@bassmaahmed3

Bassma..♥

Ask @bassmaahmed3

Sort by:

LatestTop

Previous

متقدملي عريسين و الاتنين ملتزمين وعلي خلق ومتعلمين بس التاني حالته المادية احسن ومقاربه لحالتي وطريقه حياتي هل لو وافقت ع التاني عادي ولا هبان مادية؟

صلي صلاة استخارة وشوفي ربنا هييسرلك انهي طريق ..
وخدي مشوارة الاهل لان بيكون ليهم وجهة نظر ممكن تكوني انتي مش شايفها
وربنا يكتبلك كل الخير 💙

Space جامد جدا

انا محظوظة وبحمد ربنا دايماً انه رزقني ب لين القلب و التسامح واني مهما هلفط بالكلام وانا زعلانة او متعصبة وخدت قرارات قاسية عمري ما قدرت انفذها و بهدى ، عمري ما كنت شخص شديد وصعب في التفاهم و زعلي كله بيكون نابع من الحب والعشم اللي موديني في داهيه
ويشهد ربنا اني ما سببتش ابداً أذى /زعل لحد عن عمد وعمري ما هان عليا العشره ولا نسيت لحظه حلوه بيني وبين حد ولا سِبت حد ومشيت الا وانا متأكدة ان ده مش مكاني ،ودايماً هتلاقيني بابي مفتوح لأي حد محتاجني حتى لو مبقاش بينا أي كلام ولا علاقة تربطنا ببعض.

شخص ما خدعني وهو دلوقت خاطب بس انا عايزه ابعت ع صراحه اقول اني مش مسامحه بس ع كل اللى عملو فيا مع العلم انا عامله بلوكات ف كل حته بس حاسه اني هرتاح لما ابعت اني مش مسامحه .. اعمل ايه ؟😢

هل تفتكري بجد ان شخص زي دا هيفرق معاه انك تبعتي او هيعرف اصلا مين بعت ..!
* سيبي نفسك لزمن والوقت يداوي روحك واعرفي ان ربنا يمهل ولا يهمل وهيجيي اليوم الي حقكك هيجيي فيه من غير ماتعملي حاجه وساعتها هتعرفي ان ربنا اختياراته دايما افضل لينا ، وربنا يعوضك خير مما فقدتي ويسعد قلبك 💙

ليه الست مش حرة انها متتحجبش ... بما انها هي الي هتتحاسب .. وبما انها عاقلة وناضجة انها تختار نمط حياتها؟؟

ليه الست مش حرة لما بتاخد العلاج غصب عنها وهي تعبانه وتتدخل الجامعه وهي مش عاوزة
الدين والعقيدة مفهوش عاوزة ومش عاوزة ..
* دا ستر للمرأة وربنا امرنا بيه وعفه لينا وبيحفظنا من شرور كتير واولها نفسنا .
وربنا يهدينا جميعا ووييسرلنا طريق الهداية ..💙

هو انا خاطب جديد ، بس كنت اتصبت في عيني اليمين ومبشوفش بيها ولبست عدسة علشان شكلها يكون واقعي ، بس طبعا مش باينه فهل لازم اعرف خطيبتي ولا لا ، وخايف تسيبني .

اكيد طبعا لازم تعرفها وتبقي متقبل انها ممكن متقدرش تكمل ، لان الي انت ممكن تقبله غيرك ميقدرش يتعايش معاه .

احنا منعرفش بعض بس بحب ردودك علي الاسئله اللي بتتبعتلك ودماغك انا بحب حد اووي بس هو ميعرفش اصلا واوقات بحس انه معجب بيا بس نفس الوقت متقدملي عريس كويس من كل حاجه اوافق عليه ولا استني علي امل ممكن الشخص اللي بحبه ده يتقدملي انا معنديش صحاب ف ممكن تساعديني؟

سوري بجد لو اتأخرت في الرد بس لسه شايفه الاسك .
نصيحة مني بجد طالما مقالكيش انه بيحبك عديه وشوفي العريس الي متقدملك لان محدش مضمون في الزمن دا.

Next

Language: English