Ask @basmashafek45:

أرني جزءً من يومك ؟

جبت عصير برتقان وقاعده بشربه عشان انسي اللي حصلي النهارده..😢
كمان كنت عاوزة مانجا مش برتقان بس ملقتش يعني بشرب غصب عني كمان
إي الدنيا دي😭

View more

أرني جزء من يومك

هل انت نفس الشخص قبل ثلاثة سنوات ، ما الشيء الذي تغير؟!

انت مش نفس الشخص قبل تلت دقايق من دلوقت اصلا..
كل يوم بيعدي عليا بأعرف معلومة جديدة وبكتسب خبرة جديدة..بصحح فكري ف جانب ما..بشوف الحاجة بشكل اوضح من الأول فبغير وجهة نظري فيها..حتي هنا ع اسك ف اسئلة لما بشوف اجابتي عليها بقول انا رديت كدا ازاي..لأن دلوقت بئا عندي وجهة نظر تانيه وفكر تاني بخصوص الأمر ده..والتغير ده شئ طبيعي مع اختلاف الزمن والعادات وتقدم العمر..
بس طبعا في حاجات كتير جدا ثابته بالنسبالي لأن بحس إني اتولدت بيها كدا ومش ممكن أغيرها..خاصة إني شخص مش بيتغير بسهوله..😄

View more

هل سبق لك وأن أنهيت علاقة صداقة لسبب سخيف؟ ماذا كان السبب؟

نادراً جدا لو اتخذت قرار انهاء العلاقات ده..مش بتخلي عن علاقاتي بسهولة إلا لو الطرف التاني هو اللي عنده الرغبه ف إنهاء الصداقه فساعتها ده حقه يعني..وزي ما قولت قبل كدا إني بحترم رغبات الأخرين..😄

View more

كيف يكون الصباح المثالي ليوم الأجازة بالنسبة لك؟

إجازه!
فكرتني بأيام ما كنت شباب 😢
أنا لو عندي إجازة من الكلية فمعنديش من الشغل..ولو عندي من الشغل معنديش من الكلية..😢

View more

اسباب سعادتك

أنا بحب الأطفال جدا جدا خاصة اللي بيكون صُغننين دول 😂
في طفل اتعرفت عليه من يومين ف الصيدلية عنده حوالي ٣ سنين كدا وهو من النوع اللي مش بيروح لأي حد أصلا..
فالنهارده بقوله بتحب شهد؟ قالي لا (عشان بتزعله يعني)
قولتله أومال بتحب مين؟ قالي بحبك انتي يا بثمه 😂♥
يلا نلعب استغمايه زي امبارح يا بثمه..😂
وحقيقي عسول وكلام الاطفال ده بحبه اوي 💙

View more

Next