تستحق قلوبنا أن تُحمل على كفوف من الحُب ،
ونستحق ألا نهون أو يُستهان بنا .
انقطع عملهم وأُغلقت صحائفهم فـ اللهُم ارحم قلة حيلتهم وآنس وحشتهم وأنر قبورهم .
ادعوا لخالي فضلاً .
كلنا طبعاً عايزين يبقي ذكر الله والاستغفار والصلاة على النبي ع لسانا دايماً لأنهم حرفياً بيفرقوا جداً فـ كل حاجة في حياتنا
وأنا حاولت أكتر من مره بكذا طريقه إني أعمل دا بس كنت بلتزم يوم اتنين وبعد كدا بنسي
ومن الطرق اللي استخدمتها إني جبت خاتم المسبحة علشان أفضل لابساه بس برضو أوقات كتير كنت بنسي ألبسه أو أقلعه فـ أي مكان وأنساه أو كنت لما بلبسه مده طويلة كان بيوجعلي صابعي وكنت بقلعه
فـ عملت الفكرة دي وقلت استمر عليها كام يوم علشان اشوفها هتنفع ولا لا زي الطرق اللي جربتها قبل كدا
بس حقيقي النتيجة فرحتني جداً ولقيت إني في آخر اليوم بنجز عدد حلو أوي فـ حبيت اقولكوا علي الفكره
الفكرة بقا فـ إننا معظم الوقت ماسكين الموبايل سواء فـ البيت أو برا البيت فلو فيه حاجه فـ الموبايل نفسه بتفكرنا بالذكر مش هننسي
فـ إحنا هنجيب خاتم المسبحه ونقطع الخاتم السيليكون اللي بيتلبس فـ الصابع وهيفضل الجزء بتاع المسبحة نفسها زي مانتوا شايفين فـ الصورة كدا هنلزقه ع كاڤر الموبايل ع حسب مسكتك ليه أنا مسكته وشوفت السبابه بيبقي فين بالظبط ع الكاڤر ولزقت المسبحة بحيث إنها تبقي تحت صابعي
لزقتها بمسدس شمع حطيت حاجه بسيطه على المسبحة من فوق ومن تحت ولزقت
ثابته جداً مكانها وممكن لو معندكوش شمع تجربوا أمير وإن شاء الله تظبط
طبعاً فيه أحاديث كتير عن الفضل العظيم لـ ذكر الله والصلاة على النبي وقد ايه ممكن تشقلب حياتنا رأساً على عقب
جربوها وخلوا نيتكم خالصة لوجهه الكريم وافتكروني فـ دعائكم . 🖤View more
وَجدتُ في بَوْتقة الرضا جميعَ الفئات ، وجدتُ الراضي لأنه يملك كُل ما تمنى ، والراضي الذي لا يملك شيئًا ، والراضي بمزيجِ سَرّاء وضراء حياتِه
فأيقنتُ أن الرضا لا علاقة له بما يملك أحَدهم ، بل بِسِرٍ بَينَه وبينَ مالِكِه ، يَستوي فيه على قلبهِ مَنعُه وعطاءُه ، فيَطيبُ عندَه كلُ ما أتَى مِنه .
الحمد للّٰه أنّها دُنيا ، وَعسانا فِي الجنّة نَأنس ويُؤنَس بِنا .
لا إله إلا الله ولا حول ولا قوة إلا بالله .
