عمري ماكنت من انصار المرأه ضد الراجل ولا العكس برضو بالمناسبه انا من انصار الانسان الرايق. كونك ست بقى ولا راجل ولا حتى كتكوت من غير ريش ماتدخلنيش في تفاصيل لأنها مش هتفرق صدقني عزيزي الانسان اهم حاجه الروقان.💛
4:36 بيصعب عليا اوي الناس اللي مبتستوعبش من الاول ان الطبيعي بتاعي اني شخص non caring بأي حاجه ف الكوكب وبرد علي الناس وقت ما احب وعلي حسب المود حلو او لأ فـ لما حد بيلاقيني برد بسرعه وقاعدة ف الشات وشخصيه caring و cute وكل الكلام الجميل ده ف بيفكر ان ده العادي بتاعي ويتقل بقى وميقدرش اني كنت بعامله معامله خاصة ومختلفه عن الناس كلها ف يجيله صدمه ويزعل لما اتغير عليه واعامله زيه زي اي حد الاه؟ طب ما انا عاملتك حلو معجبكش بتعيط ليه دلوقتي؟💛