كنت مره سألت السؤال ده ل اب كاهن قالى لازم الاول تجبر نفسك ع الصوم و الصلاه و اقرا ف الانجيل و اطلب من ربنا و قوله ساعدنى و قوينى و وحده وحده هتعرفى طعم الحياه الحلوه مع المسيح و من نفسك هتنسى تفاصيل العالم بس ابتدى دلوقتى و متكسليش ابدا ...... ربنا معاكى و يشدك ليه اكتر و اكتر #اولاد_البابا_كيرلس
ليه بنطلب شفاعه القديسين من ربنا برضو هايحققلنا طلبنا حسب ارادته حتى لو ما اتشفعناش بيهم لاننا ولاده وبيحبنا ومات علشاننا زى ما مات علشان القديسين . واكيد ربنا ماكانش هايرفض لولا اتشفعنا بالقديسين لولا قبل طلبنا ؟؟
أولاً بالطبع إن المسيح هو المخلص وحده. لكننا لا يمكننا أن نهمل شركة القديسين وشفاعتهم، لأن المسيح نفسه يريدنا أن نفعل هذا. فالمسيح من جهة هو المخلص، لكن الكتاب يقول:المسيحي يخلّص أيضاً (يع5: 20 ؛ يهو22: 23)؛ القديس بولس يخلّص (رو11: 14)؛ الكرازة تخلّص (1كور1: 21؛ 1تيمو4: 16)؛ المعمودية تخلّص (1بط3: 21)؛ الصلاة تخلّص (يع5: 15)؛ الملائكة تخلّص (أشعيا63: 9).كيف يخلّص هؤلاء جميعاً؟ أبقوتهم؟ أم بتقواهم؟ بالطبع بالمسيح، وفي المسيح ومع المسيح،وبدون المسيح لا يوجد خلاص. بالطريقة نفسها تخلّصنا صلوات القديسين بالمسيح فقط، لأن المسيح نفسه قال: "إن ثبتم في وثبت كلامي فيكم تطلبون ما تريدون فيكون لكم " (يو15: 7). أي إذا طلب القديسون من أجلنا في الصلاة إلى الرب سيستجيب الرب لهم. إذاً شفاعة القديسين لنا تحقق وصية الرب أن نحب بعضنا بعضا (يو15: 12)، وأن نصلي معاَ (متى18: 19؛ 1تيمو2: 1؛ كولوسي4: 2-4؛ أفسس6: 18) منقول
هو بصفه عامه مش هينفع نقول دا هيروح النار ودا ميروحش ، احنا مش قضاه وديانيين ع الارض ، لكن هما يعتبروا فئة من الملحدين يعني مش عارفين ربنا موجود ولا لا ، نصليلهم ربنا يرشدهم
طب سليمان كان ليه سلطة عالشياطين والطبيعه؟ اي جوابك على ده يعني ان قارنتو باليسوع
هيبقو تقريبا نفس القوة
يعني مش اي حد يقول عن نفسه انو اله واصدقه
ومثلا الكنيسة كانت تقول انو الارض مستقيم
والعلم وضح غير ذلك انها بياضوية
يعقل انو اليسوع ويغلط في حاجه زي دي ؟؟
اولا قوة سليمان كان مصدرها اله سليمان اما قوة يسوع كان هو مصدرها لانه اله ، يعني لما يحب يخرج شياطين يقول للشيطان اخرج ، لكن بولس الرسول لما يخرج شيطان يقول بأسم يسوع الناصري اخرج. اعتقد الفرق واضح ثانيا ، الكتاب المقدس بيقر بكروية الارض قبل ما العلم يعرف ، بيقول في سفر ايوب ، الجالس علي كرة الارض
السؤال..ازاي اقدر احبه واحترمه زي ما كل الناس بتعمل وهو كده.. حاولت معاه كتير لكن مفيش فايدة لدرجة اني قررت اتجنبه عشان افضي للمذاكرة وما اضيعش مستقبلي؟؟
الانسان في السن دا بيبقي معرض اكتر للضغوط النفسيه ، انا معاكم ان الموضوع صعب ، بس يمكن ربنا مديلكم صليب وهو بالفعل كدا ، صلولوا كتير واستحملوا وكله بأجره في السما ، ربنا يساعدكم
انا فى واحده صاحبتى جداا هى اتعرفت على ناس جديده انا مش ضد ده بس مش بكون مبسوطه وهم موجودين معانا مش عارفه اتأقلم معاهم وهم عايزين يجوا معانا مكان وقالوا لصحبتى لما نيجي رايحين نقولهم وانا مش عايزاهم يجوا معانا اقول لصاحبتى ولا اعمل ايه يعنى وهى ممكن تعمل ايه علشان توزعهم مع انها بتحبهم جدااا ؟
اولا لازم تسألي نفسك هل الناس الجديده دي كويسه ولا مش كويسه ؟ لو ان الناس اولاد ربنا ، وناس محترمه ، وينفع يكونوا اصدقاء ليكي زي ما هما اصحاب صاحبتك ، يبقي حاولي بقي تتعاملي معاهم وتقربي منهم وتستلطفيهم ، اما ان كانوا مش كويسين فحقك ع صاحبتك انك تنصحيها وتبعديها عنهم . اما الموقف اللي انتي فية ممكن تقولي لصاحبتك الصراحه وتقترحي انها تروح معاهم مثلا وانك هتروحي معاها مره تانية بعدها ، او تروح معاكي بس وبعد كدا تعوضها انها تروح معاهم . الصراحه حلوه بين الاصحاب
حضرتك انا سألتك قبل كدا عن المعزي المذكور ف إنجيل يوحنا الاصحاح 16 العدد 7 وحضرتك قلت انه الروح القدس
وحضرتك ذكرت أن هناك قول " لأنه متي جاء المعزي الروح القدس الذي سيرسل الأب بأسمى فهو يعلمكم كل شيء و يذكركم بكل ما قولته لكم "
لكن لم تذكر لي أين ذكر ذلك يعلم الله اني عايز أكون علي يقين باعتقادي