Ask @ayazedan62:

space 🖤✨

بمُناسبة ان الوضع العام ضغط و توتُر الدراسة و الامتحانات وكُله فقد شغفه و قُدرته عالاستمرار، افتكروا حديث الرسول العظيم:
"من سلك طريقاً يبتغي فيه علماً سهل الله له طريقًا الى الجنة،وإن الملائكة لتضع أجنحتها لطالب العلم رضاً بما يصنع،وإن العالم ليستغفر له من في السموات والأرض،حتى الحيتان في الماء. وفضل العالم على العابد كفضل القمر على سائر الكواكب"
و كُله بيعدّي بلُطف وكرم ربنا .. مهما كان الامر صعب❤️.

View more

Space 💘

Radwa1459’s Profile PhotoRadwa hesham El-qwesny"))
نام وطمن قلبك القلقان ده ، ماتحتارش كتير، انت في ايد امينه جدا عليك وعلى حلمك وعلي حالك وعلي مستقبلك اكتر منك انت نفسك ، سيب ربنا هو اللي يختارلك ماتختارش انت ، وخليه يدبرلك هو وماتفكرش وماتحسبهاش انت ربنا حساباته احلى بكتير وفوق تخيل عقلك ، الحلم يجيبهولك، والحزن يبعده، والفرح يقربه، والعوض يرتبه، والروح يطبطب عليها ، والوحش يجعل بينك وبينه مسافات، والحلو يخلي بينك وبينُه صدفه تجعل حياتك كلها سعادة وهَنا في ثانية ، بس انت سلمها له كلها واصبر وانت هتقف تتفرج وهتندهش وهتدوق عوض ربنا لحد ما عينك وقلبك يرضوا ، ومتنساش تحضر عنِيك لدموع الفرح..🍂🖤

View more

باقي شهر ونص ع الامتحانات والمنهج كله متراكم عليا (كله بمعني الكلمه) وانا تانيه ثانوي وخايفه من كل حاجة خايفه من تالته اللي لسه مبدأتش وعندي طموحات كتير بس مبذاكرش ولما خلاص لقيت ان باقي شهر ونص ع الامتحان قولت هذاكر بس برجع اقول إني مش هلحق اعمل اي حاجه ف الشهر ده وحقيقي مش عارفه اعمل اي!!!!!!!! 💔

بصي سيبك من كل اللي فات ده وركزي في الوقت اللي معاكي ده شهر ونص هتقدري تلمي المنهج فيهم ان شاء الله بس لازم تنطمي وقتك ومتقوليش هبدا من بكره لا ابداي من دلوقتي خلي في هدف قدامك وابداي علشان تحققي الهدف ده ولو معندكيش هدف خلي اهلك هم هدفك هو الترم حولي انك تتعبي فيه شويه وان شاء الله تنجحي فيه والترم التاني ابداي من الاول مع المدرسين. ومفيش حاجه اسمها مش هلحق انتي معاكي لحد اخر لحظه .وأدام انتي عندك طموح يبق اتعبي شويه علشان طموحك ده وان شاء الله توصلي للي انتي عايزه. متفكريش في ٣ث من دلوقتي سيبي كل حاجه لوقته .وابداي علشان متندميش بعد كدا بجد .
انا في ٣ث وبقوالك ان كل الوقت ده هتاجي بعد كدا وهتندمي بجد هتندمي ع كل الوقت اللي بيضيع ده وكنتي هتقدري تحقيقي كل فيه فعلا .حرفيا انا بندم ع كل الوقت اللي ضع مني ده واللي لسه بضيع فيه علشان الفرصه مش بتاجي غير مره وحده. انا بسب اني مزكرتش في اوله وتانيه جدا ومكنتش مهتما بيهم كل ده بياثر ع سنه تالته دلوقتي بحول ارتب نفسي بس بجد لحد دلوقتي مش عارفه. فمضيعيش الفرصه ده وذكري بجد وبجد هترتاحي وهتحسي انك عملتي حاجه صح. انا مكنتش حبه ارد ع اي سوال بس حست اني ممكن افيدك او حتي انفعك ولو بي اي حاجه ف ردات . وبجد حولي انك تبداي حولي انك تذاكري جامد اوي وعمالي جدول وتعبي شويه في الفترة دي ومتخفيش هتوصلي بس نظمي الوقت وذاكري كل حاجه من الاول واي حاجه تكوني مش فهماهه هتي مدرس من ع اليوتيوب يشرحلك وبعد كدا ابداي حلي وطبقي ع الدرس وان شاء الله الوقت هيكون كافي وهتراجعي كمان. ربنا يوفقك يارب وتحققي كل اللي نفسك فيه يارب.ويارب اكون قدره اوصلك حاجه. هو كنت ممكن اقولك ع جدول بس مش عارفه انك علمي ول ادبي. ف حولي انتي تنظمي نفسك. 🖤🖤

View more

Related users