اكتب ما تشاء 🌸
الناس المزاجيين مش بس بيأذوا الناس اللي حواليهم على قد ما بيأذوا نفسهم ، الناس اللي حواليهم بيشوفوهم في حالات مختلفة بس مش أكتر ، بيشوفوهم و هما مبسوطين و بعد ساعة بيشوفوهم و هما متضايقين او عصبيين ، بيشوفوا التغييرات اللي بتحصل في مزاجهم بس . و اللي بيعرفوهم كويس بيبقوا عارفين ان أغلبهم بيطلعوا و ينزلوا على مفيش ، بيتنرفزوا و يتعصبوا و يهددوا انهم هيخربوها على دماغ الكل و فجأة يروحوا معيطين او ساكتين خالص ميتكلموش و كأنهم اتخرسوا ، كل ده ولا حاجة بالنسبة للي بيحسوا بيه هما نفسهم ، الشخص المزاجي غالباً بيفكر كتير ، بيفكر ف كل حاجة و أي حاجة ، بيفكر و هو صاحي و هو نايم ، بيفكر لحد ما دماغه بتوجعه و بيبقى نفسه يخبطها في اقرب حيطة يمكن تهدا ، كمان بيتأثر بسرعة جدا بعوامل زي حالة الجو ، الحر بينرفزه و البرد بيخليه كسلان و المطرة بتحيبله اكتئاب ، و كمان الجو العام الخارجي فلو الناس اللي حواليه مبسوطين بيتبسط و لو الناس متضايقة هو بيتضايق و لو عنده مشكله صغيرة في حياته كل حاجة ف حياته بتبوظ.
الشخص المزاجي ده غالباً بيكون حساس ، اقل كلمة بتزعله و اقل موقف بتصعب عليه نفسه ده غير انه بيزعل من غير أي أسباب ، فجأة بيحس انه مخنوق و ان في حاجة غلط ، بينعزل مع نفسه و بياخد جنب و بيرجع فجأة كأنه مختفاش فجأة ولا حاجة ، انتوا متخيلين كمية التغييرات اللي بيحس بيها و قد ايه بيتأثر بسرعة بكل حاجة ! ، دي حاجة تخليكوا تشفقوا عليه مش تكرهوه ، لو مش هتعرف تتعامل فعلا مع شخص من النوعين دي يبقى متتعاملش معاه من الأساس لأنك هتبقي حمل زايد عليه ..👌✋
الشخص المزاجي ده غالباً بيكون حساس ، اقل كلمة بتزعله و اقل موقف بتصعب عليه نفسه ده غير انه بيزعل من غير أي أسباب ، فجأة بيحس انه مخنوق و ان في حاجة غلط ، بينعزل مع نفسه و بياخد جنب و بيرجع فجأة كأنه مختفاش فجأة ولا حاجة ، انتوا متخيلين كمية التغييرات اللي بيحس بيها و قد ايه بيتأثر بسرعة بكل حاجة ! ، دي حاجة تخليكوا تشفقوا عليه مش تكرهوه ، لو مش هتعرف تتعامل فعلا مع شخص من النوعين دي يبقى متتعاملش معاه من الأساس لأنك هتبقي حمل زايد عليه ..👌✋