الحكم على الناس من بره دليل على خراب اللي بيحكم من جوه .. فيه ناس بتضيع وقتها في الاهتمام بتفاصيل مظهرها فقط لا غير ، وبالتبعية تقييم غيرهم بناء على مظهرهم فقط لاغير بدون ما يحطوا في حساباتهم فرز اللي بينطقه لسانهم وهل هو دبش ولا كلام لين ، وبدون ما يحطوا الكذب ، والخيانة ، والنفاق في المعادلة !.. بينسوا إن تجميل العقل بيكون بترفّعه عن الصغائر ، وتنضيف القلب بيكون بتنقيته من الغِل ، والسواد .. بينسوا إن الفلوس بتتصرف ، والمكياج بيروح بـ شوية ميه ، والحلاوة بتدبل بـ شوية تجاعيد .. وحدهم اللي بيفضلوا للنهاية هما العقل والقلب اللي جمالهم بيفضل ضيه مالي العيون ..💕 تامر عبده أمين
اللي بينزل من النظر بسبب حقارته ، وقلة أصله مستحيل يرجع زى ما كان في العين والله لو عمل إيه .. هي البجاحة بس إنك قررت تتشعبط في رد الفعل ، وتتناسى الفعل .. تستصغر غلطتك ، وتستحرم إن غيرك يتضايق بسببها .. على رأى اللي قال: (ثم يتهمك بأنك لم تتمسك به ذلك الشخص الذي بتر كل أصابعك)👌🏻🎀
فيه مليون سبب يخلي الواحد يحب يقرب منك وأنت ناجح .. وأنت مفرفش .. وأنت في مود كويس .. بس هو سبب واحد بس يخلي حد يفضل جنبك وأنت في أوحش حالاتك .. إنه بيحبك أوي أوي اللي تلاقيه بيكلمك لما تختفي .. واللي يصمم ينزل معاك وأنت ساكت .. اللي يستحمل غضبك المفاجئ من غير ما يستنى تبرير .. واللي يتفهم ظروفك من غير ما تضطر تحكي .. ده مش صديق .. ده عيلة .. الشدة فيها مليون مشكلة .. بس فيها بيبان اللي بيحبك عشانك .. اللي بيحبك بكل اللي فيك .. اللي بيحبك برغم كل اللي فيك ..🎀
فوَّضتُك أمري وحيرتي وشتاتي فوَّضتك الأبواب المُغلقة التي مفاتيحها بين يديك ، والأمور الصعبة التي تيسيرها هينٌ عليك ، فوَّضتك الطرق التي لا أعلم نهايتها والمسافات التي لا أعلم حجمها ، فوضتك سعادتي فلا تجعل همّاً يشقيني ولا خوفاً يرهقني ..🦋"
مخصوص علشانگ ...
قادر يبدل حالك بحال افضل في طرفة عين .. واياك تحزن وتزعل علي تأخير عوضك وجبرك ..مش يمكن التأخير ده وراه كل اللي نفسك فيه و بتتمناه .. وقريب اوي هتعرف إنك مش منسي ,و إن ربنا فعلاً عامل حسابك ف حاجه تفرحك وتعوضك وتجبر بخاطرك
#استغفر
العزلة ضرورية لترتيب الأفكار واتساع الذات والشعور بالحرية في أن تتفاعل مع مشاعرك بعيدًا عن أنظار الناس .. يقول مارسيل بروست: "أماكن عزلتنا الحقيقية هي التى نمارس فيها القراءة ، وأحلام اليقظة ، والدموع" ..❤️✨️
الخلافات بتكشف معدن العلاقات الحقيقي ، وبيها بتعرف مكانك ، ومكانتك بدون تجميل .. فيه اللي في لحظة خصامه معاك لسانه هيخونه ويفلت بكلام اتقل من سبب الخلاف أساساً بس بيكشفلك قلبه كان محمل من ناحيتك بإيه .. فيه اللي خصامكم مصلحة ليكم أنتم الإتنين .. فيه اللي بعد خصامك معاه دنيتك هتنور ، وفيه اللي هتكتشف فضيان دنيتك لما يغيب .. فيه اللي مش هيقبل توصلوا لمرحلة الخصام أساساً ، وفيه اللي منتظر الخصام لإنه بالنسباله تلكيكة مش أكتر عشان يبعد .. فيه اللي بيخاصم وهو له حق بس مع أول خطوة منك هيمشيلك عشرة لإنه باقي عليك وشاريك .. أوقات الزعل هي اللحظات الأصدق لإختبار عمق أو هشاشة الصداقة ، والحب بين طرفين ..🎀 - تامر عبده أمين
حياة لا تتوقف لتحطُّمك ، ولا الكون يتجمّد لكونك قد كُسِرت ، ولن تُقام طقوس العزاء لأنك حزنت ، ولن يقف العالم عند لحظة بكيت بها ، ولن تقف الدنيا لتنتظرك حتى تستجمع فتاتك ، على الأرجح لا أحد ينتظر وقوفك إن سقطت ، لذا قف وانهض ورمّم نفسك بنفسك ..🔖لقائله
لا تتخلّ عن حلم بِسبب الوقت الذي يحتاجه لِتحقيقه ، فالوقت سيمضي على أيّ حال .. لا تسمحوا لليأس أن يتسلل إلى نفوسكم اتبعوا أحلامكم وجدّوا وإجتهدوا لأجلها ❤️ ..
📩 صعوبة بعض القرارات مش بتنفي أهميتها .. قرار البُعد عن مكان شغل كان ليك فيه ذكريات لطيفة سواء عشان تشوف فرصة تانية أفضل أو عشان بدأت تحس إن وجودك غير مرغوب فيه أكيد قرار صعب .. قرار إنك تقفل للأبد باب علاقة إستمرت فترة بكل الحلو والمر اللي فيها لإنها بقت حِمل على نفسيتك أكيد قرار صعب .. قرار إنك تاخد حقك بطريقة أنت مش متعود عليها لإن اللي أخدوه منك أجبروك عليها أكيد قرار صعب .. الحذر والحسابات مطلوبين بس بدون ما يكونوا سبب في إستمرار وضع مؤذي .. مش كل القرارات الصعبة غير مفيدة ..! - تامر عبده أمين