Ask @atheroalalwi:

أحكي🎤❤

إتركيه ..
لما تبلشي تحتاجيه أكتر منو .. إتركيه!
لما تستنيه ساعات لتحكي معو ويجي يقولك "تعبان بدي أنام" إتركيه..
إتركيه لما تبلش تبرد كل الإشيا الحلوة إللي بيناتكم
إتركيه لما تحسي بخنجر مزروع جواتك لما بتحكي معاه وإنتي بجواتك بتتوسلي ل الله إنو يجاوبك الجواب اللي بدك تسمعيه ..
وإتركيه لما ما يحس إنو فيكي شي غلط بس تكوني تعبانة او زعلانة او محتاجة حُب!
إتركيه لما تحتاجيه جمبك وما تلاقيه، لما تبلشي تدوري ع حدا تحكي معاه وتفضفضيله. .
إتركيه لما يكون أناني وبارد!
إتركيه لما يبلش ينسى كلامك،
إتركيه لما يخليكي تحسي قديشك تعيسة!
إتركيه لما يخليكي تحسي إنو الخلل منك وفيكي!
إتركيه لما ينسى عيد ميلادك وينسى اليوم اللي التقيتو فيه/ ويتزكر عيد الحب!
إتركيه لما ما يعرف شو لونك المفضل وشو أغنيتك المفضلة وشو عاداتك السيئة!
إتركيه لما ما يعرف عنك أكتر منك !
إتركيه لما ما يفهم كلامك لما تحكي!
إتركيه لما يطنشك لما يهملك وما يرجع يهتم
اتركيه لما تصيري تعرفي اخبارو من الناس
اتركيه لما تنسي انتي ليش معو اصلا اتركيه
إتركيه لما يصفي الحُب بيناتكو كلمة "بحب"
إتركيه لما تحسي جواتك فاضي . . لما تحسي بالوحدة . . لما تعيشي ع صور . . لما تبكي ع أغنية فراق وإنتي لسا معاه !
لما تنظلمي ومتلاقيش مين ينصف . . إتركيه !
لأنو لو ما انخلق عشانك . . ليش تعيشي عشانو

View more