أنا ٢١ سنة و مبصليش و مش قادرة و خايفه أموت كدا .
اسألي الله التوبة.. هو انتي فكرانا بنصلي جدعنه منا ده توفيق من ربنا
الخوف هو بداية الطريق اعقدى النيه خالصه لوجه الله
وحاولى تلتزمى بالصلاه لمده ٢٠ يوم متتاليين هتتعودى عالصلاه ومش هتبقى تقيله على قلبك
اول متسمعى الأذان قومى اتوضى وصلى متتكاسليش سيبى أى حاجه فى ايدك مفيش حاجه فى الدنيا أهم من صلاتك
وافتكرى انك هتقفى قدام وجه كريم تتسئلى عن عملك فى الدنيا وقتها ملهيات الدنيا مش هتفيدك لكن عملك الصالح هو اللى هيسندك
استعيني بالله وانوي فعلا تتوبي وترجعي للصلاة وربنا هيعينك صدقيني
ولازم تقتنعي وتدركي كويس ان احنا محتاجين الصلاة وقبل كل شئ ده فرض علينا وواحب وبين الايمان والكفر هو ترك الصلاة
اسمعي كتير ف الدين وعن فضل الصلاة سواء ترغيب أو ترهيب من تركها
وربنا يهديكي وايانا ونقدر نقرب اكتر حقيقي احنا بعااد اوي
لازم تصلي اقرأي عن الجنه والنار كتير وان شاء الله هتلتزمي اعتبري الصلاة عاده في الاول لحد ما قلبك يتعود عليها ويحبها وبعدها مش هتتركي فرض واحد
مقدرش ألومك علشان مزودش همك بس كل اللى اقدر اعمله انى انصحك حاولى تجبرى نفسك علطول انك تصلى وتعالى منبه لميعاد كل صلاه وشوفى حد من صحابك معاكى علشان ترجعوا بعض دايما وطول ما انتى بنصلى ادعى ربنا انه يحببك فى الصلاة ويقربك منه ويديمك على طاعته وصلى النوافل علشان تعوضى اللى فوتيه وبرضه تسهلى الموضوع على نفسك عارفه ان الموضوع بيبقى صعب بعد ما بتكبرى بس العزيمه تخليكى تثبتى وربنا يهدينا ويهديكى ويثبتك🤍
خليكي دايما متوضيه حتي لو وضوئك بطل لأي سبب اتوضي تاني .. متتكاسليش عن صلاتك بالذات مجرد م هتواظبي عليها هتلاقي حاجات كتير بتتغير ف حياتك للاحسن
أقرأي قران وقربي من ربنا بالصلاة افتكري انك ممكن تموتي. ف اي لحظه
طب ماتبتدى تصلى الصلاه حلوه وهاتريحك نفسيا جدااا ده غير انها اول حاجه هانتسال عنعا فى القبر فبلاش تتاخرى اكتر من كدا واسمعى فيديوهات عن الصلاه هاتحبيها
طالما خايفه يبقى ان شاء الله هتلتزمي ابجائي بس ومتأجليش وتستني اكتر من كدا وعلى كل يوم هتلتزمي فيه اعمل مكافأه لنفسك شكولاته او اي حاجه بتحبيها
