شخص ما خدعني وهو دلوقت خاطب بس انا عايزه ابعت ع صراحه اقول اني مش مسامحه بس ع كل اللى عملو فيا مع العلم انا عامله بلوكات ف كل حته بس حاسه اني هرتاح لما ابعت اني مش مسامحه .. اعمل ايه ؟😢
Sebeh f 7alo
اعملي كدا ، بس هو مالوش لازمه كلمي ربنا احسنلك وع فكره ربنا هيعوضك والله وهتشوفي
كل شي قسمه ونصيب
متبعتيش حاجه ..
لما ربك يكرمك بعد شوية بالشخص اللي يصونك هتعرفي انك كنتي حمارة وانه من رحمة ربنا بيكي انه بعد عنك .....وهو اكيد هيدفع التمن عاجلا ام اجلا لانه داين تدان ولو بعد حين
ابعتى ...
بس الافضل تتجاهلى وتركزى مع قلبك وعلاجه احسن
وليه يحس انه لسه ببالك حتى لو بتكني مشاعر سيئة؟!
استعوضي وجعك لله وخلي ربنا وكيلك هيتكفل بكل ده وهيردلك مظلمتك، لا تقلقي الديّانُ لا يموت🌻
لا بلاش..
فوضي أمرك لله و هو هياخدلك حقك.. و ادعيه دايما يجبر بخاطرك
لما بيحصل بيني وبين حد خلاف وألاقيه مبعوتله رسايل ع الأسك هنا أو ع صراحة تضايق وكدا ببقي عاوزة أدخل أحلفلهم إن دا مش أنا وإني والله مفيش ف دماغي حاجه وأكبر من إني أبعت ع صراحة والحوار دا وعمري ما عملتها أصلاً وبراعي نفسية اللي قدامي حتي لو هو ميستحقش دا لمجرد إني ماخدش ذنب دنيوي!
لو بعتي حاجه هتلاقي الموضوع بقا مرهق أكتر بجد
أنا من رأيي فاكس، متتابعيش الأحداث اللي بتحصل واستني عدل الحق في الآخرة
ومتنسيش إن لو كان فيه بينكم كلام مثلاً وهو خطب بنت تانية ف كدا انتو الإتنين عليكم ذنب وملكيش انك تقولي ظلمني وغيره لإن الدين اصلاً كان آمرك بعدم استباحة الكلام معاه من البداية، ف نتعلم من غلطنا ونتوب ومنرجعش تاني وندعي ربنا يعوضنا...
الله يغفرلنا جميعاً كل اللي فات ويرزقنا بناس تقر أعيننا وتسترنا ستراً جميلاً ويصلحنا ليهم ويصلحهم لينا.
انتى مش محتاجة تبعتى والله ربنا هيجبلك حقك لحد عندك