Ask @asmaasaleh99:

_

العشم مميت وقاتل .
ممكن تبقى عايش لوحدك وزي الفل وفجأة يدخل حياتك شخص يحسسك انه الدنيا واللي عليها ويفضل يقنعك ان حياتكم سوا هتبقى احسن ويلومك لو مكنش جزء مهم من يومك ، ويفضل وراك لغاية ما بالفعل يبقى أهم حاجة في حياتك وأقرب إنسان لروحك وحرفيا تسلمه كل مفاتيحك ، وفجأة وبدون أي مقدمات يمشي .
عارف احساس القتل بدم بارد ، هو ده اللي بيحصل بيمشي ولا كآن حاجة حصلت هو ميعرفش انه قتلك وهو مَش دريان ، قتلك لما عشمك انه موجود وعمره ما هيمشي وبعدين يمشي عادي جدا ، قتلك لما اقسملك انه ميقدرش يعيش في الدنيا من غيرك وبعدين تلاقيه عايش زي الفل ، قتلك لما عشمك انك كل حياته وانت طلعت ولا تسوى حاجة ، قتلك يوم ما نقلتله خوفك من يوم تصحى متلاقيهوش وتلاقيه بمنتهى الاحترافية يكذب ويقولك هروح فين هو انا ليا في الدنيا غيرك ، واياك تلومه انه مشي عشان لو في يوم لومته هيوريك صفات في نفسك عمرك ما تخيلت انها تتقال عليك ، ويبدأ يتهمك باتهامات عمرها ما كانت فيك ويحسسك انك أسوأ خلق الله ويقتل ثقتك في نفسك ، ويتحول العشم لخذلان بيقتل الثقة في كل الناس اللي حواليك وفِي نفسك وبيطلع النسخة السيئة اللي جواك ويكرهك في الحياة .
متعشموش الناس بوجودكم وانتم مش ضامنين نفسكم ، هتتحاسبوا على كسرة قلوب الناس وهتندموا على الناس اللي ضاعت من ايديكم .

View more

Next