Ask @batoolhabannakeh:

ماشاء الله جوابك يُدرّس يا بتول الله يفتح عليكي ❤️🌹

Sidra AB
الله يسلمك يا سدرة 🙂
الله يفتح علينا جميعاً... 😘
+1 answer in: “أنا عندي مشكلة في زميلتي بالجامع انخطبت وبتنزل بوستات وحالات عم الحب بينها وبين خطيبها ... أنا لما بشوف هالشي بحس قلبي رح يحترق والنار شعلت جواه ولا اراديا بحسدها وبحقد عليها ومش طايقاها بالمرة حاولت كتير انو خلص نفسي من هالشي ووقف هالمشاعر و بطل اهتم الها لكن ما عم اقدر نصحوني شو الحل أمانة؟ 😢”

أنا عندي مشكلة في زميلتي بالجامع انخطبت وبتنزل بوستات وحالات عم الحب بينها وبين خطيبها ... أنا لما بشوف هالشي بحس قلبي رح يحترق والنار شعلت جواه ولا اراديا بحسدها وبحقد عليها ومش طايقاها بالمرة حاولت كتير انو خلص نفسي من هالشي ووقف هالمشاعر و بطل اهتم الها لكن ما عم اقدر نصحوني شو الحل أمانة؟ 😢

رح قلك شغلة... شعور الغيرة شعور انخلق مع النفس البشرية وموجود عند كل إنسان وكل حدا بيختلف المحرض لإلو...
واحد من المشاعر الهامة جداً جداً وانذكر كتير بالقرآن.... قابيل قتل من الحسد ... الشيطان أنا خير منه... إخوة يوسف كانو رح يقتلو من الغيرة... بنو إسرائيل فوتو حالهم النار من الحسد ورفضهم يدخلوا الدين الجديد ... يعضون الأنامل من الغيظ...
الغيرة والحسد خطيرين بخطورة القتل تخيلي!!
وكل نفس بشرية إلها حصة من هالامتحان بكتير محرضات...
رح شاركك تجربة مريت فيها... من شي سنتين كنت حاسة بصعوبة بالرضا وكنت فكر وأدايق أني أصلاً حس بالغيرة لأي شي أو حدا... وبيوم من أيام إجابة الدعاء وبعد صلاة دعيت "يا رب علمني الرضا" ... ما بعرف شو خطرلي بس وقتا فكرت أن الرضا صعب وعنجد بدو تعليم... بدو طريقة لأتعلمو...
وفعلاً من بعدها حسيت بإجابة الدعاء وضليت أراقب إجابة الدعاء دائماً ...
أول تعلم تعلمتو أنو كل ذي نعمة فهي ليست كاملة (حتى لو بينت هيك) وأن هذا الشخص لديه نقص بنعم أخرى (القانون الأكيد المؤكد أن الدنيا ليست كاملة ولا لأي شخص)... وصرت عدها وشوفها فعلاً... بعدين صرت شوف النعم يلي عندي وما عندو وهاد جاب كمية راحة أنو رب العالمين مقسم الأرزاق بشكل مخيف ما بيتخيلو إنسان...
بعدها تعلمت حديث ما عاب النبي طعاماً قط... رغم بساطة الحديث لكن عمل عندي نقلة نوعية رهيبة.... واظبت على إمساك اللسان قدر المستطاع عن عيب أي طعام عم آكله سواء اشتريته أو طبخته أو حدا طبخو... عنجد بيعلمك تمسكي الوجبة يلي دفعتي حقها 2500 (وضمنياً طلعت فيها عيب ما عجبك) وتقولي يا الله ألف الحمد لله في ناس بتمرق وبتشوف هالوجبات وبتتمناها وما بتقدر تجيبها ... الحمد لله أني من الناس يلي عندي نعمة أقدر أشتريها... أضاف هالحديث جرعة حمد كتير حلوة...
وبعدها تحولت قصة النعم كلها لقصة أصعب ... أنو يا رب عندي كل هالشغلات ... يا رب ما تكون حجة عليي أني فوق هيك وما عندي عمل صالح ... شفت من فترة بنت فاقدة سمع وعم تعمل أحسن مني وبدها تنشر الإسلام وتساعد الصم الذي يشعرون بالنقص وتخيلي تزوجها شخص صحيح السمع... وهكذا ...
وبخصوص رفيقتك... تذكري بيجوز هالعريس عندو عيب كذا وكذا ... وأنها هية هالبنت ما عندها أم وأب متل عندك أو ما عندها علم متل عندك أو أنت بتشتري يلي بدك هية ما بتشتري أو أنت مرزوقة بالجمال وهية لأ .. أو أو ... تذكري نعم عندك وما عندها ... شوفي هالشي.... شوفيه فعلاً...
بعدين ركزي على حالك أنت. على هدف إلك... هدف مهني حياتي مشروع حابة تعمليه.. تعليم قرآن ... أي شي بخصك... هاد بخليك تفكري بقيمتك كإنسانة إلها وجود وتأثير... مو كشي ناقص ... هدول خطوات بشوفهم في طريق الحمد...
وبعدين لما بيتغير الفكر هل بيروح شعور الغيرة نهائياً؟ بيبقى ما يقذفه الشيطان رغم عدم وجود أي منطق ... يعني يقذف في قلبك الغيرة رغم أنك ممتلئ بالنعم وعم تشوفها.. هاد بدو ذكر الحمد
في جزء من الغيرة بشفوه إيجابي ويحدث فروقات إيجابية رائعة هية لما شخص بكون أعلى همة منك وأنت لأ... هاد الشخص بيحفز وبيرفع سقف المعايير مشان تحاول تكون أفضل
بالختام بحب قلك.... الغيرة شعور خلق فينا ... ويلي بدو ينكره يتفضل لعندي لنتحاور .. وشعور الغيرة متل أي شعور إله جانب إيجابي وجانب سلبي... وسنمتحن به :)
نعم لم أكن أصدق مقولة قرأتها منذ سنين أن من أجمل السعادات في الحياة هو الرضا إلى أن ذقت منه وأقولها فعلاً لا أكثر طمأنينة وأمناً من الرضا... الرضا باب الحمد و الحمد رمز أمتنا و"قليل من عبادي الشكور" وما زلت في رحلة الرضا

View more

+1 answer Read more

انا خايفة من الفشل 💔

نعم إنه مخيف...
وأنا خائفة أيضاً...
كنت اليوم أفكر في نصيحة شخص ممتنة له بها
"توقع الأفضل وخطط للأسوأ"
أنقذتني في بعض أمري... عندما حدث الأسوأ وأسعفني بعض ما خططت له..
كانت أول مرة طبقتها فيها ...
لا أستطيع أن أقول أن الأفضل سيحدث بل إن الحقيقة تقول أن نسب الفشل أعلى بكثير من نسب النجاح...
لماذا؟ لأن التعقيد السببي الذي صنع فيه الكون يجعل منطقنا أبعد بكثير جداً من قدرته على إصابة النجاح للمرة الأولى... بل وحتى أحياناً أشعر ويكأنه ببعض الرياضيات يبدو مستحيلاً أن نصيب النجاح أصلاً إلا أن نهدى هداية محضة ... لا أعلم...
خططي للأسوأ ... لقد طبقت هذا ولقد أنقذني شيئاً ما...
بعدها توكل على الله... أحد مواضع التوكل في القرآن الكريم في المائدة:
( يَا أَيُّهَا الَّذِينَ آمَنُوا اذْكُرُوا نِعْمَتَ اللَّهِ عَلَيْكُمْ إِذْ هَمَّ قَوْمٌ أَنْ يَبْسُطُوا إِلَيْكُمْ أَيْدِيَهُمْ فَكَفَّ أَيْدِيَهُمْ عَنْكُمْ وَاتَّقُوا اللَّهَ وَعَلَى اللَّهِ فَلْيَتَوَكَّلِ الْمُؤْمِنُونَ)
لأنه مع كل اجتهاد سيظل هناك خفايا لا يحيط بها إلا الله...
وأريد أن أخبرك شيئاً في الختام ... هذا الفشل الذي خططت قليلاً قبله للأسوأ كان بشعاً جداً
ولكنه صنع مني شخصاً آخر ....شخصاً أقوى وأمتن وأكثر وضوحاً وإصراراً ....

View more

جدا حبيت الفكرة وكنت من زمان بتمنى افهم القرآن ولاسيما الآيات الجالية اللي العالم بتناقشنا عليها ونحنا منوقف ساكتين لجهلنا فيها ممكن بس توضحي أكتر كيف ممكن أعمل هيك شي؟ شو الكتب اللي اقرأها؟ من وين بلش يعني والله يجزيك الخير ❤❤

الحقيقة في خطوات بسيطة:
١- قراءتك للقرآن تكون بالسور وليس الأجزاء... وندرك أنه السورة بحد ذاتها موضوع وأن عنوانها له علاقة بالموضوع، بأحد المحاضرات يلي حضرتها مرة بالإعلام كانت بتقول أنو في شي سبعة أنواع لعنونة أي شي ..
٢- القراءة مع الانتباه من أين بدأت الآيات وإلى أين انتقلت... سورة البقرة مثلاً من أوضح السور تقسيماً للموضوع.. أولاً موضوعها الرئيسي: خلافة الإنسان في الأرض بين من أضاعوه ومن أقاموه، بتبدأ بالموازنة بين أصناف الثلاثة المتقين المنافقين الكافرين بعدها خطاب الناس بعدها قصة الخلق بعدها مثال المضيعين للخلافة بنو إسرائيل... وهكذا... التقسيم واضح
سورة الأنعام بالمقابل من السور يلي لقيت صعوبة بتقسيم موضوعاتها لأنها كلها عقيدة وحجج ..
مجرد تركيزك على موضوع الآيات يلي أنت فيها رح تقدري توصلي لآخر السورة وحتى لو كانت طويلة وأنت مستوعبة المنظر العام...
٣- صراحة في برامج متعددة سبق وشاهدتها بالسيرة النبوية والتاريخ الإسلامي وبرنامج بالقرآن اهتديت عن أشخاص من بلدان مختلفة كيف أسلمو... هدول شكلو خلفية لاستيعاب الحجج وغيرها، أعتقد السيرة أهم الشي.. أي مصدر ولو مصغر للسيرة ضروري...
٤- موسوعة التفسير الموضوعي لسور القرآن الكريم بنصح فيها.. وحتى راسلت كاتبها وقال أنها مفتوحة النشر بمعنى تحميلها غير مسروق .... فيها أقسام أقوى من أقسام... لأنها نكتبت بعدد كبير من الشيوخ ... بتشكل الأساس التفسيري.. يعني آيات متل يسألونك عن الأهلة... أو ما جعل الله من بحيرة.. أو الأمثال وغيرها... ما بخفيك حاطة مشروع إنهاءها سنة بمعنى هية مجلدات وبدها جهد...
سابقاً مجربة ظلال القرآن ومجربة مجلد الشعراوي ومجربة قراءات متنوعة بالطبري وابن كثير وغيرهم... لقيتها الأنسب وبعدها الشعراوي... هية المفروض جامعة التفاسير... الشعراوي لازم تعرفي أنو أطول بحوالي ٣أضعاف أو أكتر والمجلد يلي انجبلي للأسف ما لقيته مقسم إنما سرد ورا سرد... أظن الشعراوي ما كتب إنما تلامذته فرغو التسجيلات لهيك هوة هيك.. فهوة صعب التصنيف
بعد الأساس التفسيري بإمكانه الواحد يغوص بالمجالات المتنوعة ويشوف اللمحات من المفكرين وغيرها ويحطها بمكانها... هي وجهة نظري
بدون شك الأمر يتطلب جهد...
باختصار أول خطوة جربيها لحالك... طريقتك بالقراءة... بعدين السيرة وهي الموسوعة إذا حبيتي... بنصح بسورة البقرة وسورة المائدة...
~وأراني أنضم إلى كل أولئك الذين امتلأ قلبهم حباً عندما تشرفوا بدراسة شيء من شيء من القرآن الكريم... أراني جملة كتبها سيد قطب في كتابه... عندما حار فسمى رحلته في ظلال القرآن الكريم~
ربنا اغفر لنا جميعاً....
رب علم لم يردع صاحبه...
يا رب نعوذ بك من فتنة مضلة.... يا رب ثبتنا... وثبت قلوبنا...

View more

+2 answers in: “ماهي الآيه القرآنيه التي تتجسد امامك طوال الوقت في حياتك 💙”

كيف يعني تقسيم القرأن بالسور هو توفيقك من الرسول صلى الله عليه وسلم. ؟

توقيفي وليس توفيقي!! مصطلح شرعي بمعنى أنه سمع أو عرف من الرسول صلى الله عليه وسلم وليس اجتهاد
أوقعت قلبي يا أنون سامحك الله 😣
+2 answers in: “ماهي الآيه القرآنيه التي تتجسد امامك طوال الوقت في حياتك 💙”

هو يشترط ان تعيد المبلغ خلال خمس سنوات مع ١٢ بالمئة زيادة مش ربا هاد؟؟

لازم تسألهم هاد السؤال بشكل مباشر...
يلي بعرفو أنو بكون في مفتي دارس اقتصاد إسلامي قائم على مثل هذه البنوك... بيشتغلو بمبدأ المرابحة وغيره
لطالما شفت عروضهم بتمويل عفش بيت أو مشاريع..
ما معقول تكون ربوية ...
+1 answer in: “شو الحل ازا كان الواحد محتاج مصاري محتاج بشكل كبير يعني ومافي حوليه حدا يدينو كنت متحمس للقرض من بنك اسلامي بس سالت وقالولي حرام لانو فيو فائدة؟؟؟”

ماهي الآيه القرآنيه التي تتجسد امامك طوال الوقت في حياتك 💙

إنني في مشروع لدراسة التفسير الموضوعي للقرآن الكريم منذ بداية السنة
هذا النمط من التفسير مختلف عن باقي أنواع التفسير... أول من أسس له سيد قطب في كتابه في ظلال القرآن
أنتجت بعده مجموعة كبيرة من العلماء في الشارقة بقيادة الشيخ عمرو سالم موسوعة سميت موسوعة التفسير الموضوعي لسور القرآن الكريم عام ٢٠١٠ تقوم على هذه الفكرة بشكل أعمق ومتطور أكثر...
من خلال رحلتي هذه وجدت كل آيات القرآن في كل مكان.... صرت أرى الآية في كل شخص ... في أروقة عملي في المشفى ... في بوح الأصحاب وفي دقائق نفسي... صرت أرى القرآن في كل شيء
فإنني أقول لك في سؤالك... أنني لم أتذكر آية بل آيات ...
التفسير الموضوعي معناه أن تقرأ القرآن بالسور والموضوع... تقسيم القرآن حسب الأجزاء هو اجتهاد العلماء أما تقسيم القرآن بالسور هو توقيفي من الرسول...
وضمن السورة أن تقرأ كل مجموعة من الآيات حسب موضوعها... ثم تعيش رحلة المواضيع ... إنها رحلة فيها من الحب والسعادة ما لا يوصف...
ستقترب من فهم الأمثال وتتعلم لماذا الرجال قوامون على النساء تلك الآية الجدلية...
ستتعلم أن موضوع سورة الأنعام العقيدة وأنها من أهم مصادر المحاورين في الإسلام...
وأن المائدة هي سورة العقود... والشرائع التي رمزت بالعقد وأن المائدة واحدة من العقود الحساسة كانت لبني إسرائيل...
وأن موضوع سورة النساء الضعفاء... وغير ذلك...
بدون شك ما زلت أرى أن الموسوعة يمكن تطويرها وهذا ليس كلامي إنما كلام صاحبها ... حيث لابد أن ترى الكثير من الحشو لا تستطيع التهرب منه.... ولكن مع تطوير مهارة القراءة السريعة سوف لن يؤثر عليك ذلك أبداً....
ويبقى تفسير الشعراوي من المشهود له بعمق الفكر ولكل منهما طعم مختلف...
إن تطوير الفهم لآيات مجتزأة متفرقة من القرآن والتعمق بها لا يمكن دون وضع أساس تفسيري للقرآن ككل... إنه سيصعب رؤية المنظر العام لهذا المنهج بالاعتماد فقط على الإعجاز في أجزاء مجتزأة... لأنه هناك مغزى كامن في تسلسل موضوع بعد موضوع... وفي مقاصد الشريعة المحورية لهذه الحياة....
حبيت أستفيد من السؤال للتعبير عن الفكرة.... 🙂
كتبت مرة عن هذا في مقالة على موقع زد:
http://bit.ly/2kOkPTx

View more

+2 answers Read more

شو الحل ازا كان الواحد محتاج مصاري محتاج بشكل كبير يعني ومافي حوليه حدا يدينو كنت متحمس للقرض من بنك اسلامي بس سالت وقالولي حرام لانو فيو فائدة؟؟؟

غريبة يكون القرض الإسلامي ربوي!
لا أعلم ... البحث عن عمل أفضل حل
يمكنك البحث في الfreelancing أيضاً
+1 answer Read more

ما هي العادة التي تتمنى أن تمتلكها ؟

عادة النوم ل6 ساعات فقط باليوم...
فكرت كتير أني استفيد من رمضان وأعتبرها العادة يلي حركز عليها للتغيير..
إن شاء الله تتيسر الأمور...
من أنجح القرارات يلي جربتها مرة بأحد الرمضانات هو التركيز على ترك الغيبة من جميع الحديث ومحاولة إغلاق أي سيرة تتضمن غيبة قدر الإمكان بالأحاديث ..
بنصح بترك هالعادة ...
ترك الغيبة بيعمل نقلة نوعية مذهلة عند الإنسان... شو حلو إسلامنا لما بقلنا
"من سلم المسلمون من لسانه ويديه" شو حلو لما بشوف شخص لابس أواعي مو حلوين أو عمل تصرف مو منيح ما يروح الواحد وينقل سيرة ويحكي على العالم ... شو حلو عندما :
"يعلن المسلم أمامي عند حديثنا أنك سالم يا أخي من أن أطعن بك خلفك ... من أن أعيرك بنقص ... من أن أفشي سراً أوألماً بحت بها في فجوة شكوى ...
كم هو جميل أن يكون الإسلام بهذا الاسم"

View more

لما تكون طالب طب والقرايبين ومعارفك يسألوك بشي طبي وبس تفتل ظهرك يسألو دكتور أكبر منك ليتأكدو من حكيك! تصرفات كتير مزعجة كيف ممكن تتصرف بهيك مواقف لتوقفن عند حدن؟

كيف ممكن أتصرف؟؟
By having unconditional trust in myself and keep improving
هاد مو غرور ... هاد طريقك الوحيد لتعمل شي بهالحياة... تهديد الثقة بشوفه من أقوى مسببات العجز!
"أين ما مشيت أجد الحياة محاطة بتهديدات مستمرة على تقديرنا الذاتي لأنفسنا... على شعورنا بأننا جيدون"
بهي الطريقة بشوف الواحد بكون عندو الثقة الكافية وبوصل الثقة الكافية للي عم يسمعو... هي طريقتك ومهارتك لتسوق لنفسك ... لتوصل فكرة للطرف الآخر أنك فهمان بالكلمتين يلي عم تحكين..
"عجباً! وجدت أننا نسوق لأنفسنا في كل لحظة .. مع كل شخص في هذا الكوكب... لأفكارنا .. لطريقتنا وللكثير!"
الناس عندها أسباب كتير لمثل هذه التصرفات ... مو كلها بتشير أنك شخص أقل ....
من أكتر الأمور يلي بتمر عليي أنو بتكون الحالة مزمنة ولو فتلو ميت دكتور هوة المرض بدو صبر وأدوية تجريبية لذلك بلاقيهم عم يسألو كذا حدا ... الطالب والمختص ودكتور العيلة والدكتور المشهور ... متل مرة وحدة حاكتني مشان الكولون العصبي... بتذكر خبرتني بأسماء دكاترة مشهورين راحت لعندن وقالت أنها ما ارتاحت... ورغم أني خبرتها أنو حالتها كولون عصبي وشرحتلها قد ما بقدر أنو هوة بدو مواظبة عالدوا... بعد إغلاق الهاتف تأملت كتير يا ترى كيف فيني أنهي هالسلسلة من الفتلة يلي هية فيها ظناً أنو في حل معجزة ما حدا لسا وصفلها ياه.... وين الفجوة النفسية الحقيقية عندها... شو هية الفكرة المغلوطة ... وين كان الوجع يلي كنت لازم حط ايدي عليها..
------------
أما فكرة أنك لسا ما بتعرف شي فمعلش بختلف مع زملائي يلي أجابوا بهي الفكرة... بكل مرحلة من رحلتك الطبية في ميزات بل بكل مرحلة مهنية لأي شخص بهالحياة .... ميزتنا هلأ كأطباء صغار ويلي أقل وجوداً عند الكبار أنو نحنا كتير مندور ومنقرا ومنسأل ومنحاول... بالإضافة لوجود الإنترنت بين ايدينا وpubmed وغيره... بشوف أنو كل شخص لازم يستعمل ميزته ويوثق فيها... بعتذر بس رأيي الشخصي أنو هي النظرية تبع بس يصير عمرك 40 سنة بسميك المجتمع دكتور فهمان وهم...
بعتذر ما فيني صدق المجتمع انو هاد العمر الذهبي عمر الـ20 يلي بسمع دينا الحنيف ببارك فيه وحتى كبار رجال الأعمال والناجحين بباركو فيه يتكبل بكل هالأحمال من نقص التقدير والتثبيط وتنقيص الإنتاج بس لأنو هيك المجتمع عرّف القوالب ولازم كل الناس ينزلو تحتها... أحترم غيري من الخبراء والمختصين لكن لدي شيء أقوله وأفعله في كل مرحلة وأستطيع المناقشة والإضافة بأدب المتعلم الدائم.. من فترة كتير قصيرة شاركت في نقاش حالة بين أطباء لاتخاذ قرار سريري ...حضّرت بما أعرف واجيت وتكلمت بيلي بعرفو.

View more

.

بقدر شعورك... الحق معك تتدايقي وتنوجعي ...
ومعلش لو اخدت وقتك ... خدي وقتك الكامل ..
لو احكيلك عن حجم الطرق الممكنة يلي بتقدري تسلكيها لنيل نفس الرغبة فهية كتيرة بما يكفي....
في عنا موازي ترميمي... وعنا الصحة (إذا كانت الرغبة يلي بدك ياها هية الأساس مو الدراسات بحد ذاتها) .. وعنا طرق السفر (مو كل الطرق مستحيلة على فكرة) وعنا الدراسات السنة الجاية ...
وتأكدي مليون بالمية أنها فترة رح تطلعي منها كتير أقوى وأقرب للشي الحقيقي يلي يناسبك...
استخرت رب العالمين؟ إذا استخرت فأيقني أنو ما رح يتركك...
بتعرفي بس شو أهم شي... أنو مهما يكن الطريق الجديد يلي رح ينكتبلك ما تسمحي لكلمات سوداء تقلك .. "لو كنت هنيك كان"... "كان بدي كذا..." هي الخدعة الأزلية يلي مننخدع فيها رغم انو ما عنا دليل واحد يثبت انو هداك احسن... والناس يلي حولينا ما عندن شي يقولوه النا غير انو يصدقو الكلام لأنو نحنا عم نصدقو..
تتخلصي من الشعور :( ؟
"من ذا الذي باستطاعاته أن يحقن الألم ويحكم شباكه...
من ذا الذي يُؤوي القلب العليل إذا ما اغرورقت في جوف ظلماته أدمعه...
وإنه...
ما يقوم للإنسان قائمة... ولا يزدهر للمرء ربيع ..
إلا بجرعة الألم ليته يعلمُ "
يا رب الله يكرمك ويدلك ويداوي قلبك وينورلك دربك :)

View more

شو ناوية تعملي بعد مفاضلة الدراسات؟

من فترة سبحان الله كانت عم تخطر ببالي خاطرة بعنوان "وهل تهدي رغائبنا إلى مصائرنا؟" ..
من سنة ونص وأكتر وما عندي رغبة إطلاقاً أني اختص بالدراسات.. أول يومين بالسادسة داومتن بالمواساة عصر قلبي وما قدرت إلا ادعي انو يا رب تختار الخير وما اختص هون ...
هلأ سبحان الله وضعي أبداً ما بيسمح ابدا اختصاص و كنت مبسوطة أنو رب العالمين عطاني مهلة إضافية...
ناطرة مفاضلة الصحة بالإضافة للعمل على بعض الطرق الأخرى...
~ "فماذا عن تلك الرغائب يا صاحبي...
أتهتدي رغائبنا إلى مصائرنا...
عنك لحظة!
ويكأنها وزعت بين القلوب ..
لكي نتقاسم الأرازق...
نتقاسم الأماكن....
وأنا التي حسبت أنني التي أقوم عليها" ~

View more

ما معنى الرجولة بالنسبة الك شخصيا؟

صراحة "القوة" .. كيف بدنا نوقف نرفع ظلم... نقيم حق .. نغير أسود .. وما عنا القوة لحتى "ولا يخافون لومة لائم" كيف؟
تعبت أمتنا من الخضوع والضعف والتذلل للغريب..
يا رب تقدرنا وتجعلنا في خدمة هذه الرسالة يا رب...

View more

يوما ما رح ...... كملوها ع كيفكن 😊❤

الحقيقة يا أنون هي الجملة ما بحبها بنوب..
بتذكرني بعبارات من "يوماً ما رح صير دكتور... رح كون مدير"
بتذكرني بالإنسان عندما يتمنى ويتمنى ومتخيل في غرابة فجائية تحول الأحلام الوردية إلى حقيقة...
وقت بتجي ببالي أمنية الحقيقة يا بتنزل عالغوغل keep يا عالwunderlist يا على دفتر المهام ... وبعدين بصير الها يوم للمراجعة إذا كان حينحطلها خطوات أو لأ .. وشو ترتيبها..
غير هيك ما بصير شي بالحياة برأيي... 🙂

View more

شو بتحكيلنا اليوم

نحنا البشر كتير منشبه بعض.... ما بتتخيل اديش منشبه بعض يا أنون... في شوية قشور بتوحيلنا انو نحنا متباعدين متل انو أنت اختصاصك غير اختصاصي .. طريقتك بطبخ الرز غير طريقتي 😂 ... بس اللبنات يلي معمرة فيها النفس من جوا متشابهة... لبنة التطلع لبكرا... لبنة انو بدنا الأفضل.. لبنة انو ما بدنا ننقص.. لبنة الحصول على القبول الاجتماعي... لبنة انو نحنا صح....
هيك مدري كيف يا أنون....
هيك أسهل... يعني هي اللغة الأسهل يلي فيك تستخدمها مع كل الشرائح البشرية بدون ما تتعب بالاختلافات...
تذكرت مرة أحد الأشخاص هوة أجنبي كان عم يتعلم اللغة العربية... فذكر انو بعد سنوات من تعلمو قرر يروح على مصر حتى يتدرب عاللغة من سكانها الأصليين ... ففزعت أمه للأمر ورفضت ظناً انو هون الناس كلن إرهاب وأنو رح يموت ويتم قتله....
ذكر أنه بعد وصولو اكتشف أنو الناس هون متل كل الناس.. بفيقو الصبح بكير مشان يجيبو مصاري يطعمو ولادهم... بدورو على طرق لمعيشة أحسن .. بخافو على عائلتهم...
نحنا هيك البشر منشبه بعض فعلاً....

View more

Next