صحبتي مبتصليش .
وحاولت معاها كتير جدا أنها تصلي
واتكلمت كتير اوي
و بعتلها فيديوهات
المفروض اتصرف ازاي تاني !
هي طول عمرها مش بتصلي
ومافيش حد عندهم ف البيت بيصلي
وهي حياتها ملخبطه جدا وفعلا هتتظبط اما تصلي
اتصرف ازاي !
متوقفيش نصيحة ليها وادعيلها بالهداية و شجعيها تصلي معاكي و فكريها دايما بمواعيد الصلاة
وعرفيها على صحبة صالحة و خوديها معاكي دروس شرعية في المسجد
" انك لا تهدي من احببت ولكن الله يهدي من يشاء وهو أعلم بالمهتدين "
صدق الله العظيم ..
اتكلمي قدامها بطريقة غير مباشرة عن جمال الصلاة وقد ايه الحياة مختلفة تمامًا بالصلاة.. يعني مثلا احكيلها عن شعورك انتي لما بتكوني ملتزمة بالصلاة وازاي حياتك بتكون اهدى و في سلام نفسي.. وهي مع الوقت هتصلي بدافع الفضول وواحدة واحدة هتحب الصلاة.. لو ده مجابش نتيجة يبقا تكلميها عن جزاء اللي يهمل صلاته وإن الصلاة هي أول ما يُحاسب عليه العبد وكده.
وربنا يهدينا كلنا والله. 💗
فيه 3 أنواع من الناس، نوع اعتمادي على الآخرين، ونوع حاسس إنه مسؤول عن الآخرين وعنده متلازمة I can fix him/her. ونوع تالت مواطن عادي.
النوع الأول محتاج حد يمشي له حياته، يرشده في كل خطوة والبعض بيكونوا ممثلين في حياتهم بيطبقوا اللي المنتجين بيطلبوا منهم يعملوه.
النوع التاني حاسس بمسؤولية مضاعفة وغير صحية عن اللي حواليه، ليه؟ لأنه عايز يكنترول اللي حواليه بأي شكل. بأي طريقة ممكنة، وبدوافع طيبة ظاهريًا، لكنه ديپ داون، مش راضي عن اللي حواليه ومش متقبلهم زي ما هما، ولا يرضى عن نفسه حتى في معظم الأحيان. يتدخل فيما لا يُعنيه، ويصر على تقديم مساعدة/نصيحة لم تُطلب منه وغير مُرحب بيها. ولما يترفض يدبدب في الأرض ويلعن الناس ويدخل في دور الضحية اللي الناس رافضاه وهو عايز مصلحتهم (من وجهة نظره).
النوع التالت، زي ما قلت، مواطن عادي يأكل الطعام ويمشي في الأسواق زي غالبية الناس. يدير حياته بتوازن، ومش عارف هو بيعمل إيه، بس عايش ومستمر في المحاولة والفشل والنجاح، وعارف إنها ماشية بتوفيق ربنا وشوية حظ. يهتم بمن يُظهر ترحيب وتقبل للاهتمام والنصيحة، وبمجرد ما يحس إنه وجوده تقيل أو كلامه غير مُرحب به، بيعمل pause ويسأل الطرف الآخر إذا كان تدخله/اهتمامه في محلهم والشخص محتاجهم ولا لأ؟ إذا آه، يستمر في تقديم مساعدة بكل حب، وإذا لأ، بيقول خلاص. جود لاك. نيتي خير، لكنك مش عايزها لأسبابك الخاصة. لا مانع عندي يا إنسان، ونو أوفينس (وهو يُعنيها فعلًا).
وفي حالة كان حد بيقدم له مساعدة، بيتقبلها ويقدرها لو محتاجها، لو مش محتاجها بيقول ثانك يو ويرفضها بوضوح وأدب.
تعرفي إنتي أي نوع؟ وصاحبتك أي نوع؟View more
اگتبيلها ورقه فيها "لو موتي وقتي هتقولي لربنا اي و انتي سايبه الصلاة" و علقيها ف اوضتها ف مگان بتشوفه ديما و قدامها ف الغالب گل م هتگسل و تشوفها ضميرها هيأنبها او لو مبتصليش هتخاف من ربنا .. و ديما و نتى معاها و الاذان اذن قومي صلي و قوليلها تقوم تصلي معاگي .. ربنا يهديها و يهدينا جميعا .. 💖
لما تيجي تصلي قوليلها يلا نصلي سوا ، وخليكي معاها ، اسأليها اتوضيتي ؟ ، مستنياكي اهه علشان نصلي سوا ، واحكيلها لو أمورك ملخبطة تيجي نصلي القيام ؟ ، هيفرق معاها جدا ، وهكذا لحد ما السنن تجيب الفرائض ، وم تسبيهاش ولا تيأسي ، الواحد بيبقى محتاج حد جنبه يقومه ويشجعه ، لو كنتو ف مكان مثلا ، قوليلها يلا علشان نصلي ، وخليها تتوضى وصلوا ، الصاحب ساحب ، فاسحبيها دايما لحب الصلاة والقرب من ربنا ، وربنا يهديها ويهدينا للثبات ع الصلاة دايما يا رب ♥️
اكبر مصيبه 💔💔💔
محدش بيتغبر علشان حد، لازم التغيير يكون من جواه
صلي في المسجد وخديها معاكي
ادعيلها من قلبك فى اوقات يستحب فيها الدعاء ادعى ربنا بأسمائه الحسنى.. واهم حاجه طريقة كلامك والطريقه اللى توصلى لقلبها بيها ♥
يابختها بيكي بجد ♥️
ربنا بيقول في القرآن "إنك لا تهدي من أحببت ولكن الله يهدي من يشاء وهو أعلم بالمهتدين"
ف انتي مفيش في ايدك غير انك تدعيلها ربنا يهديها ويهدينا جميعا وان شاء الله يجمعكوا سوا في الجنة 💕💕