يوم فض رابعة .. احنا نزلنا قبل الفض وابى نزل بعد العيد وكنا هنرجع تانى يوم الاربع ولكن يشاء القدر ان احنا منحضرش الفض .. يوم كان صعب بكل ما تحمله الكلمة من معنى واحنا قاعدين قدام التليفزيون من اول ما بدأ الفض لحد ما كل حاجة راحت .. انا حضرت المنصة ودى كانت اول مرة اشوف حد مقتول قدام عينى كدا .. ع سلم المستشفى كان فيه واحد قاعد ع السلم مصاب وحرفيا جسمه متغربل بالخرطوش مفيش فيه حته سليمة وانا واقفه مش عارفه اعمله ايه والراجل بيموت قدامى بصلى وقالى ادعيلنا .. مشيت وطبعا كان الطريق مقفول عشان الجثث والمصابين الل بينقلوهم من عند المنصة رجعت الخيمة لقيت بنت قاعدة تتصل ع امها تشوفها كويسة ولا لأ وعدى ساعتها موتوسيكل عليه شابين بينهم بنت مخنوقة بالغاز .. ريحة الغاز وصلت للميدان من جوا وصوت الرصاص واصل .. يوم الفض افتكرت احداث المنصة وقولت لما هما عملوا كدا وهما بيفضوا مسيرة هيعملوا ايه وهما بيفضوا الميدان.. قعدنا نتابع اللحظات اول بأول لحد ما قطعوا البث..منظر الناس وهى بتتحرق والجرافات الل بتشيل الجثث بالخيام وصوت الطفل الصغير الل قعد يبكى ويقول" اصحى ياماما اصحى بالله عليكى" وامه دمها سال قدامه ..احنا كنا ف حالة صدمة طول اليوم ومش مستوعبين الل بيحصل المسجد اتحرق بالجثث ،المستسفى اتحرقت بالمصابين الاحياء الل فيها وحاجات كتير اوى عمرها ما هتتنسى لو عدى عليها سنيين مش خمس سنين بس .. انا عايزة اعرف هو بأى حق الناس دى تتقتل كدا بأى حق تعملوا فينا كدا .. اعرف واحده فضلت اسبوع بعد الفض متتكلمش .. عمو عبدالرحيم بقاله خمس سنين من يوم الفض معتقل .. الاء صاحبتى ابوها استشهد وعمو ضياء الل كان ف الخيمة الل جنبنا استشهد ..انتوا بأى حق تدمروا حياتنا كدا؟! ..بأى حق تقتلونا واحنا لسه احياء ..؟! احنا عمرنا ما هنرجع طبيعين بعد الفض لو مهما عدت سنين هيفضل جوانا الم كبير مش هيتمحى ..وهنفضل نردد يسقط حكم العسكر لحد ما نخلص من العسكر وجرايمة البشعة ومش هنسامح ف حقنا ..مش هنسامح الل فوض والل ايد وهلل ..مش هنسامح وهناخد حقنا ..حق التعب النفسى الل حصلنا وحق الدم الل سال وحق الناس الل اتحرقت صاحية وحق الشباب الل بيقضوا عمرهم ف زنزانة حقيرة وحق الشباب الل اتعدموا وحق البنات وحق الاطفال وحق البيوت الل اتخربت وفضت وحق كل بيت فيه شهيد او معتقل او مطارد او مختفى قسرى .. الله غالب. هتفرج. يارب.
14/8/2013 5 سنين ع ذكرى ابشع مذبحة حصلت ف التاريخ الحديث.. ياترى احساس الام الل بتدور ع اسم ابنها ف قايمة الشهداء دا ايه؟! احساسها وقلبها بيموت ف الثانية الف مرة وهى مش عارفه ابنها عايش ولا ميت.. 5 سنين والمشاهد لسه زى ما هى..5 سنين والدم لسه ف الشوارع ...5 سنين واحنا بين السجون والمقابر ..5 سنين واحنا لسه بنعانى ..5 سنين وقلوب الامهات دى موجوعة .. ابشع المناظر حصلت ف اليوم دا من 6 الصبح ل 10 بليل من حرق جثث وحرق احياء وحرق المسجد وقتل الاطفال بالغاز ..5 سنين ع مشهد الشاب الل مات ومخه كان جنب راسه ..5 سنين ع المستشفى الل اتحرقت بالناس الل فيها ..5 سنين ع الجرافات الل شالت الخيام بالجثث ..5 سنين.! صدق من قال لم ينج منها الا من مات. وبرغم كل ما حدث طلعت فئة من معدومى الانسانية والعقل تهلل وتشمت ولكن والله والله والله وعد الله آت وهنقتص منهم واحد واحد ..احنا عارفينهم كويس ومش هننساهم عشان نقف قدامهم يوم القيامة وناخد حقنا .. نصر الله آت وهتفرج .."ولا تحسبن الله غافلا عما يعمل الظالمون إنما يؤخرهم ليوم تشخص فيه الأبصار" اللهم ان لنا دماءا سفكت من غير وجه حق قاقتص لنا ممن كان سبب ف سفكها. الله غالب.