✿⁠مُغْلَق لِلأَبَد✿

-

بينوكيو ♑

March 02, 2023

قالت لي ☁️✨
..
عايزة ألتزم .. أبدأ أزاي !؟
..
أزاي اكون بنت ملتزمة ؟
..
عايزة أقرب من ربنا بس مش عارفة أبدأ منين ونفسي ربنا يرضي عني ☁️✨

---

بصي يا جميلة الموضوع ده حله بسيط جدا بس أنتي ف الاول جددي النية كده بينك وبين ربنا و أوعديه أنك مش هتعملي اي ذنب من الذنوب اللي كنتي بتعمليها ف الأول ☁️✨
..
وخلي بالك جدا إنك وعدتي ربنا مش أي حد يعني لازم توفي بالوعد ده
..
المهم نبدأ بقى كده بأول حاجة "الصلاة" ☁️✨
..
بالنسبة للبنات اللي مش بيصلوا مش بتصلوا ليه ؟
..
على فكرة اللي فاضل مش كتير وهتندموا بعدين ☁️✨
..
وبالنسبة بقى للبنات اللي بتصلي وبتقطع بصي يا جميلة
أنتي عليكي بس تفرشي سجادة صلاة ف ركن صغنن ف اوضتك وهو ده هيبقي المسجد بتاعك وأهم حاجة الخشوع
..
أفتحي الشباك بتاع اوضتك وهيبقى ف هوا وانتي بتصلي أحساس ب راحة كبيرة وكل حاجة حواليكي هادية بجد شعور جميل الله بجد ☁️✨
..
نتوضأ براحة ونتقن ف الوضوء ^^
..
ونقول الدعاء ده بعد الوضوء "هنتشاهد الأول طبعا وبعديها هنقول اللهم أجعلنا من التائبين وأجعلنا من المتطهرين"
..
و الأفضل ننوع ف السور اللي بنقرأها بعد كل ركعة ☁️✨
..
ولو بتصلي بسرعة بطأي شوية وركزي ف كل كلمة بتقوليها وتخيلي نفسك قدام واحدة صحبتك بتحبيها أوي ف طبعا واقفة معاها وبتتكلموا كتير ومركزة معاها بقا طبعا
..
ما بالك بقى ب ربنا اللي خلقك وخلقك كل الناس اللي حواليكي دول ☁️✨
..
وياريت بلاش الكسل يعني تصلي أول ما تسمعي صوت الأذان ع طول ف وقتها كده ☁️✨
..
لأنك لو مصلتيش بعد لما تسمعي الأذان ع طول هتضطري تستني للصلاة اللي بعدها وهنكروت الصلاة ونصليها بسرعة ف صلي ف وقتها أفضل ~..
..
ومننساش طبعا السنن بقى اللي هي ايه 🌸✨
..
الضحي : دي سنة ، وقتها من بعد الشروق بربع ساعة إلى قبل أذان الظهر بربع ساعة وعدد ركعاتعا من اتنين ل تمانية
..
ودي بقا صدقة عن كل مفصل من مفاصلك
..
السنن الرواتب : ركعتين قبل الفجر .. أربع ركعات قبل الظهر .. ركعتين بعد الظهر .. ركعتين بعد المغرب .. ركعتين بعد العشاء ☁️✨
..
ومتكسليش ده هيتبنيلك بيت ف الجنة ☁️✨
..
قيام الليل أو التهجد : هي الصلاة من بعد العشاء لقبل الفجر وعدد ركعتها مفتوح وأقل حاجة ركعتين
..
بتتصلي أزاي دي بقى ؟
ركعتين وتسلمي وبعدين ركعتين وتسلمي و هكذا ..
وبعديها صلاة الوتر ركعة. ☁️✨

View more

29

1 080

Liked by: El Zoz Abdullah Ali •Boody• ༻❀♥ M̸̸̮̮̃ǿи̮̲̣̅̐ɑ͠ ♥❀༺ "ذَات الرّداء الاسود"❄ NaDa (مغلق) мσнαмєɒ ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي Islam םבםב

للأجر __________💮

March 02, 2023

بوست تشجيعي علشان الناس الـ نفسها تواظب على الفجر في وقته .. ☁️✨

---

الناس الـ ربنا " بيصحيها للفجر كل يوم " الناس الصفوه
هما صفوه ليه ؟! يمكن تقرأ الكلام ده لأول مره و يمكن يغير فيك و يخليك حتى لو أنت مش منهم تحاول تكون منهم ☁️✨

---

من ضمن مليارات البشر تلاقي دول بس الـ بيصحوا للفجر كل ليله أو يمكن قبل الفجر
بشويه يصلوا كم ركعة قيام , غيرهم بيكون في نفس الوقت يا نايم , يا لاهي في الدنيا ,
هما بالذات بقى تلاقيهم أختاروا يكونوا من الصفوه , أصل الحياه أختياراات
كل ليلة يقوموا في السر .. كأنهم مستنين معاد عشق ليلي .. مشهورين أوي
أكتر من أي حد مشهور .. مشهورين بشكل مُختلف شويه ..
مشهورين في السماء .. إزاي !

---

مشهورين بين الملايكه و الانبياء و الصديقين .. كل أهل السماء عارفينهم
حتى سيدنا جبريل أمين الوحي عارفهم .. مفيش حد هناك مش عارفهم
أخبارهم هناك مُنتشره جداً .. و الكل بيتابعهم و بيتبعوها كمان .. لو غاب
حد فيهم ليلة عن صلاة الفجر .. تلاقي الكل يسأل عليهم بأهتمام .. و لو
طول الغياب بيكون في قلق حقيقي و صادق .. و لو مع الوقت أنقطعوا عن
الفجر .. الملائكه تحزن
أصل إزاي حد جرب يكون من أهل الصفوه و يبعد ؟ إزاي ربنا أختارك تقوم
للفجر و تكون من النخبه و تختار تبعد ؟ إزاي !؟
متصدقش المنبه الـ بيتظبط على صلاة الفجر , ده مُجرد أخذ بالاسباب
و متصدقش الـ يقولك تعود , هو اتعود ازاي لو مكنش ربنا الـ عوده ؟!
الـ بيوقظهم الله , عرف جواهم ايه , عرف الخير الـ في القلوب , شاف ان
القلوب دي تستحق تكون من النخبه و الصفوه فوفقهم للمعاد الليلي المتأخر
معاد الحب الحقيقي :

---

اهل الفجر فئة موفقة، وجوههم مسفرة ، وجباههم مشرقة ، وأوقاتهم مباركة ، فإن كنت منهم فاحمد الله على فضله ، وإن لم تكن منهم فادعو الله أن يجعلك منهم
ما أجمل الفجر ..
( فريضته ) : تجعلك في ذمة الله
و( سنته ) : خير من الدنيا ومافيها
و( قرآنه ) : مشهود
( إِنَّ قُرْآنَ الْفَجْرِ كَانَ مَشْهُودًا )☁️✨
ثبتنا الله على طاعته دائمًا☁️✨

View more

29

40

Liked by: El Zoz Abdullah Ali •Boody• كوكب اللاڤندر ༻❀♥ M̸̸̮̮̃ǿи̮̲̣̅̐ɑ͠ ♥❀༺ "ذَات الرّداء الاسود"❄ NaDa (مغلق) Ibrahim Ragab ᴬˢᵐᵃᵃ M^^ ♡⁦✿⁠⁩ رِحاب ✿⁠♡

✴️.

عَـبـدُ اللّــهِ

March 02, 2023

هتكلم. عن العشر الماحيات للذنوب والخطايا.🍬🌨️
تابعوا 🤸‍♀️🖇️
كلنا بنرتكب ذنوب ما في حد معصوم وبتبقي عايزين نكفر عن الذنوب دي علشان نقابل ربنا بصحيفه مليئه بالحسنات فقط تؤهلنا لدخول جنان الفردوس ودي طرق تكفر بيها عن سيئاتك👀🍬🌨️

---

‏1_ امحها بتسبيحك🍬

---

قال رسول الله صلى الله عليه وسلم :من قال: "سبحان اللهِ وبحمدِه في يومٍ مائةَ مرةٍ ، حُطَّتْ خطاياه ولو كانتْ مثلَ زبدِ البحرِ".
2_امحها باستغفارك🍬

---

قال رسول الله صلى الله عليه وسلم :من قال: "استغفِرُ اللهَ، الذي لا إله إلا هو، الحَيّ القيومَ، وأتوبُ إليه؛ غُفِرَ له وإن كان فَرَّ من الزَّحْفِ".

---

3_امحها بهذا الذكر🍬

---

قال رسول الله صلى الله عليه وسلم :ما على الأرضِ أحدٌ يقولُ : “لا إلهَ إلَّا اللهُ ، واللهُ أكبرُ ، ولا حولَ ولا قوةَ إلَّا باللهِ ، إلَّا كُفِّرَتْ عنه خطاياه ، ولو كانَتْ مثلَ زبدِ البحرِ “.

---

4_ امحها بعد طعامك🍬

---

قال رسول الله صلى الله عليه وسلم :"مَنْ أكلَ طعامًا ثُم قال : الحمدُ للهِ الّذي أطعمَنِي هذا الطعامَ ، ورزَقَنِيهِ من غيرِ حولٍ مِنِّي ولا قُوَّةٍ غُفِرَ لهُ ما تقدَّمَ من ذنْبِهِ".

---

5_‏امحها بعد لباسك,🍬

---

قال رسول الله صلى الله عليه وسلم: "ومَنْ لبِسَ ثوبًا فقال : الحمدُ للهِ الّذي كسَانِي هذا ، ورزَقَنِيِهِ مِن غيرِ حولٍ مِنِّي ولا قُوَّةٍ غُفِرَ لهُ ما تقدَّمَ من ذنْبِه".

---

6_‏امحها حين الأذان🍬

---

قال رسول الله صلى الله عليه وسلم: "مَن قال حينَ يَسْمَعُ المؤذنَ : أشهدُ أن لا إلهَ إلا اللهُ، وحدَه لا شريكَ له ، وأن محمدًا عبدُه ورسولُه ، رَضِيتُ باللهِ ربًّا، وبمحمدٍ رسولًا، وبالإسلامِ دِينًا ؛ غُفِرَ له ذنبُه".

---

7_امحها عند الوضوء:🍬

---

قَالَ رسول الله صلى الله عليه وسلم: "من تَوَضَّأ فَأَحْسَنَ الوُضُوءَ، خَرَجَتْ خَطَايَاهُ مِنْ جَسَدِهِ حَتَّى تَخْرُج مِنْ تَحْتِ أَظْفَارِهِ ".

---

8_‏امحها بعد كل صلاة🍬

---

قال صلى الله عليه وسلم:"من سبَّح اللَّهَ في دُبُرِ كلِّ صلاةٍ وحَمِدَ اللَّهَ وكبَّرَ اللَّهَ فتلكَ تسعةٌ وتسعونَ وقالَ تمامَ المائةِ لا إلهَ إلَّا اللَّهُ وحدَهُ لا شريكَ لهُ لهُ الملكُ ولهُ الحمدُ وهوَ على كلِّ شيءٍ قدير غُفِرت خطاياهُ".

---

9_قول أمين وراء الإمام بعد قراءة الفاتحه🍬

---

قال صلى الله عليه وسلم :
(إذا قالَ الإمامُ: "غَيْرِ الْمَغْضُوبِ عَلَيْهِمْ...). ☁️✨

View more

22

110

Liked by: El Zoz ༻❀♥ M̸̸̮̮̃ǿи̮̲̣̅̐ɑ͠ ♥❀༺ "ذَات الرّداء الاسود"❄ NaDa (مغلق) ᴬˢᵐᵃᵃ M^^ Mohamed Ȝamer ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב

Related users

El Zoz

Abdullah Ali •Boody•

أحمد الشهري

كوكب اللاڤندر

مسآحہ🐼🖤..

March 02, 2023

هتكلم عن الجنة 🍬🌨️
تابعوا 🤸‍♀️🖇️🌨️
- أول ما ندخلها هننسى كل التعب اللي تعبناه في الدنيا 🍬🌨️ .

---

- طولنا ف الجنة ٦٠ زراعاً كطول سيدنا آدم عليه السلام .
" و الزراع يساوي ٦٤ سم " 🍬🌨️ .

---

- أعمارنا ف الجنة ٣٠ أو ٣٣ عاما كعمر سيدنا عيسى عليه السلام و لا نكبر 🌨️🍬

---

- النساء وصفهن الله في القرآن بالحور العين كأنهم من الياقوت و المرجان كأمثال اللؤلؤ المكنون ، نساء جميلات ناعمات أعطاهن الله شبابا دائما و جمالا لم تره عين من قبل وعلى رؤوسهن تيجان و ثيابهن من حرير 🌨️🍬

---

- ربنا في الجنة هيتكلم معاكي و هيجيلك و هيناديي عليكِ و هيسألك مين اللي ظلمك ؟! مين اللي هانك ؟؟! مين اللي قالك كلمة زعلتك ؟؟! مين اللي وجعك ف الدنيا ؟؟! ساعتها ربنا هيجيب كل دول و هتشوفيي عظمة ربنا و هو بيرد ليكي حقك بكل قوة 🌨️🍬 .

---

- أعلى مقام في الجنة هو الفردوس الاعلى و هو تحت عرش الرحمن وهو مقام الرسول صلى الله عليه وسلم ، و منه تخرج أنهار الجنة الاربعة الرئيسية " نهر اللبن ، نهر الخمر ، نهر العسل ، نهر الماء ". 🌨️🍬

---

- لا ملل في الجنة من الأشكال و لا الأطعمة و لا الاماكن ، فهي ف تجدد مستمر لتزداد جمالا
" لا يبغون عنها حولا " .🌨️🍬

---

- بناء الجنة عبارة عن بناء مصنوع من الدهب و الفضة ، أما ترابها فهو من المسك و الزعفران ، و حصباؤها من اللؤلؤ و الياقوت .🌨️🍬

---

- من الصفات التي يكون عليها أهل الجنة أنهم جرد ، وأعينهم مكحلة .🍬🌨️

---

- لها مائه درجة بين كل درجتين كما بين السماء و الأرض .🍬🌨️

---

- يوجد بها شجرة سدرة المنتهى وهي أكبر شجرة ف الجنة .🌨️🍬

---

- ربنا هيقولنا وإحنا فيها : السلام عليكم يا أهل الجنة ، هنرد احنا و نقول : عليك السلام و منك السلام تباركت يا ذا الجلال و
الإكرام .🍬🌨️

---

- لها ثمانية أبواب المسافة بين مصراعي كل باب كما بين مكه و بُصْري .🍬🌨️

---

- هو احنا ممكن نتكلم مع ربنا عادي ؟!
اه طبعا .. يوم لما نشوف وجه الرحمن هيتكلم معانا وكمان هتاخدي راحتك و تقولي كل اللي نفسك فيه لربنا و ربنا هيفكرك بمواقف كنتِ بتعمليها في الدنيا .🌨️🍬

---

- طب هي أشجار الجنة عاملة ازاي ؟؟
ساقها من ذهب ، و بتنزل لحد عندك علشان تقطف ثمارها ، و ممكن تركب حصان و تجري في ظلها ١٠٠ سنه و متخلصهوش أصلا .🌨️🍬

---

- وجوه أهل الجنة كالقمر ليلة البدر .🌨️🍬

---

- هنسمع القرآن و الأذان بصوت الرسول .🌨️🍬

View more

20

10

Liked by: El Zoz ༻❀♥ M̸̸̮̮̃ǿи̮̲̣̅̐ɑ͠ ♥❀༺ "ذَات الرّداء الاسود"❄ NaDa (مغلق) ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב nourr$ ♑ASHARF Ôsàmà Âshràf

ٖ

Cloudy ⁦ଘ

March 02, 2023

شروط الدعاء الصحيح ؟! ☁️✨ ندعي ازاي وأمته ؟ السلام عليكم ☁️✨

---

" عن فضالة بن عبيد رضي الله تعالى عنه قال : سمع رسول الله ﷺ
رجلاً يدعو في صلاته ولم يحمد الله ولم يصلِّ على النبي ﷺ ،
فقال : عجل هذا ! ثم دعاه فقال :إذا صلى أحدكم فليبدأ بتحميد ربه
والثناء عليه ، ثم يصلي على النبي صلى الله عليه وسلم ، ثم يدعو
بما شاء . ☁️✨

---

..
اولا :- قبل ما تدعي اى دعاء لازم تعمل ال 3 حاجات دول واسمهم
( أداب الدعاء ) وهما : -
1 - الحمد ☁️✨
2 - الثناء على الله ☁️✨
3 - الصلاة على النبي ﷺ ☁️✨
..
ثانيا :- اوقات استجابه الدعاء :-

---

- الدعاء في جوف الليل وهو وقت السحر ووقت النزول الالهي
- بعد الصلوات المكتوبة
- بين الأذان والإقامة
- عند نزول المطر
- ساعة يوم الجمعة (( الساعه إلى قبل المغرب ))
- في السجود لأن أقرب ما يكون العبد من ربه وهو ساجد
..
قبل ما تدعى لازم تكون عارف ايه هي شروط و آداب الدعاء عشان ربنا
يستجيب ليك بإذن
لأن لو عملتهم يبقين الدعاء مستجاب بأذن الله :)) ☁️✨

---

= ((آداب الدعاء )) اكتبهم فى ورقة أو أحفظ فيهم إلى تقدر عليه

---

- اللهم ربنا لك الحمد أنت قيم السماوات والأرض ومن فيهن
ولك الحمد أنت رب السماوات والأرض ومن فيهن
ولك الحمد أنت نور السماوات والأرض ومن فيهن
أنت الحق وقولك الحق ووعدك الحق ولقاؤك الحق
- سبحانك اللهم لا نحصي ثناء عليك أنت كما أثنيت على نفسك
لك للأمر كله ولك الملك كله .
- اللهم إنك عفو كريم تحب العفو فاعف عنا .
- يا حي يا قيوم رحمتك أستغيث .
اللهم صلي وسلم على نبينا محمد ﷺ

---

ثم تدعو بما تشاء ☁️✨

---

= وتختم بالصلاه على النبي ﷺ ☁️✨

---

الرساله دى ليك
خلى ديما عندك يقين وثقة في ربنا إنه قادر على كل شيئ , انه مستحيل يخذلك , مستحيل يرد دعائك , مستحيل يضيعك
انه هيرضيك ويرضي قلبك ويجبر بخاطرك بإذن الله .. سبحانه ☁️✨

---

= مفيش مستحيل ابدا مع ربنا ولا ازاي ولا الواقع بيقول ولا الظروف !
= متملش ابدا من الدعاء ولا توقفه كمل☁️✨
ادعي وفوض أمرك لربنا وبس مالكش دعوه بالباقي :)) ☁️✨

---

واعلم ان

---

دعائك مستجاب بأذن الله ☁️✨

View more

20

10

Liked by: ༻❀♥ M̸̸̮̮̃ǿи̮̲̣̅̐ɑ͠ ♥❀༺ "ذَات الرّداء الاسود"❄ NaDa (مغلق) ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב nourr$ محمد اشرف Mohammed Atef Aya Eldeeb

Space 🧡

Ph.Walaa Qawaqneh

March 02, 2023

اُنظُر إلى نجوم السماء بمنظور مُختلف هذهِ الليلة؛

---

دعوة سجدَّت لتُناجي ربِّك بها ولكِّنها لم تتحقَّق وصَرف اللّٰه عَنك شَر ما تمنيت، وزيَّن لك بها جنَّتك كما زَيَن السماء بالنجوم، أو أحلام تمنيتُّها ولقِلِّة عِلمك كُنت تَظُن أن فيها كُل الخير فصرفها عَنك لأنهُ أراد لقلبك خير، وها هي لازالت تُضيء لك الدَّرب في السماء وتنتظُرك، وتهمس لك في كُل وقتٍ وحين" حاجتك يا حبيبُ اللّٰهِ مَقضيَّة"

---

‏أنظُر إليها من مَنظور البَلاء الذي صبرتَ عليهِ ابْتِغَاءَ مَرْضَاتِ اللَّهِ ، وما أصَابك من نصَب وصَب ، وهمّ و حُزن وأذى ، ثُم اُنظُر إلى عددها ، وتخيَّل كمّ الخطايا الذي كفَّرهُ اللّٰه عَنك جزءًا لصبرك.

---

أُنظُر إليها بعدد عَثراتك التي نجوتَ منها، وخفَقاتك التي تَخطَّيتُها، وعزائمك التي لم تُفتر رغم ضيق الطَريق، والتراكمات التي مرَّت على قلبك ومازال على الطريق يُجاهد.

---

أنظُر إليها نَظْرة البَطل الذي تَخطىٰ كُل المَعارك، واستقبل رسائلها وهي تقول:
" مازال لديك فُرصة لبداية جديدة ، فلا تأذن لنَفسك أن تَقف خَلف باب مُغلق بخيبة أمل"

---

أنظُر إليها نَظرة الجمهور الذي جاء ليُشاهد نِجمة المُفضَّل
- أنتَ - وهو يُرتِّل القُرآن أو يَقرأ الوِرد، فتَزداد نورًا من أوتارك الصوتيّة وأنت تُقَلّقل القاف، وقِصر النَفس وأنتَ تسعى للمدّ ست حركات، فيشهدون على مُجاهدتك لتحسين التِّلاوة، اجعلها تُبدِّد حُزنك ، وتُحفِّز عزيمتك.

---

ولا تترُك هذا المساء يَمُر دون أن تُلقي نَظرة على قلبك لتُحررهُ من ضِيق الدُنيا إلى لُطف الله الذي يُحيطُ بك.☁️✨

View more

13

100

Liked by: NaDa (مغلق) ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב nourr$ ♑ASHARF Ôsàmà Âshràf ♥️صاحب الظل الطويل ♥️ Amr Emam BeSoo✌️

••Spåcê | 🖤🌙••

March 02, 2023

هتكلم عن اللي مقصر في الصلاة
تابعوا🤸‍♀️🖇️☁️

---

الكلام ليكِ يا جميله يالل قربتِ تيأسي

---

واللي نفسه ينتظم ف الصلاة من تاني
نفسي انتظم علي الصلاه !!
بصلي فرض وافوت فرض !! بنسي اصلي او بكسل
مش عارفه ليه بعمل كدا ؟!!
انتي عارفه انك اصلا مضايقه انك مش بتصلي
و عايزه تحافظي علي صلاتك ده أكبر دليل انك جواكِ كويس ، و قلبك حي وبيخاف ربنا ،
فا إنتِ قبل أي حاجه أنتِ والله بخير و جواكِ كويسه
هسألك سؤال ، إحنا بنصلي ليه ؟!
هتقولي عشان ده فرض وربنا قال كدا ، ماشي أنا معاكِ
ده سبب
بس عمرك ما فكرتي فيها بطريقه تانيه

---

ربنا بينادي عليكِ 5مرات ليه ؟! إنتِ فاكره صلاتك هتزود عند ربنا حاجه ولا عدم صلاتك هتنقص من ملكه حاجه ، لا والله ، ده هو بيعرضك عليه 5 مرات عشان يصلح فيكِ ، عشان لما يكون قدامك في الصلاه نوره يوصلك ، فيطهر روحك و قلبك ونوره ده يعينك ع الدنيا ......
ليه تحرمي نفسك من نوره ، إي ف الدنيا يساوي نور من أنوار ربنا ، يعني لما الأذان يقول الله أكبر ، ربنا بيناديكِ بيقولك تعالي أنا عايز أقابلك ، عايز أشوفك محتاجه اي واعملهولك ، عايز يشوفك ساجده بين إيديه وبتقولي يارب ويقولك لبيك عبدي ، لما الأذان يأذن الشيطان بيقف قدامك ويقولك ( يا أنا يا ربك ، يا تستجيب لندائي يا تستجيب لنداء ربك )
تخيلي كدا نفسك يوم القيامه وانتِ واقفه قدام ربنا ، وربنا جاب اللحظه دي ، لما الأذان أذن والشيطان وقف قدامك وقالك يا أنا يا ربك ، وانتِ سمعتي كلام الشيطان ، هبيقا منظرك قدام ربنا إيه ؟؟!
هتقوله إيه وقتها ، عارفه هتعملي إيه ، هتقعدي تعيطي ، لإن ربنا هيقولك أنا كنت معاك ومكنتش بسيبك أبدًا، رزقتك الصحه عشان تصلي و غيرك محروم منها ، رزقتك البيت اللي تصلي فيه ، رزقتك المايه اللي تتوضي بيها ، ولو مفيش صحه صلي وإنتِ قاعده ، ولو مفيش بيت صلي في إي أرض الأرض كلها مسجد ..
ولو مفيش مايه تتوضي اتيممي ، سهلك كل حاجه عشان تصلي ، عشان أقابلك ، وانت بخلت عليا يا عبدي
انتِ شايفه موت الفجأه انتشر إزاي ،وممكن كمان ثانيه تلاقي ملك الموت قدامك ، والله وقتها هتقولي ربي ارجعون ، بس مش هينفع ،
بصي أول ما تسمعي الآذان قولي لنفسك يمكن ده
يكون آخر أذان أسمعه ف الدنيا ، وافتكري إن الشيطان وقف قدامك واتحدي نفسه إنك مش هتصلي ، وبيقول يا أنا يا ربك ، افتكريها وأفتكري ان المنظر ده هيكون قدام ربنا يوم القيامه. ☁️✨

View more

14

0

Liked by: NaDa (مغلق) ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב nourr$ ♑ASHARF Ôsàmà Âshràf ♥️صاحب الظل الطويل ♥️ Amr Emam BeSoo✌️

Pic..

بينوكيو ♑

March 02, 2023

هتكلم عن يوم عرفه بإذن الله ☁️✨

---

تابعوا🤸‍♀️🖇️☁️✨

---

أول شئ هو إيه الفرق بين ليله القدر ويوم عرفه ؟؟

---

✨الفرق بين عرفه وبين ليله القدر زي الفرق بين الفاينل والسمر كورس ... اللي بيشيل ماده في الفاينل الأساسي بيروح للسمر عشان يعوض

---

ربنا رزقنا بليله القدر كا درس لينا وكايوم إمتحان لكل مسلم لإن إحنا بنفضل طول العشر أيام الاخيره في رمضان بنجتهد عشان نعرف هي أنهي ليله ..كتير مننا بيسقط ... اللي بيسقط دا ربنا رزقه بقي بالسمر كورس وهو يوم عرفه☁️✨

---

1 - " صيام يوم عرفة يكفر سنتين ماضية و مستقبلة "

---

2 -ما من يوم أكثر من أن يعتق الله فيه عبدا من النار من يوم عرفة وإنه ليدنو ثم يباهي بهم الملائكة فيقول ما أراد هؤلاء "

---

3 - " خير الدعاء دعاء يوم عرفة "

---

4 - عرفة هو يوم يغيظ الشيطان ، يعم الله عباده بالرحمات ويكفر عنهم السيئات ، ويمحو عنهم الخطايا والزلات ، مما يجعل إبليس يندحر صاغرا

---

- طب هو فعلا ربنا بينزل للسماء الدنيا في اليوم دا ؟

---

✨ ينزل الله تعالى إلى السماء الدنيا كل ليلة حين يمضي ثلث الليل الأول فيقول أنا الملك أنا الملك من ذا الذي يدعوني فأستجيب له ؟ من ذا الذي يسألني فأعطيه ؟ من ذا الذي يستغفرني فأغفر له ؟

---

فلا يزال كذلك حتى يضيء الفجر يعني ربنا بينزل في الثلث الأخير من كل ليلة ☁️✨

---

- فيه فرصه أعوض اللي فاتني في رمضان ؟

---

✨اللي فات خلاص ذهب انما اللي جاي هو الذَّهب الحقيقي ..

---

- طب اعمل ايه في اليوم دا ؟

---

✨ 1_قيام الليل في ليله عرفه صلي لحد ما رجلك فعلا تحس انها خلاص مش قادرة تقف ، اقرأ قرآن بأحب الآيات لقلبك وأكثر الآيات اللي بتخليك تخشع بجد دي اول حاجه

---

2_ استغفر حتي تظمئ من كثره الإستغفار والكلام مع الله ، إستغفر علي كل ذنب عملته ، قول لربنا كل اللي جواك احكيله ... اتكلم معاه ...

---

3_ القرآن عيش مع الآيات ، إقرأ كتيير اوي في اليوم دا ، ادعي بجد من قلبك عيش اليوم صح مع ربنا ، عوض اللي فاتك صح

---

4_ احسن الصيام متفتحش فيس وتقول انا صايم تحبوا ادعيلكم بإيه ...بص صلاتك ليكِ انما صيامك لله فخلي بينك وبين ربنا سريره لا أحد يعلمها ... إياك تفسد صيام اليوم دا بالذات لان مش هيتعوض .. أحسن ما هو لله وادعي قبل الفطار إنك تكون من عتقاء اليوم دا ،لان الدعوة قبل الفطار مُستجابه ، ادعي ان ربنا يحبك فإذا أحبك ادهشكِ بالعطاء

---

5_ حاول في اليوم دا تفرح اي مسلم ، لو بس إبتسامه. ☁️✨

View more

13

0

Liked by: NaDa (مغلق) ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב nourr$ ♑ASHARF Ôsàmà Âshràf ♥️صاحب الظل الطويل ♥️ Amr Emam BeSoo✌️

مساحة _________🦋

March 02, 2023

اللَّهُمَّ أَلْهِمْنِي رُشْدِي، وَأَعِذْنِي مِنْ شَرِّ نَفْسِي
اللهم إني أسألك فعل الخيرات، وترك المنكرات، وحب المساكين، وأن تغفر لي وترحمني، وإذا أردت فتنة في قوم فتوفني غير مفتون، وأسألك حبك وحب من يحبك، وحب عمل يقرب إلى حبك ، اللهم لا تعلق قلبي إلا بك
اللَّهُمَّ إِنِّي أَسْأَلُكَ مِنَ الْخَيْرِ كُلِّهِ عَاجِلِهِ وَآجِلِهِ ، مَا عَلِمْتُ مِنْهُ وَمَا لَمْ أَعْلَمْ ، وَأَعُوذُ بِكَ مِنَ الشَّرِّ كُلِّهِ عَاجِلِهِ وَآجِلِهِ ، مَا عَلِمْتُ مِنْهُ وَمَا لَمْ أَعْلَمْ ، اللَّهُمَّ إِنِّي أَسْأَلُكَ مِنْ خَيْرِ مَا سَأَلَكَ عَبْدُكَ وَنَبِيُّكَ ، وَأَعُوذُ بِكَ مِنْ شَرِّ مَا عَاذَ منه عَبْدُكَ وَنَبِيُّكَ ، اللَّهُمَّ إِنِّي أَسْأَلُكَ الْجَنَّةَ وَمَا قَرَّبَ إِلَيْهَا مِنْ قَوْلٍ أَوْ عَمَلٍ ، وَأَعُوذُ بِكَ مِنَ النَّارِ وَمَا قَرَّبَ إِلَيْهَا مِنْ قَوْلٍ أَوْ عَمَلٍ ، وَأَسْأَلُكَ أَنْ تَجْعَلَ كُلَّ قَضَاءٍ قَضَيْتَهُ لِي خَيْرً
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا أَوَّاهاً مُنِيبًا، رَبِّ تَقَبَّلْ تَوْبَتِي، وَاغْسِلْ حَوْبَتِي، وَأَجِبْ دَعْوَتِي، وَثَبِّتْ حُجَّتِي، وَاهْدِ قَلْبِي، وَسَدِّدْ لِسَانِي، وَاسْلُلْ سَخِيمَةَ قَلْبِي
اللّهُـمَّ إِنِّـي أسْـأَلُـكَ العَـفْوَ وَالعـافِـيةَ في الدُّنْـيا وَالآخِـرَة ، اللّهُـمَّ إِنِّـي أسْـأَلُـكَ العَـفْوَ وَالعـافِـيةَ في ديني وَدُنْـيايَ وَأهْـلي وَمالـي ، اللّهُـمَّ اسْتُـرْ عـوْراتي وَآمِـنْ رَوْعاتـي ، اللّهُـمَّ احْفَظْـني مِن بَـينِ يَدَيَّ وَمِن خَلْفـي وَعَن يَمـيني وَعَن شِمـالي ، وَمِن فَوْقـي ، وَأَعـوذُ بِعَظَمَـتِكَ أَن أُغْـتالَ مِن تَحْتـي
اللّهُـمَّ اجْعَـلْ فِي قَلْبـي نُوراً ، وَفي لِسَـانِي نُوراً، وَفِي سَمْعِي نُوراً, وَفِي بَصَرِيِ نُوراً, وَمِنْ فََوْقِي نُوراً , وَ مِنْ تَحْتِي نُوراً, وَ عَنْ يَمِينيِ نُوراَ, وعَنْ شِمَالِي نُوراً, وَمْن أَماَمِي نُوراً, وَمِنْ خَلْفيِ نُوراَ, واجْعَلْ فِي نَفْسِي نُوراً, وأَعْظِمْ لِي نُوراً. ☁️✨

View more

15

0

Liked by: NaDa (مغلق) سامح العيدروس جُودي ✨ Abdullah Ali •Boody• ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב nourr$ ♑ASHARF Ôsàmà Âshràf

| 🍁

ｉｓｌａｍ

March 02, 2023

هتكلم عن الغيبه☁️✨
تابعوا🤸‍♀️🖇️☁️✨

---

أول شئ
_إيه هي الغيبه وإيه الفرق بينها وبين النميمه.

---

✨الغيبه:- هي ذكر الإنسان بما لايحب ان يذكر عنه

---

النميمه :- هي نقل الكلام من شخص لشخص والذي يؤدي إلي المشاكل والكراهيه بين الناس.

---

كلنا ممكن نتكلم عن أشخاص في غيابهم أو حدث إنه ولو بدون قصد او بقليل الكلام احدثنا مشكله بين اتنين .. وننسي أو نتناسي.

---

وأنت عارف إنه في حاجة إسمها القنطرة ودي اللي بيجتمع فيها الخصوم أمام الله عز وجل ، ووقتها ربنا بيخلص حقوق الناس من بعضها يأما يسامحك الشخص اللي اغتبته ، يأما ياخد من حسناتك.

---

✨طب نعمل إيه لو عايزين ننجو من الوقوف عندها... وتزول كل الخصومات.

---

✨في حل جميل.
كرر الدعاء دا في كل صلاة

---

" اللهم اغفر لي ولمن اغتبته ، ولمن اغتابني واعفو عني وعنه يا الله "

---

قوله كمان مرة

---

" اللهم اغفر لي ولمن اغتبته ، ولمن اغتابني واعفو عني وعنه يا الله " احفظه ومتفوتش سجدة غير لما تدعي بيه

---

وماتقول أنا عمري ماجبت سيرة حد، او تحدثت علي حد بطريقه مش كويسه، لإن الشيطان بيغوينا كلنا وبيخلينا نعمل كدة ، حتى لو بهزار

---

الدعاء ده لو كل الناس قالته ، هيعم بينا السلام ، وهنكون كلنا مسامحين بعض يوم القيامة وبندعي لبعض ☁️✨

---

وظف نعم ربنا عليك صح.. خليها تكون لك في ميزانك لا عليك..

---

اجعل لسانك طيب لا يتكلم إلا بطيب...مزيد لحسناتك☁️✨

---

جعل الله السنتنا ذاكرة شاكره لا تنطق إلا بكل طيب يرضيه☁️✨
Ayat☁️✨

View more

11

0

Liked by: NaDa (مغلق) ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב Ôsàmà Âshràf ♥️صاحب الظل الطويل ♥️ мσнαмєɒ ♑ASHARF

Space💮

M^^

March 02, 2023

- هو ينفع أقعد ربع ساعة استغفر ربنا كـ قيام ليل؟

---

= طبعًا ينفع فقد قال عز وجل: وَبِالْأَسْحَارِ هُمْ يَسْتَغْفِرُونَ. ☁️✨

---

_طبعًا... اقرأ قرآن بس من غير صلاة بس كَ قيام ليل؟
- طبعًا.. اقرأ ما تيسر لك وهتتكب بإذن الله من الذاكرين القائمين

---

" إِنَّ رَبَّكَ يَعْلَمُ أَنَّكَ تَقُومُ أَدْنَى مِن ثُلُثَيِ اللَّيْلِ وَنِصْفَهُ وَثُلُثَهُ وَطَائِفَةٌ مِّنَ الَّذِينَ مَعَكَ وَاللَّهُ يُقَدِّرُ اللَّيْلَ وَالنَّهَارَ عَلِمَ أَن لَّن تُحْصُوهُ فَتَابَ عَلَيْكُمْ فَاقْرَؤُوا مَا تَيَسَّرَ مِنَ الْقُرْآنِ "

---

قادر تصلي ركعتين يبقى جميل جدًا صلي ركعتين قيام واسجد واتمنى اللي نفسك فيه ☁️✨

---

صلي بـ 100 اية هتتكتب من القانتين والقانت دا لما ربنا ذكره ذكر سيدنا إبراهيم عليه السلام
" إِنَّ إِبْرَاهِيمَ كَانَ أُمَّةً قَانِتًا "
أو صلي بـ 1000 آية وهتتكتب من المُقنطرين.. والمُقنطر دا اللي الرسول قال عنه " هم الذين يعطيهم الله أجرًا عظيما"☁️✨

---

_مش قادر تصلي ولا قادر تقرأ قرآن ومكسل يبقى أقعد ربع ساعة استغفر ربنا وهتتكتب من الذاكرين المستغفرين بإذن الله

---

- هو ينفع استغفر و بردو أدعي كأن دا قيام ليل وكده وإن هو المصباح السحري؟
= دا عز الطلب ما هو دا بالفعل القيام، الذكر دا قيام..
هو مش سهرك؟ هو مش أنت قومت عشان تذكر الله؟
هل من مستغفر فأغفر له؟ هل من سائل فأعطيه سؤاله؟
هو ربنا حدد أنهي نوع في القيام اللي هيحقق ليه اللي نفسه فيه؟

---

العبادات سهلة واللهِ.. وأجر قيام الليل بيجي بسهولة فـ يلا ؟!☁️✨

---

- قيام الليل..☁️✨")

View more

12

0

Liked by: NaDa (مغلق) ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב Ôsàmà Âshràf M^^ ♥️صاحب الظل الطويل ♥️ ♑ASHARF

⚖️ مِسـSPACEـاحَة⚖️

# صَفاء غَفر اللّٰه لٓها #

March 02, 2023

كل سنه وأنتم بخير، غفر الله لنا ما مضى وبارك لنا فيما هو آت ☁️✨

---

حاجات مهمة نعملها مع دخول السنة الهجرية الجديدة ..

---

تابعوا 🤸‍♀️🖇️☁️✨

---

(1) إنك تمشي بالتقويم الهجري ..

---

الإهتمام بالشهور الهجرية شيء ممتع ومثمر وعن تجربة .. مافيهوش كريسماس ولا فلانتين ولا عك البدع دا .. فيه صيام فـ أيام معينة و4 أشهر حُرم .. فيه مواسم طاعة تستعدلها.

---

الشهر جاي فيه يوم ميلادي❌
الشهر الجاي أكتر شهر بيصوم فيه النبي بعد رمضان✔️

---

تفكيرك واستعداداتك هتتغير .. وهيربطك بـ فكر الإستعداد لرمضان وذى الحجة والأيام البيض من كل شهر .. وخطة السنة وطلعت بـ إيه من رمضان وكدا.☁️✨

---

(2) راجع الشهور ومواسم الطاعة اللي فاتت ..

مش هتقول مرتب الشهر اللي فات خلص في كذا .. مش هتقولي فـ شهر 6 اتخطبت وف شهر 8 صاحبتي اتجوزت لا .. شهر رمضان عملت فيه إيه ؟ وطلعت منه بإيه؟ .. عشر ذي الحجة غيروا فيا إيه؟ .. صومت في شهر جمادي الأولي كام اتنين وخميس وأيام قمرية؟ ..

---

صومت الست من شوال ولالا وهكذا .. فـ يتربى معاك فكرة المراقبة اللى هتعلمك بقا ازاى تعمل محاسبة لـ نفسك.☁️✨

---

(3) لو الإجابة عن الكام سؤال اللي فاتو في رقم (2) .. هو ما عملتش حاجة كويسة أقدر أحطها كـ إنجاز في مواسم الطاعة

---

يبقي يلا استعين بالله عز وجل ثم السنة بدأت .. تحط هدف للسنة دي إن مافيش موسم طاعة يفوتك .. لازم أطلع من رمضان وأنا حالى مع القرآن اختلف .. وأطلع من عشر ذى الحجة وبقا في تعامل مع الذكر .. وأطلع من محرم وأنا ليا حال من عبادة الصيام وهكذا.

---

وتبدأ تستعد لكل موسم من قبلها وتتدرج وتعود نفسك.☁️✨

---

(4)أقرب موسم طاعة ليك مش رمضان اللي جاي يا بتاع التسويف ..

---

أقرب موسم طاعة هو الجمعة اللى فاتت .. آه والله محرم موسم طاعة .. ويتفضل عن الشهور كلها حتي رمضان بـ ميزة ..

---

هو إن ربنا نسبه لنفسه .. ربنا سماه "شهر الله المحرم" .. زي لما أقولك « كتاب الله .. رسول الله » .. فـ تشتغل على نفسك في أول تحدى دلوقتى إنك تطلع بـ حال جديد مع عبادة الصوم في محرم ..

---

شرف وعزة إن ربنا سبحانه وتعالى نسب حاجة لنفسه.☁️✨

---

(5) أعمل ايه فـ محرم ؟

---

نقول تانى وتالت الـصـيـاام
أكتر شهر كان بيصوم فيه النبي صلى الله عليه وسلم بعد رمضان .. عارف إن الجو حر والله عارفة بس حاولوا .. دي فرصة ما تتعوضش ..☁️✨

View more

14

10

Liked by: NaDa (مغلق) ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב Ôsàmà Âshràf ♥️صاحب الظل الطويل ♥️ VDROF ♑ASHARF عَـبـدُ اللّــهِ

..ꨄ

وَرْدَةٌ || سُهَيْل.

March 02, 2023

هتكلم عن يوم التوبة التاريخي"يوم عاشوراء" ☁️✨

---

تابعوا🤸‍♀️🖇️☁️✨

---

يوم عاشوراء :-يوافق 10/محرم☁️✨

---

من أعظم أيام له من التمييز والإختصاص عن بقية أيام العام الكثير.
خص الله صائمه بعظيم الأجر،فعاشوراء يقول لك لا تيأس فا مازالت هناك فرصة لتصحيح كل ما مضى والبدء من جديد، نرى فيه سعة رحمة الله أنه حتي وإن أغلقت أمامك أبواب فهناك أبواب أخرى فتحت... وإن ما استطعت الفوز بغنيمه رمضان وهربت منك أيام العشر... فهناك عاشوراء لك فرصة جديدة، تب إلي الله من كل ذنب يعطلك عن السير في طريقه☁️✨

---

وعاشوراء لا يقف معناه عند التوبة فقط هناك قصص اخرى لمزيد من المعاني.
1_يوم التوبة : ففيه "تاب الله علي سيدنا *آدم* _ علي إخوة يوسف _ علي قوم سيدنا *يونس* وكشف عنهم العذاب"
ونزيد من المعنى أجمله فصيامه يكفر سنه ماضيه
حيث قال رسول الله "صلى الله عليه وسلم" صيام عاشوراء أحتسب علي الله أن يكفر السنه التي قبله". ☁️✨

---

2_يوم الإنتقام :- يوم غرق فرعون وجنوده في البحر
فهو وإن كان يوم أمان وطمانينة للمؤمنين إلا أنه يوم إنتقام وقصاص من الكفار.☁️✨

---

3_يوم الفرج والفتح :- فهو اليوم الذي استوت فيه سفينه" نوح عليه السلام" ونجاته☁️✨

---

4_يوم الولاء والبراء:-
فنحن نصوم اليوم إمتثالًا لأمر النبي "صلى الله عليه وسلم" "نحن أولى بموسي منهم" يقصد به اليهود.
ونحن لا نكتفي بعاشوراء لصيام بل نصوم تاسوعاء وهو اليوم الذي يسبقه.. لنتميز عن باقي الديانات
حيث " أنه حين صام الرسول يوم عاشوراء وأمر بصيامه قالوا:- يارسول الله إنه يوم تعظمه اليهود والنصارى فقال رسول الله" صلى الله عليه وسلم ":- فإذا كان العام المقبل إن شاء الله صُمنا اليوم التاسع قال :-فلم يأتِ العام المقبل ، حتى توفي الرسول". ☁️✨

---

فرسائل عاشوراء لا تجزعوا وأبشروا فهناك دائمًا سبل وفرص للإقبال من جديد☁️✨

---

لا تنسوا يا رفاق صيام الغد" الأحد "وصيام الأثنين.. تاسوعاء وعاشوراء.. تقبل الله منا ومنكم وغفر لنا جميعًا ما مضى وبارك لنا فيما هو آت☁️✨

---

آيات☁️✨

View more

14

100

Liked by: NaDa (مغلق) ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב Ôsàmà Âshràf ♥️صاحب الظل الطويل ♥️ سَلسَبِيـلَاا☁️ سارّة..❤️"404" عَـبـدُ اللّــهِ ♑ASHARF

Pic ଘ

Cloudy ⁦ଘ

March 02, 2023

مش كل الإنجازات ممكن تتشاف!

---

- أحياناً بيكون الإنجاز فى إنك تصحى لصلاة الفجر فى وقتها وتقرأ أذكارك وتقضى يومك عبادة ومتأخرش ولا فرض ✨.

---

- وساعات بيكون الإنجاز فى إن الحاجة اللى نفسك فيها تضيع منك ومع ذلك متقنطش من رحمة ربنا واليقين يفضل فى قلبك ومتبطلش دعاء ✨.

---

- وساعات بيكون الإنجاز فى إنك تستمر فى محاولة خشوعك فى الصلاة فى الوقت اللى عقلك بيقولك فيه إنك مش هتقدر تصلى فرض كامل بخشوع تام وإن مش لوحدك اللي بتسرح فيها ✨.

---

- الإنجاز العظيم هو إن يومك يعدى وأنت راضِ عن حالك تمام الرضى ومتسألش وتقول : لية يارب ✨.

---

- الإنجاز هو محاولة صيامك 3 أيام كل شهر ، ومحاولتك إنك تكون بار بأهلك ✨.

---

- الإنجاز فى صفحة القرآن اللى بتقرأها يوميًا وفى محاولة حفظك ليه ✨.

---

- الإنجاز الأعظم هو إنك بتسعى إنك تصلح من نفسك عشان ترضى الله ✨.

---

ربنا شايف محاولاتك كُلها ، وعلى كُل محاولة ثواب عظيم
بس فى محاولة هتكون مكافئتها الجنة والنظر إلى وجه الله فـ مهما تقع قوم وكمل سعى ، وخليك عارف إن مهما كان عملك بسيط فهو عظيم ✨

View more

17

10

Liked by: NaDa (مغلق) ♡⁦✿⁠⁩ رِحاب ✿⁠♡ عَـلِـيٌ الرِّيَــانِـي םבםב Cloudy ⁦ଘ Ôsàmà Âshràf ♥️صاحب الظل الطويل ♥️ سَلسَبِيـلَاا☁️ мσнαмєɒ سارّة..❤️"404"

Space 🖤

February 28, 2023

السلام عليكم ورحمة الله وبركاته ☁️✨
بوست لطيف فـ ذكر الله ☁️✨

---

1-مزعوجَه ؟
دائماً قولي : أللهم صلِ علي سيدنا محمد وعلي آله وصَحبه وسلم

---

2-شآيله هم شيء ؟
دائماً قولي : حسبي الله لآ اله إلا هو عليه توكلت وهو رب ألعرش ألعظيم .☁️✨

---

3-متضآيقه ؟
دائماً قولي :لآ إله إلا ألله ولآ حول ولآ قوة إلا بِ الله .☁️✨

---

4-حزينه؟
دائماً قولي :إنما اشكو بثي وحزنى لله.☁️✨

---

5-غير موفقه بِ حياتك ؟
دائماً قولي : وما توفيقي إلا بِ الله عليه توكلت وإليه أنيب☁️✨

---

6-غير سعيده ؟
دائماً قولي : حسبي ألله ونعمَ ألوكيل ☁️✨

---

7-عندكِ هم وغم ؟
دائماً قولي :لآإله إلا أنت سُبحانك إني كُنت من الظالمين☁️✨

---

8-لكي يَقبل ألله دُعاكِ ؟
دائماً قولي :أستغفر الله ألذي لا إله إلا هو الحي القيوم ربنا وتقبل دُعاء ☁️✨

---

9-للمُحافظه علي الصلاة ؟
دائماً قولي :رب إجعلنى مقيم الصلاه ومن ذُريتى ربنا وتقبل دُعاء.☁️✨

---

10-تحسي إنك وحيده ؟
دائماً قولى :ربِ هب لي من لدُنك سُلطاناً نصيراً ربِ لآ تذرنى فرداً وآنت خير الوارثين ☁️✨

---

11-سَعيده ؟
دائماً قولي الحمد لله حمداً كثيراً طيباً مباركاً فيه ☁️✨

---

12-إمورك فيها عُسر ؟
دائماً قولي :ربِ إشرح لي صدري ويسر لي أمرى وأحلل عقدة من لسانى يفقهوا قولي .☁️✨

---

13-ترجو تحقيق امنيه ؟
دائماً قولي :استغفر الىه وأتوب إليه ☁️✨

---

14-فِ بقلبك شئ علي حد ؟
دائماً قولي :أللهم إجعلنى من الكاظمين الغيظ والعافين عن الناس .☁️✨

---

15-لعلاج ألعصبيه ؟
دائماً قولي :أللهم ألجم شيطانى بألف لآ إله إلا ألله وأسكن غضبي بلا حول ولا قوة إلا بالله العلي العظيم .☁️✨

---

16-ولتداومي علي قراءة القُرءان ؟
دائماً قولي :أللهم اجعل القرءان العظيم ربيع قلبي .☁️✨

---

17-ولبناء بيت بِالجنة ؟
دائماً قولي :(قل هو الله أحد الله الصمد لم يلد ولم يولد ولم يكن كفواً احد☁️✨

---

18-ليكن بيتكِ ذآ كنوز ونخل ؟
دائماً قولي :سُبحان الله وبحمده سُبحان الله العظيم .☁️✨

---

19-ولكي تتركي ألغيبه والنميمة ؟
دائماً قولي :اللهم اجعل كتابي في عليين واحفظ لساني عن العالمين ☁️✨

View more

12

10

Liked by: NaDa (مغلق) ♡⁦✿⁠⁩ رِحاب ✿⁠♡ םבםב ♥️صاحب الظل الطويل ♥️ بشائر دينية Ôsàmà Âshràf ｉｓｌａｍ Hind Salah الرّاحِلُون وَبقَايانا .. H!

SPACE 🖤

M^^

February 27, 2023

وليكونَ مبتغاكَ ألّا يضيعَ يومكَ سرابًا،
فكلّ يومٍ بهدفٍ بل كلّ ساعةٍ بإنجازٍ.. وقد يتضمّنُ الإنجازُ صلةَ رحمٍ أو صدقةً بدينار واحد، أو حتّى نشر آيةٍ والعمل بها، أو تحفيظَ أحدٍ حديثٍ، أو الذهابَ لأكثرِ من مسجدٍ واحتسابَ الخطوِّ إليهِم، أو مساعدةَ عابرِ سبيلٍ، أو إدخالَ السرورِ على قلبِ مسلمٍ، أو أمرٍ بمعروفٍ ونهيٍ عن مُنكر، أو تفريجَ كرب مكروبٍ، وتخفيفَ حملِ سائلٍ، أو حتى دعاءً بظهر الغيبِ كلّ يومٍ لمجموعةٍ ما!

---

لا تضيعوا أيامكم هباءً .☁️✨

16

60

Liked by: NaDa (مغلق) Amany Medhat Mohamed Ȝamer ♡⁦✿⁠⁩ رِحاب ✿⁠♡ םבםב ♥️صاحب الظل الطويل ♥️ بشائر دينية Ôsàmà Âshràf Islam ♕•••ŜĤĮϻÃà ÃβĎẸĹŇβЎ•••♕

ﾟ

Cloudy ⁦ଘ

February 25, 2023

صباح الخير يا لطيف ☁️✨

---

لمَ اليأس وتضيع الوقت فيما لا يفيد؟
انهض، كفى ما ضاع من عمرك!
قد يُنجز المرء في يومـه ما لم يُنجزه في أمسه، وقد ينجز عند كبـره ما لم ينجز في صغره أو طفولتـه☁️✨
ليس ذنب أحد أن فاتك ما فاتك من الخيـر بادر كي لا يكون الندم أكبـر
أنت دقيقة تأمل
لا تَلُم أحداً إن فاتك الغرس ورأيت ثِمار الحاصدين
الكل ماضٍ إلى وجهته، ودروب الخير محدودة، أيمضي الركب دونك!☁️✨
‏ليس من التناقض أن تفعل الحسنة بعد السيئة.. فهو من الجهاد، وأشد الجهاد جهاد النفس، فكن من أعتى المجاهدين
‏قال رسول اللّٰه ﷺ: (اتَّقِ اللَّهَ حَيْثُمَا كُنْتَ، وأَتْبِعِ السَّيِّئَةَ الْحسنةَ تَمْحُهَا).☁️✨
ضع يدك على موضع قلبك كل يوم..
ثم ردّد..
أعوذ بك يا الله من كل التفاتةٍ عن مرادك.. تزرع في القلب أمراضاً، وفي النفس آثاماِ، وفي الدرب أشواكاً...
أعوذ بك من امتلاء القلب بالهوى، وتدرّجٍ بالمعاصي يزيد ألفتها، ويزرعها في القلب علقماً صعب الاقتلاع..
يا رب..
لا تشغلني بما كفلت لي من رزقٍ ونِعَم، ولا تجعلني شحيحاً بِما أستطيع من عطيّةٍ وكرم..
يا رب..
اجعلني ممتلئاً بحبك، ساعياً إليك، عارفاً بك، مسخَّراً لدينك، شاكراً بالعمل أنعُمَك، حامداً لاهجاً بذكرك.
ثم ارضَ عني، فذاك للقلب أعظمُ مَرام☁️✨

View more

22

100

Liked by: NaDa (مغلق) ♡⁦✿⁠⁩ رِحاب ✿⁠♡ םבםב بشائر دينية Islam eng.ahmed hosam222012 M.hajji Ôsàmà Âshràf Cloudy ⁦ଘ

Space☁️✨

✿⁠مُغْلَق لِلأَبَد✿

February 24, 2023

السلام عليكم ورحمة الله وبركاته. ☁️✨
ثريد لسلاسل دينية، تابعوا. 👀☁️✨

+ 79 💬 messages

read all

17

0

Liked by: NaDa (مغلق) ♡⁦✿⁠⁩ رِحاب ✿⁠♡ םבםב ♥️صاحب الظل الطويل ♥️ بشائر دينية Islam eng.ahmed hosam222012 M.hajji Ôsàmà Âshràf

Pic🦋

بينوكيو ♑

February 24, 2023

عبادات بدون مجهود وبدون وضوء وأجورها غاية في العظمة. ☁️✨

---

1- عبادة الرضا. ☁️✨
الرضا بما قسمه الله لك أيا كان لأنه هو الأنسب لك في كل الأحوال.

---

2- عبادة جبر الخواطر. ☁️✨
وهذه أيضا عبادة سهلة وهي كلمتين حلوين تكسب بهم قلوب الناس.

---

3 - عبادة قضاء حوائج الناس. ☁️✨
وهذه تأتي لأغلبنا لعنده إذا كان أحد ما يحتاجك بأن تساعده للوصول لهدف معين أو في قضاء حاجة معينة.

---

4 -عبادة الكلمة الطيبة صدقة. ☁️✨
كلمة حلوة من لسانك يشهد لك بها يوم الحساب.

---

5- عبادة حسن الظن. ☁️✨
اترك البواطن لله لأن ربنا هو الذي يحميك من الشر.

---

6- عبادة جميلة هي زكاة العلم.☁️✨
وهو أنك إذا سألك أحدهم عن معلومة قلها كاملة مثلما ساقها لك رب العالمين عن طريق أحدهم .. ابعثها لكل الناس أفدهم بها.

---

7-عبادة التفاؤل والأمل بالله. ☁️✨
أي والله التفاؤل عبادة "أنا عند ظن عبدي بي".

---

8 - عبادة ترك مالا يعنيك. ☁️✨
وهو عدم التدخل في أي حاجة لا تعنينا ونترك التحليلات والاستنتاجات التي تؤدي الى سوء الظن
"يا أيها الذين آمنوا لا تسألوا عن أشياء إن تبد لكم تسؤكم".

---

9 - عبادة التغافل. ☁️✨
أنك لا تدقق كثيرا في عيوب غيرك
لأنه من عاب شيئا على أحد وقع فيه وأصابه نفس العيب..!

---

10- عبادة الإمهال والصبر. ☁️✨
أنك تمهل وتصبر تعطي المخطئ فرصه أخرى لعل وعسى أن تكون له مُعين.

---

11_عبادة وقف الشائعات عندك. ☁️✨
و هذه عبادة مهمة جدا بأنك إذا سمعت كلاما سيئا عن أحد... دعه يقف عندك..
و عندما يسألوك عنه اعمل نفسك أنك
لا تعرف وقل لم اسمع.

---

12- عبادة التبسم. ☁️✨
تبسمك في وجه اخيك صدقة.

---

13- ادخال السرور على قلب مسلم. ☁️✨
سواء بلين المعاملة او الصفح عنه او التبسم له او الهدية او المعونة او الكلمة الطيبة او البشرى او الطعام والشراب ، وغيرها.

---

أظن لا يوجد أسهل من هذه العبادات، تعطينا كمية من الحسنات ونحن جالسين وبدون أي مجهود، فلنعود أنفسنا دوما على فعل الخير، فاذا عم الخير فإنه يطال الجميع،لعلنا ننجو بها. ☁️✨

View more

18

0

Liked by: NaDa (مغلق) ♡⁦✿⁠⁩ رِحاب ✿⁠♡ םבםב ♥️صاحب الظل الطويل ♥️ بشائر دينية Islam eng.ahmed العشوائي ❤️The golden boy hosam222012 M.hajji

🖤.

Ahmed

February 24, 2023

علمتني سورة الکهف..
{ فٱنطلقا }
ان النجاح يحتاج إلى الانطلاق ....☁️✨

---

علمتني سورة الكهف ؟
{فلينظر أيها أذكى طعاما} -
لا تأكل الا طيباً ولا تطعم الاطيباً فـ الله طيب لا يقبل إلا طيباً☁️✨

---

علمتني سورة الكهف ؟
{من يهد الله فهو المهتد}
_ انها سيل في نيل الهداية الا من الله ، فهو الهادي المرشد لمصالح الدارین سبحانه☁️✨

---

علمتني سورة الكهف ؟
{ولا تعدُ عيناك عنهم تريد زينة الحياة الدنيا}
- الصديق الصالح من إذا صاحبته تعلقت بالآخرة☁️✨

---

علمتني سورة الکہف ؟
{وإذكر ربك إذا نسيت وقل عسي أن يهدين ربي لأقرب من هذا رشدا}
- ذكر الله و الدعاء علاج للنفس والروح☁️✨

---

علمتني سورة الكهف ؟
{أما من نظلم فسوف نعذبه ثُم يرد إلى ربه فيعذبه عذاب نُكرا}
- ان عذاب الدنيا مهما بلغ ، فإنه لا يقارن بعذاب الآخرة
"نعوذ بالله من النار"☁️✨

---

علمتني سورة الكهف؟
{ أليس ربك بقادر على أن يحي الموتي}
- ان الله الذي امات اصحاب الكهف ثلاث مائه و اذدادوا تسعة ثم أحياهم قادر علي ان يحيي أمتنا مهمها طال سباتها☁️✨

---

- ولنا في كل جمعه ثلاث رحمات ...
الصلاة على النبي و سورة الكهف و کنر ينتظرنا قبل المغرب
«دعوة مستجابة» ☁️✨

---

سورة الكهف في نور بين الجمعتين -
أجرها عظام جدا متحرمش نفسك من فضلها. ☁️✨

View more

23

0

Liked by: NaDa (مغلق) جُودي ✨ Abdullah Ali •Boody• ♡⁦✿⁠⁩ رِحاب ✿⁠♡ םבםב ♥️صاحب الظل الطويل ♥️ spinalcord34148 Islam eng.ahmed hosam222012

لــآيات المجاهــدة🌨️❄️

M^^

February 23, 2023

وإنما يستقيم الرجوع إلى الله إصلاحا
بثلاثة أشياء: بالخروج من التبعات، والتوجع للعثرات، واستدراك الفائتات.

---

١- الخروج من التبعات هو بالتوبة من الذنوب التي بين العبد وبين الله، وأداء الحقوق التي عليه للخلق.

---

٢-والتوجع للعثرات يحتمل شيئين:

---

أحدهما: أن يتوجع لعثرته إذا عثر، فيتوجع قلبه وينصدع، وهذا دليل على إنابته إلى الله، بخلاف من لا يتألم قلبه، ولا ينصدع من عثرته، فإنه دليل على فساد قلبه وموته.

---

الثاني: أن يتوجع لعثرة أخيه المؤمن إذا عثر، حتى كأنه هو الذي عثر بها ولا يشمت به، فهو دليل على رقة قلبه وإنابته.

---

٣- واستدراك الفائتات: هو استدراك ما فاته من طاعة وقربة بأمثالها، أو خير منها."

---

- ابن القيم، مدارج السالكين☁️✨

26

10

Liked by: NaDa (مغلق) ♡⁦✿⁠⁩ رِحاب ✿⁠♡ םבםב ♥️صاحب الظل الطويل ♥️ بشائر دينية eng.ahmed hosam222012 M.hajji Ôsàmà Âshràf Cloudy ⁦ଘ

آيات انتِ موجودة ممكن سؤال، أنا صمت آخر يوم في شعبان وأول يوم في رجب نويته صيام برضو بس مش تطوع ومش في نيتي أول يوم وآخر يوم ف حد قالي مينفعش عشان مينفعش وصل الشهرين بس أنا مجاش في بالي كدا ، هو دة صح فعلا ؟

February 21, 2023

السلام عليكم ورحمة الله وبركاته. ☁️✨
يجوز الصيام طالما ما موافق يوم يكره فيه الصيام زي يوم الشك "آخر يوم في شعبان" إن لم يوافق يوم عادة " يوم الشخص معتاد على صيامه زي إثنين وخميس"،والله أعلم... دا آخر ما تناهى إليه بحثي. ☁️✨
تقبل الله منكم يا جميلة. ☁️✨

38

30

Liked by: NaDa (مغلق) ♡⁦✿⁠⁩ رِحاب ✿⁠♡ םבםב eng.ahmed hosam222012 M.hajji Cloudy ⁦ଘ يُثرثِر بِ الوفَاءَ❤ Islam بشائر دينية

مـجـاهدة💚✨

M^^

February 20, 2023

تَفَقَّد قلبك..

---

أخبرهُ همسًا أنَّ الله يختار رجاله جيدًا، أنَّ الأُمَم تقومُ على أكتاف الصَّادقين، أنَّ الاجتباء مسارُ حياة، وأبعَدُ من مُجرَّد لحظة..

---

أخبِرهُ أنَّ الليالي تصنَعُ الساجدين، وتَصقِلُ المُحبِّين، وأنَّ عتمَةَ ليالينا اصطِفاء، وفُحمة سوَادها جَلاء، والسِّر فيها فردِيٌّ لا يُرى، بل يُعاش..

---

أبلغه أنَّا أبناءُ الفجر لا ننام، نقتاتُ الفرقان غذاءً والأنفال لنا دواء، عَلِّمه أنَّ الصَّلوات تغسل الأفئدة، والحُبُّ دليل السائرين، ألَا يعلمون أنَّ أنفاسنا قرآن؟ وأنَّ الخَلَوات تبني فينا صِدِّيقًا وعُمَر؟!

---

﴿وَلِلَّهِ جُنُودُ السَّمَاوَاتِ وَالْأَرْضِ ۚ وَكَانَ اللَّهُ عَزِيزًا حَكِيمًا﴾

---

لبَّيك ربِّي، ذاكَ أنا إن غَفَلَت عنكَ الأفِئدة.. ☁️✨

35

40

Liked by: NaDa (مغلق) Asmaa abdelmoneam ♡⁦✿⁠⁩ رِحاب ✿⁠♡ םבםב hosam222012 M.hajji Cloudy ⁦ଘ يُثرثِر بِ الوفَاءَ❤ Islam بشائر دينية

Space 🍂

February 19, 2023

"عن عُمرهِ فيما أفناه!"☁️✨

---

لِمَ لا تَقنع قَلبكَ أن بداية شَهر رمضان من الغَد بإذن اللّٰه ، وإنه سيكون هذا العام " خَمسةٌ وثمانين " يومًا ، فعليكَ أن تجدَّ وتجتهدُ مِن الغَد لتُعتق من النَار.

---

فلمِلم شَتات ذنوبك، وقطِّع خبائث الهوىٰ ، واذهب إلى القُرآن بكُل حُب وابدأ في خَتم القُرآن، ولكّن هذهِ المرة ستكون ختَمة تدبُّر ، وفي شهرِ رجب ابحث عن الآيات والأحاديث والوقفات اللي ذُكر فيها " يُحبُهم " وانظُر مَن هُم أحبابُ اللّٰه، وما هي صفاتهم! وماذا فعلوا ليُحبّهم اللّٰه ، واسعى لتتجمَّل بها.

---

تلك هي مُهمتك في هذا الشَهر، بجانب خَتمة القراءة الطبيعة ، ألا وهي الوِرد اليوميّ الذي يروي قلبكَ كَما وَرَدَ مَاءَ مَدْيَنَ، وسارع لصَلاة التراويح - قيام اللَيل - فصلي قبل النوم كُل يوم قدر استطاعتك، وتكوَّر أمام الله في السجود بكُل حُب.

---

أما عن شَهر شعبان!
فهذا الشهر له طابع خاص ، وهذهِ الخَتمة ستكون مُختلفة تمامًا ، ابحث عن آيات التحذير، آيات النهي، آيات الذين يبغض اللّٰه فِعلُهم، ثُم اسعى وجاهد ألا تَفعل ما فعلُوا ، وضاعف الوِرد واسقي روحك أيضًا.
وفي أخر يوم في هذا الشهر راجع ما تدبَّرت جيدًا، فأنت ستذهب إلى معركة ، سلاحك الوحيد فيها هو الأُنس بالله، وخُذ مع اللّٰه ميثاق غليظ أنك ستسعى لتجعل هذا الشهر
- رمضان - مُختلف.

---

حتىٰ إذا جاء رمضان!
أصبحَ التدبُّر عَادة وليس شاقٌّ على النفس، ويرىٰ اللّٰه سَعيك لقراءة القُرآن وهمَّتك فَيُضَاعِفَ وِردكَ أَضْعَافًا كَثِيرَة، وتعتادُ قدمك على القيام لساعات، ولسانك على التجويد فلا يتلعثم،وأُذنك على الإنصات فلا تملّ، فتفعل ما يُحب اللّٰه لأنك عَلمتَ ما يُحب، وتتجنّب ما يبغض اللّٰه لأنك تدبَّرت وفَهمت ما يكره، فيرىٰ اللّٰه صِدق سعيك لتُعتق ، فيعتقُكَ من النارِ والنفاق.

---

والآن فعلتَ كما كانت الصحابة تفعل فهنيئًا لكَ حُب اللّٰه كما أحبهُم.☁️✨

View more

+ 1 💬 message

read all

38

30

Liked by: NaDa (مغلق) Asmaa abdelmoneam ♡⁦✿⁠⁩ رِحاب ✿⁠♡ םבםב ♥️صاحب الظل الطويل ♥️ hosam222012 M.hajji Cloudy ⁦ଘ يُثرثِر بِ الوفَاءَ❤ بشائر دينية

مساحة لطيفة💛🍂:

February 18, 2023

السَّلامُ عليكَ ياصاحبي. ☁️✨

---

وَصَلني أنَّكَ مُتعَب ، فجئتُ لأدثِّر روحك بقولهِ تعالى: ﴿ ﻫُﻢْ ﺩَﺭَﺟَﺎﺕٌ ﻋِﻨْﺪَ الله ﴾
فلتَكُن دَرجة يَقينك عالية ، وأرِ اللّٰه أنك حقًا تُحبهُ وتُحبُّ أقداره ، كَي يرزقَك ما تتمنىٰ ، أليس هو القائل :
﴿ وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ ﴾.
اِعلَم أنَّ لكُلِّ ساع ما سعى ، وأن لكُلِّ داع ما دعىٰ ، وأن لكُل القلوب جابرًا ، وأنَّ الَّذِين يتَدثَّرون بالــدُّعاء ، لا يُخذَلون.

---

يا صاحبي سيمرُّ كل هذا ، وسَيشرُق نَهار قلبك ، وستُنار عَتمة روحك ، وسيتمهدُ الطريق وينطوي تعبُ الأيام ، اِعلمُ أنَّهُ في يومٍ ما سيُعيدُ اللّٰه لكَ العوض الذي يُنسيك ألَمك ، وما أَلّمكَ ، وما طَلبتَ منهُ وما لم تَطلُب ، سَينتهي كُل ما حَدث مَعك وكأنّهُ لَم يَكُن ، ‏فأستَأنَسَ بالله ، لتَهونَ عليكَ جَميعُ الشَّدَائِد ، واقترب من اللّٰه لتَقترب منك رَحمتهِ ، ويتنَّزل عَليكَ جَبره.

---

و السَّلامُ على قَلبك .☁️✨

View more

55

50

Liked by: NaDa (مغلق) Asmaa abdelmoneam ♡⁦✿⁠⁩ رِحاب ✿⁠♡ ♥️صاحب الظل الطويل ♥️ eng.ahmed M.hajji Cloudy ⁦ଘ يُثرثِر بِ الوفَاءَ❤ بشائر دينية ♑ASHARF