Ask @ayatt2008:

طب معلش انا فعلا محتاجه اجابه هو انا لو سامحت حد آذاني ربنا هيجبلي حقي ولا خلاص طالما سامحت حقي مش هيتجاب وبردو لو انا مسامحتش هل ده عيب مني ! وبردو اعرف ازاي اني سامحت اللي قدامي ؟

حقك تسامحي وحقك ماتسامحيش !
عادي دا شئ يرجعلك انتي .. ع قدر قوة تحملك وتجاوزك للأشياء ..
تعرفي إنك سامحتي ولا لأ ..
لو لقيتي نفسك لما بتفتكريهم مابتحسيش بألم أو جرح أو كُره ..
يكونوا عادي جداً بالنسبالك ..
وآذاهم تارك ندبة آه لكن أصبحت لا تؤلم ")
تحسي بشعور كدا .. علينا وعليكم السلام!
بالنسبة لنقطة إنك لو سامحتي ربنا مش هيجيبلك حقك خلاص ؟
{فَمَنْ عَفَا وَأَصْلَحَ فَأَجْرُهُ عَلَى اللَّهِ}
يعني انتي بعفوك عن اللي أذوكي هتكسبي أوي دنيا وأخرة ..
كفاية بس إنك تستشعري فكرة إنك لكِ أجر عظيم عند ربنا بعفوك عنهم ..
هتحسي إنك هادية ومُطمئنة ..
كل الأذى والجروح هتطيب لمّا تلاقي جزاء صبرك وعفوك ف الآخرة .. ")

View more

إن الله -تعالى- يبسط يده بالليل ليتوب مُسيءُ النَّهَارِ، ويبسط يده بالنهَارِ ليتوب مُسِيءُ الليلِ حتّى تَطلُعَ الشمسُ من مغرِبِها ‏عد إلى ‎الله مهما كثرت ‎ذنوبك،فالذي سترك وأنت تحت سقف ‎المعصية لن يخذلك وأنت تحت جناح ‎التوبة _فضلا ادعى بالرحمه لعائلة كامله اتوفت بالغرق امبارح #انونه_قيام الليل 🖤✨

لا حول ولا قوة إلا بالله "((
الله يرحمهم ويغفرلهم يارب ويربط ع قلوب ذويهم.

View more

الشخص الى استنيته بقالى سنين اعترفلى بحبه وطلع بيحبنى وهو لحد دلوقتى ميعرفش انى بحبه من زمان ولا يعرف انى بحبه اصلا عايز يتقدملى بس انا خايفه خايفه من انه يطلع زى الباقى خايفه من حاجات كتير من كتر ما اتعرضت لخذلان وصدمات في حياتى

شوف ياخي الإنسان دا عجيب والله!😂
ماتوافقي يستي وافرحي كدا وعيشي اللحظة ..
ماتخافيش .. الشيطان مابيحبش يشوفنا مرتاحين وفرحانين فبيحب يكدر علينا فرحتنا كدا ويوهمنا بحاجات مش موجودة!
استعيذي بالله ..
وماتسيبيش نفسك لنفسك !
إن شاء الله هيطلع زي الفل وعوض ربنا عن كل اللي فات ..
بس ياريت يتقدم علطول بدون حوارات كتير ..
مبروك مُقدماً .. وربنا يسعدك 💙

View more

👀👀👀

ولا فكرت ماعرفش! 😂
فكرتي ياجميل آه "D
ع فكرة انا مش بتكلم ع تصرفاتك خالص .. انا قولتلك دا طبيعي وعادي ..
اللي ظاهر للناس تمام ..
بس اللي جواكي ايه ؟
ايه اللي بيخليكي يعني تضحكي لما يضحك وتزعلي لما يزعل ؟
او تفتكري المواقف بالتفصيل كدا !
احنا كلنا بنتعامل بنفس الطريقة عادي بس مابنركزش عادي يعني بيكونوا ناس عابرة كدا واليوم بيعدي وبيتمحوا من الذاكرة حرفيا ومابنركزش ايه حصل ولا قولنا ايه علشان هما لا يعنوا لنا شيء اصلا! ..
لكن لما يكون شعورك كدا فدا معناه ان الوضع مختلف حتى لو انتي مش معترفة بكدا ..
لما تسيبي المكان مش هروب ولا ضعف انتي بتنقذي نفسك ..
ولما تروحي مكان تاني مش هيحصل كدا تاني ع الأقل انتي أخدتي خبرة ف التعاملات .. ولو حصل قوليلي وقتها هيكون في كلام تاني ..
بس صدقيني انك تسيبي المكان دا أسلم حل ..
حوار تواجهي واللي قادرة ع التحدي وع المواجهة دي هيودي لسكك احنا ف غِنى عنها ..
علشان احنا لا قادرين ع المواجهة ولا ع التحدي .. احنا يدوب ساندين نفسنا بالعافية ..
والإنسان ضعيف وغلبان أوي والله "(

View more

خلاص مممن تردى هنا 👀👀 كنت كاتبه تفاصيل ي رب توصلك اللى مضايقنى

ممممم بصي هو طبيعي يعني كسوفك وخجلك دا شئ كويس عادي ..
محدش هيفكر حاجة يعني ..
بس بغض النظر عن هما هيفكروا ف ايه !
انتي قفشتي نفسك وانتي مُهتمة صح ؟ "D
انتي مركزة ف تفاصيل كتير اوي .. وأعتقد لو مش مركزة ف التفاصيل كدا مش هتحسي بأي توتر ناحيته وهيبقى عادي كدا ..
واجهي نفسك بالحقيقة ..
وماتضايقيش عادي بتحصل مفيش إنسان بيملك مشاعره بس بنملك نحكمها ونحكم سلوكياتنا بعد كدا صح ؟
فنعمل ايه ؟
تسيبي المكان خالص معلش ..
علشان حاساها هتبقى باب فتنة كبير هيتفتح عليكي ..
جربي ف مكان تاني ..
ولتاني مرة بأكدلك طريقتك ف التعامل عادي جدا وطبيعية ودا المفروض اصلا ..
ومحدش هيفكر حاجة عنك غير انك بنت زي الفل وع خُلق ..
بس قرار انك تسيبي المكان دا علشانك انتي مش علشان حد ..
علشان بدأ يكون في ميل وتعلق وتركيز ف التفاصيل وارتباط المزاج بمزاج الآخرين وحالتهم ودا مؤشر خطير أوي أوي أوي يعني "D
فشوفي كدا هتعملي ايه وانا معاكي وع أي حال ماتضايقيش نفسك ..
ربنا يصرف عنك السوء ويكتبك اللي فيه الخير 💙

View more

Next