Ask @batoolhabannakeh:

أنا عندي مشكلة في زميلتي بالجامع انخطبت وبتنزل بوستات وحالات عم الحب بينها وبين خطيبها ... أنا لما بشوف هالشي بحس قلبي رح يحترق والنار شعلت جواه ولا اراديا بحسدها وبحقد عليها ومش طايقاها بالمرة حاولت كتير انو خلص نفسي من هالشي ووقف هالمشاعر و بطل اهتم الها لكن ما عم اقدر نصحوني شو الحل أمانة؟ 😢

رح قلك شغلة... شعور الغيرة شعور انخلق مع النفس البشرية وموجود عند كل إنسان وكل حدا بيختلف المحرض لإلو...
واحد من المشاعر الهامة جداً جداً وانذكر كتير بالقرآن.... قابيل قتل من الحسد ... الشيطان أنا خير منه... إخوة يوسف كانو رح يقتلو من الغيرة... بنو إسرائيل فوتو حالهم النار من الحسد ورفضهم يدخلوا الدين الجديد ... يعضون الأنامل من الغيظ...
الغيرة والحسد خطيرين بخطورة القتل تخيلي!!
وكل نفس بشرية إلها حصة من هالامتحان بكتير محرضات...
رح شاركك تجربة مريت فيها... من شي سنتين كنت حاسة بصعوبة بالرضا وكنت فكر وأدايق أني أصلاً حس بالغيرة لأي شي أو حدا... وبيوم من أيام إجابة الدعاء وبعد صلاة دعيت "يا رب علمني الرضا" ... ما بعرف شو خطرلي بس وقتا فكرت أن الرضا صعب وعنجد بدو تعليم... بدو طريقة لأتعلمو...
وفعلاً من بعدها حسيت بإجابة الدعاء وضليت أراقب إجابة الدعاء دائماً ...
أول تعلم تعلمتو أنو كل ذي نعمة فهي ليست كاملة (حتى لو بينت هيك) وأن هذا الشخص لديه نقص بنعم أخرى (القانون الأكيد المؤكد أن الدنيا ليست كاملة ولا لأي شخص)... وصرت عدها وشوفها فعلاً... بعدين صرت شوف النعم يلي عندي وما عندو وهاد جاب كمية راحة أنو رب العالمين مقسم الأرزاق بشكل مخيف ما بيتخيلو إنسان...
بعدها تعلمت حديث ما عاب النبي طعاماً قط... رغم بساطة الحديث لكن عمل عندي نقلة نوعية رهيبة.... واظبت على إمساك اللسان قدر المستطاع عن عيب أي طعام عم آكله سواء اشتريته أو طبخته أو حدا طبخو... عنجد بيعلمك تمسكي الوجبة يلي دفعتي حقها 2500 (وضمنياً طلعت فيها عيب ما عجبك) وتقولي يا الله ألف الحمد لله في ناس بتمرق وبتشوف هالوجبات وبتتمناها وما بتقدر تجيبها ... الحمد لله أني من الناس يلي عندي نعمة أقدر أشتريها... أضاف هالحديث جرعة حمد كتير حلوة...
وبعدها تحولت قصة النعم كلها لقصة أصعب ... أنو يا رب عندي كل هالشغلات ... يا رب ما تكون حجة عليي أني فوق هيك وما عندي عمل صالح ... شفت من فترة بنت فاقدة سمع وعم تعمل أحسن مني وبدها تنشر الإسلام وتساعد الصم الذي يشعرون بالنقص وتخيلي تزوجها شخص صحيح السمع... وهكذا ...
وبخصوص رفيقتك... تذكري بيجوز هالعريس عندو عيب كذا وكذا ... وأنها هية هالبنت ما عندها أم وأب متل عندك أو ما عندها علم متل عندك أو أنت بتشتري يلي بدك هية ما بتشتري أو أنت مرزوقة بالجمال وهية لأ .. أو أو ... تذكري نعم عندك وما عندها ... شوفي هالشي.... شوفيه فعلاً...
بعدين ركزي على حالك أنت. على هدف إلك... هدف مهني حياتي مشروع حابة تعمليه.. تعليم قرآن ... أي شي بخصك... هاد بخليك تفكري بقيمتك كإنسانة إلها وجود وتأثير... مو كشي ناقص ... هدول خطوات بشوفهم في طريق الحمد...
وبعدين لما بيتغير الفكر هل بيروح شعور الغيرة نهائياً؟ بيبقى ما يقذفه الشيطان رغم عدم وجود أي منطق ... يعني يقذف في قلبك الغيرة رغم أنك ممتلئ بالنعم وعم تشوفها.. هاد بدو ذكر الحمد
في جزء من الغيرة بشفوه إيجابي ويحدث فروقات إيجابية رائعة هية لما شخص بكون أعلى همة منك وأنت لأ... هاد الشخص بيحفز وبيرفع سقف المعايير مشان تحاول تكون أفضل
بالختام بحب قلك.... الغيرة شعور خلق فينا ... ويلي بدو ينكره يتفضل لعندي لنتحاور .. وشعور الغيرة متل أي شعور إله جانب إيجابي وجانب سلبي... وسنمتحن به :)
نعم لم أكن أصدق مقولة قرأتها منذ سنين أن من أجمل السعادات في الحياة هو الرضا إلى أن ذقت منه وأقولها فعلاً لا أكثر طمأنينة وأمناً من الرضا... الرضا باب الحمد و الحمد رمز أمتنا و"قليل من عبادي الشكور" وما زلت في رحلة الرضا

View more

+1 answer Read more

نصائحك لكتب جميلة ومفيدة

الحقيقة بالوقت الحالي عالقة بفكرة محيرة شوي.. هوة أنو العمر أقل بكتير لقراءة الكتب المهمة بكل مجال أو حتى المجالات التي أهتم لها.. والحقيقة مو بس العمر .. إنما الوقت والجهد كمان مصروفهم كبير إذا كانت القراءة رح تضل عشوائية وغير متجهة لغاية..
خضت بالفترة الأخيرة تجربة خلتني ركز كتير بالأهداف والغايات.. يعني مثلاً إذا نحنا أطباء .. مو من المفترض يكون عنا قراءة طبية اجتماعية إلى حد ما... كتب كتبوها أطباء عن تجارب الأمراض.. كتب كيف تخبر المريض الخبر السيء لمرضه... كتب عن رؤية الباحثين اليوم... لماذا يجدون الأمل في genetic medicine ... هي بتخدم غاية أني طبيب ملم بالأجواء الطبية ...
بعرف يمكن يكون الانطباع أنو حياتنا مو كلها طب... بس هوة القراءة بتقول لازم تكون 50% لتخصصك... وهالقراءة شايفتها حأقدر فعّل المعلومات منها بعملي ويكون عندي حافز أقرأ منها كمان ...
آسفة يمكن شتيت عن السؤال... الحقيقة بدك تحدد هدفك من القراءة... يا ترى للمتعة.. أو لتعلم شي ... ومتل ما هوة معروف كل شخص بميل لنوع كتب معين..
بالوقت الحالي ماشية بسلسلة مشروع النهضة للدكتور جاسم سلطان وبنصح فيها... هية كتب فكرية...
غايتي منها أني متل كتير من الفئة الشبابية بشوف أني لازم قدّم شي لأمتي ولنهضتها لكن بحاجة أسمع وشوف رأيي مفكري العصر حول النهضة وكيف يرون المشهد اليوم وكيف يقارن تاريخياً .. وإلى ما هنالك ..

View more

+3 answers Read more

شو بيعمل الواحد إذا عندو شغف لكتير شغلات ومجالات وبدو يلحق عليها كلها ويقرا ويتثقف ويكون ممتاز بس ما عم يزبط؟

كتار مننا هيك.... تعدد الاهتمامات... شخصياً بلاقي صعوبة كتير بهالشي ..
الحقيقة أنو نحنا ما منقدر نكون كل هدول... ولللأسف التشعب الزائد سيعني توسع مع قلة الجودة والدقة... وبالأخير الإنتاج بكون محدود للأسف...
في مقولة بتقول : "Jack of all trades, master of none"
مؤخراً عاليوتيوب مر عليي سلسلة تاريخ الدولة العثمانية لراغب السرجاني... فذكر بأول فديو لالو أنو تعب كتير بحثاً وتمحيصاً وفهماً لتاريخ الدولة العثمانية ... التي تتضارب حولها الآراء بشدة.... ومع خبرتو قرابة 30 سنة ما اكتفى بقراءة المؤلفات العربية فقط... إنما الانكليزية وعدة لغات تانية من مؤلفات دول كانت متاخمة لحدود الدولة العثمانية يلي هية كانت أوسع دولة إسلامية بالتاريخ الإسلامي وأطولها عمراً .....
لما بتلاقي شخص اهتم بمجال واحد وكرّس الجهد فيه رح يقدر يعطي إنتاج ذو قيمة عالية جداً وذو فائدة للبشرية...
وضع الهدف ثم التركيز عليه... سيعطي النتيجة ذات القيمة...
سيشعر الإنسان دائماً أنه غير راض .. غير كاف بالتشعب..
عم نحاول :3 ... الأمر صعب...الله يلهمنا الرشد والصواب...
في محاضرة معادلات النجاح لطارق السويدان عاليوتيوب.... تقدمت هالمحاضرة بالشام عنا بحضور العديد من الدعاة والشيوخ حسب ما يبدو من الفديو اقتبست منها كم شغلة كتبتن هون ..

View more

ماشاء الله جوابك يُدرّس يا بتول الله يفتح عليكي ❤️🌹

Sidra AB
الله يسلمك يا سدرة 🙂
الله يفتح علينا جميعاً... 😘
+1 answer in: “أنا عندي مشكلة في زميلتي بالجامع انخطبت وبتنزل بوستات وحالات عم الحب بينها وبين خطيبها ... أنا لما بشوف هالشي بحس قلبي رح يحترق والنار شعلت جواه ولا اراديا بحسدها وبحقد عليها ومش طايقاها بالمرة حاولت كتير انو خلص نفسي من هالشي ووقف هالمشاعر و بطل اهتم الها لكن ما عم اقدر نصحوني شو الحل أمانة؟ 😢”

هو يشترط ان تعيد المبلغ خلال خمس سنوات مع ١٢ بالمئة زيادة مش ربا هاد؟؟

لازم تسألهم هاد السؤال بشكل مباشر...
يلي بعرفو أنو بكون في مفتي دارس اقتصاد إسلامي قائم على مثل هذه البنوك... بيشتغلو بمبدأ المرابحة وغيره
لطالما شفت عروضهم بتمويل عفش بيت أو مشاريع..
ما معقول تكون ربوية ...
+1 answer in: “شو الحل ازا كان الواحد محتاج مصاري محتاج بشكل كبير يعني ومافي حوليه حدا يدينو كنت متحمس للقرض من بنك اسلامي بس سالت وقالولي حرام لانو فيو فائدة؟؟؟”

ماهي الآيه القرآنيه التي تتجسد امامك طوال الوقت في حياتك 💙

إنني في مشروع لدراسة التفسير الموضوعي للقرآن الكريم منذ بداية السنة
هذا النمط من التفسير مختلف عن باقي أنواع التفسير... أول من أسس له سيد قطب في كتابه في ظلال القرآن
أنتجت بعده مجموعة كبيرة من العلماء في الشارقة بقيادة الشيخ عمرو سالم موسوعة سميت موسوعة التفسير الموضوعي لسور القرآن الكريم عام ٢٠١٠ تقوم على هذه الفكرة بشكل أعمق ومتطور أكثر...
من خلال رحلتي هذه وجدت كل آيات القرآن في كل مكان.... صرت أرى الآية في كل شخص ... في أروقة عملي في المشفى ... في بوح الأصحاب وفي دقائق نفسي... صرت أرى القرآن في كل شيء
فإنني أقول لك في سؤالك... أنني لم أتذكر آية بل آيات ...
التفسير الموضوعي معناه أن تقرأ القرآن بالسور والموضوع... تقسيم القرآن حسب الأجزاء هو اجتهاد العلماء أما تقسيم القرآن بالسور هو توقيفي من الرسول...
وضمن السورة أن تقرأ كل مجموعة من الآيات حسب موضوعها... ثم تعيش رحلة المواضيع ... إنها رحلة فيها من الحب والسعادة ما لا يوصف...
ستقترب من فهم الأمثال وتتعلم لماذا الرجال قوامون على النساء تلك الآية الجدلية...
ستتعلم أن موضوع سورة الأنعام العقيدة وأنها من أهم مصادر المحاورين في الإسلام...
وأن المائدة هي سورة العقود... والشرائع التي رمزت بالعقد وأن المائدة واحدة من العقود الحساسة كانت لبني إسرائيل...
وأن موضوع سورة النساء الضعفاء... وغير ذلك...
بدون شك ما زلت أرى أن الموسوعة يمكن تطويرها وهذا ليس كلامي إنما كلام صاحبها ... حيث لابد أن ترى الكثير من الحشو لا تستطيع التهرب منه.... ولكن مع تطوير مهارة القراءة السريعة سوف لن يؤثر عليك ذلك أبداً....
ويبقى تفسير الشعراوي من المشهود له بعمق الفكر ولكل منهما طعم مختلف...
إن تطوير الفهم لآيات مجتزأة متفرقة من القرآن والتعمق بها لا يمكن دون وضع أساس تفسيري للقرآن ككل... إنه سيصعب رؤية المنظر العام لهذا المنهج بالاعتماد فقط على الإعجاز في أجزاء مجتزأة... لأنه هناك مغزى كامن في تسلسل موضوع بعد موضوع... وفي مقاصد الشريعة المحورية لهذه الحياة....
حبيت أستفيد من السؤال للتعبير عن الفكرة.... 🙂
كتبت مرة عن هذا في مقالة على موقع زد:
http://bit.ly/2kOkPTx

View more

+2 answers Read more

ما هي العادة التي تتمنى أن تمتلكها ؟

عادة النوم ل6 ساعات فقط باليوم...
فكرت كتير أني استفيد من رمضان وأعتبرها العادة يلي حركز عليها للتغيير..
إن شاء الله تتيسر الأمور...
من أنجح القرارات يلي جربتها مرة بأحد الرمضانات هو التركيز على ترك الغيبة من جميع الحديث ومحاولة إغلاق أي سيرة تتضمن غيبة قدر الإمكان بالأحاديث ..
بنصح بترك هالعادة ...
ترك الغيبة بيعمل نقلة نوعية مذهلة عند الإنسان... شو حلو إسلامنا لما بقلنا
"من سلم المسلمون من لسانه ويديه" شو حلو لما بشوف شخص لابس أواعي مو حلوين أو عمل تصرف مو منيح ما يروح الواحد وينقل سيرة ويحكي على العالم ... شو حلو عندما :
"يعلن المسلم أمامي عند حديثنا أنك سالم يا أخي من أن أطعن بك خلفك ... من أن أعيرك بنقص ... من أن أفشي سراً أوألماً بحت بها في فجوة شكوى ...
كم هو جميل أن يكون الإسلام بهذا الاسم"

View more

شو ناوية تعملي بعد مفاضلة الدراسات؟

من فترة سبحان الله كانت عم تخطر ببالي خاطرة بعنوان "وهل تهدي رغائبنا إلى مصائرنا؟" ..
من سنة ونص وأكتر وما عندي رغبة إطلاقاً أني اختص بالدراسات.. أول يومين بالسادسة داومتن بالمواساة عصر قلبي وما قدرت إلا ادعي انو يا رب تختار الخير وما اختص هون ...
هلأ سبحان الله وضعي أبداً ما بيسمح ابدا اختصاص و كنت مبسوطة أنو رب العالمين عطاني مهلة إضافية...
ناطرة مفاضلة الصحة بالإضافة للعمل على بعض الطرق الأخرى...
~ "فماذا عن تلك الرغائب يا صاحبي...
أتهتدي رغائبنا إلى مصائرنا...
عنك لحظة!
ويكأنها وزعت بين القلوب ..
لكي نتقاسم الأرازق...
نتقاسم الأماكن....
وأنا التي حسبت أنني التي أقوم عليها" ~

View more

يوما ما رح ...... كملوها ع كيفكن 😊❤

الحقيقة يا أنون هي الجملة ما بحبها بنوب..
بتذكرني بعبارات من "يوماً ما رح صير دكتور... رح كون مدير"
بتذكرني بالإنسان عندما يتمنى ويتمنى ومتخيل في غرابة فجائية تحول الأحلام الوردية إلى حقيقة...
وقت بتجي ببالي أمنية الحقيقة يا بتنزل عالغوغل keep يا عالwunderlist يا على دفتر المهام ... وبعدين بصير الها يوم للمراجعة إذا كان حينحطلها خطوات أو لأ .. وشو ترتيبها..
غير هيك ما بصير شي بالحياة برأيي... 🙂

View more

شو بتحكيلنا اليوم

نحنا البشر كتير منشبه بعض.... ما بتتخيل اديش منشبه بعض يا أنون... في شوية قشور بتوحيلنا انو نحنا متباعدين متل انو أنت اختصاصك غير اختصاصي .. طريقتك بطبخ الرز غير طريقتي 😂 ... بس اللبنات يلي معمرة فيها النفس من جوا متشابهة... لبنة التطلع لبكرا... لبنة انو بدنا الأفضل.. لبنة انو ما بدنا ننقص.. لبنة الحصول على القبول الاجتماعي... لبنة انو نحنا صح....
هيك مدري كيف يا أنون....
هيك أسهل... يعني هي اللغة الأسهل يلي فيك تستخدمها مع كل الشرائح البشرية بدون ما تتعب بالاختلافات...
تذكرت مرة أحد الأشخاص هوة أجنبي كان عم يتعلم اللغة العربية... فذكر انو بعد سنوات من تعلمو قرر يروح على مصر حتى يتدرب عاللغة من سكانها الأصليين ... ففزعت أمه للأمر ورفضت ظناً انو هون الناس كلن إرهاب وأنو رح يموت ويتم قتله....
ذكر أنه بعد وصولو اكتشف أنو الناس هون متل كل الناس.. بفيقو الصبح بكير مشان يجيبو مصاري يطعمو ولادهم... بدورو على طرق لمعيشة أحسن .. بخافو على عائلتهم...
نحنا هيك البشر منشبه بعض فعلاً....

View more

هل وَجبَ علينا أن نستتر بجلد التمساح حتى لا نتأثر بموجات الحزن التي لا تلبث أن تغور بالجزر، إلا و تعود كموجات عاتية تضرب الواحد منّا ضربة تقلب مزاجه البهيج كالحاً كسواد الليل ...

عَنْ أَبِي بَكْرِ بْنِ أَبِي زُهَيْرٍ ، قَالَ : أُخْبِرْتُ أَنَّ أَبَا بَكْرٍ قَالَ : يَا رَسُولَ اللَّهِ ، كَيْفَ الصَّلَاحُ بَعْدَ هَذِهِ الْآيَةِ : لَيْسَ بِأَمَانِيِّكُمْ وَلا أَمَانِيِّ أَهْلِ الْكِتَابِ مَنْ يَعْمَلْ سُوءًا يُجْزَ بِهِ سورة النساء آية 123 ، فَكُلَّ سُوءٍ عَمِلْنَا جُزِينَا بِهِ ؟ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " غَفَرَ اللَّهُ لَكَ يَا أَبَا بَكْرٍ ، أَلَسْتَ تَمْرَضُ ؟ أَلَسْتَ تَنْصَبُ ؟ أَلَسْتَ تَحْزَنُ ؟ أَلَسْتَ تُصِيبُكَ اللَّأْوَاءُ ؟ " قَالَ : بَلَى ، قَالَ : " فَهُوَ مَا تُجْزَوْنَ بِهِ "

View more

شو اللي بخليك تقول عن شخص ناضج سواء شب او بنت ...شو المعاير اللي بتعمد عليا؟

ما بعرف ليش بدنا نصنف أصلاً لنحط معايير....
التعامل مع أي صنف بشري بيعلم وبيفيد الواحد...
بعتذر أنون إذا بدي قول انو عم أستغرب شوي من هالأسئلة !!.
كل إنسان مهما كان يبدو .. ناضج أو غير ناضج.. لديه نقطة إيجابية أو حتى ميزة يمكن أن نتعلمها..
مؤخراً بأحد تجارب الإلقاء بأحد المجموعات... فالمهم كان في إنسانة شخصياً ما بحبها ولا بحب طريقتها بالتعامل... أثناء الإلقاءات ظهر فيها ميزة رائعة وهية المرح (المعتدل) في إعطاء المحتوى يلي عم تقدمو وقدرة اختراع نكتة من موقف فجائي او كلمة فجائية... فعلاً هالميزة لقيت أني ممكن أتعلمها بغض النظر عن الشخص...
بتعرف أحياناً الامتحانات بالحياة بتحطك مع أشخاص ما بتتخيل تكون معهم وما بترغبهم ..
عالجانب الأخلاقي .. إذا بدنا نكون أخلاقيين عنجد (وهاد الصعب صراحة :3 ).. من المفترض نحاول نفيد أي شخص شافينو ضايع أو أفكارو مشوهة .. نحاورو نناقشو بالجزء يلي نرى فيه الحق... والتصنيف على رب العالمين ...
مننسى أحياناً كتير أنو كل شخص كان وليد بيئة معينة... مو ذنبو أحياناً أنو عاش ببيئة ما عرضت عليه إلا سخافات الحياة وأشغلت بالو بأمور لا معنى لها ... أو صنعت منو قالب ما.. بس ذنبو أكيد بعدين أنو ما حاول يتغير .... ما جرب يستفيد من النصائح والأشخاص الرائعين يلي أكيد إلا ما يكون مر فيهم... وهاد حديث آخر...

View more

كيف الواحد بيقدم شي للأمة ونهضتها؟

رأيي الحالي بهاد الموضوع أنو يعثر الواحد أولاً على نوع الخير الخاص فيه...
برأيي كل واحد فينا خلق لنوع خير خاص فيه ... ولهاد السبب نحن مختلفين... خلقت أنت عندك قدرات قوية بالإقناع مثلاً + رزقت بدراسة الطب + عندك قدرة تعاطف عالي + عندك نهم للعلم .. إلخ.. هي التوليفة شو نوع الخير الخاص فيها....
يعني مثلاً قد يكون تغيير طريقة الخطاب الديني برأيي عامل من عوامل النهضة بس هل هاد المجال هو نوع الخير الخاص فيك أو فيني ... وهل هأقدر لم بجوانبه لقدم فيه.... هل حأقدر أدرس علوم الحديث مثلاً أو التفسير وغيره لقدّم ثمرة فعّالة تليق بالتطور الهائل بعصرنا هاد يلي ما عاد مقبول اعرف كم كلمة وأعتبر حالي ممتازة وقوم بدي غير واحكي فيهم ... برأيي إذا كنت رح فوت بنية تقديم شي قوي إيه تمام ساعتها... مو غلط...
بإيجاد نوع الخير الخاص بك أو بي ثم ربطه باتجاه من اتجاهات حتساعد الأمة .. بلاقي جواب هاد السؤال...
وطبعاً في مسير هذا الطريق ... أكيد بظن لازم يتابع الواحد أعمال الخير العامة من مساعدة محتاج ... صدقة ... أهلي كانو يعلموني وقت كنت صغيرة فكرة أنو أهم شي نكتر الموجب... نكون على كفة الموجب ونتقلها قد ما منقدر...
تقريباً هي وجهة نظري .... يا رب ...

View more

+3 answers in: “نصائحك لكتب جميلة ومفيدة”

.

نسيت أذكر أنو في محاضرة جديدة من كم شهر لـ د. طارق السويدان بعنوان من أفضل ما قرأت هي رابطها: https://www.youtube.com/watch?v=xU1wukNXI8s
طويلة شوي...
كملخص عنها : رح ينذكر أفضل الكتب من وجهة نظره بالمجالات (التفسير- الحديث- العقيدة -الروحانيات - مقاصد الشريعة - الفقه - السيرة - الفقه الحركي - فهم الإسلام والدعوة - التاريخ - الأخلاق- بناء العقل والتفكير - الفكر - الفلسفة الإسلامية - الحضارة - السياسة الشرعية - الجهاد - الاقتصاد - الجمال- فن الاستماع - التربية الإسلامية - العمل الخيري - المرأة المسلمة )

View more

+3 answers in: “نصائحك لكتب جميلة ومفيدة”

معلوم أن الكتاب الورقي له رونقه ، و لكن مع غزو الكتب الإلكترونية، و تدفق المعلومات بسهولة عن طريقها و بتكاليف أدنى، ما هي أفضل تجربة لكم في قراءة هكذا كتب؟ عن طريق الهاتف الجوال، أم عبر التابلت، أم عبر اللابتوب ؟ .... شكراً للإفادة.

بالبداية كنت أقرأ إلكتروني ..
فيما بعد نسفت الإلكتروني وقلبت على الورقي لأسباب أهمها : أنك لا تستوعب الكتاب ككل والفائدة الحقيقية قليلة ... يعني بهديك الفترة كنت شايفة أنو مو المهم أقرأ .. المهم ليش وشو نوعية وشو فائدة يلي عم أقرأه...
اليوم عودة جميلة للقراءة الإلكترونية عالجوال.. وحتى عملت تجربة بالكتاب السماعي وأرفع درجة السرعة لأقصى حد ممكن أستوعب...
وعودة للقراءة بالمواصلات.. صاير في سهولة أكبر من قبل بالتركيز .. ما بعرف ليش... يمكن من كتر التحفيز والإنهاك بالوطني ..
ما في أفضل تجربة... في كتاب .. فقرة .. فكرة .. أضافت إلك وجهة نظر .. جاوبتك على سؤال محير... حتساعدك بتحقيق هدف عم تطمحله..
وبهاد المجال استفدت من فكرة مهمة :
مثلاً إذا بدأت بفقرة وحاسس حالك متوقع شو بدك تعرف أو بتعرف أساساً هاد الموضوع ببساطة لا تقراها! .. وإذا في فصل كامل ما بهمك ليش تقراه؟ مثلاً بأحد الكتب في فصل عن "أهمية القراءة" ... إذا شايف ما بيلزمك هيك فصل ليش تقرأه..

View more

انا خايفة من الفشل 💔

نعم إنه مخيف...
وأنا خائفة أيضاً...
كنت اليوم أفكر في نصيحة شخص ممتنة له بها
"توقع الأفضل وخطط للأسوأ"
أنقذتني في بعض أمري... عندما حدث الأسوأ وأسعفني بعض ما خططت له..
كانت أول مرة طبقتها فيها ...
لا أستطيع أن أقول أن الأفضل سيحدث بل إن الحقيقة تقول أن نسب الفشل أعلى بكثير من نسب النجاح...
لماذا؟ لأن التعقيد السببي الذي صنع فيه الكون يجعل منطقنا أبعد بكثير جداً من قدرته على إصابة النجاح للمرة الأولى... بل وحتى أحياناً أشعر ويكأنه ببعض الرياضيات يبدو مستحيلاً أن نصيب النجاح أصلاً إلا أن نهدى هداية محضة ... لا أعلم...
خططي للأسوأ ... لقد طبقت هذا ولقد أنقذني شيئاً ما...
بعدها توكل على الله... أحد مواضع التوكل في القرآن الكريم في المائدة:
( يَا أَيُّهَا الَّذِينَ آمَنُوا اذْكُرُوا نِعْمَتَ اللَّهِ عَلَيْكُمْ إِذْ هَمَّ قَوْمٌ أَنْ يَبْسُطُوا إِلَيْكُمْ أَيْدِيَهُمْ فَكَفَّ أَيْدِيَهُمْ عَنْكُمْ وَاتَّقُوا اللَّهَ وَعَلَى اللَّهِ فَلْيَتَوَكَّلِ الْمُؤْمِنُونَ)
لأنه مع كل اجتهاد سيظل هناك خفايا لا يحيط بها إلا الله...
وأريد أن أخبرك شيئاً في الختام ... هذا الفشل الذي خططت قليلاً قبله للأسوأ كان بشعاً جداً
ولكنه صنع مني شخصاً آخر ....شخصاً أقوى وأمتن وأكثر وضوحاً وإصراراً ....

View more

جدا حبيت الفكرة وكنت من زمان بتمنى افهم القرآن ولاسيما الآيات الجالية اللي العالم بتناقشنا عليها ونحنا منوقف ساكتين لجهلنا فيها ممكن بس توضحي أكتر كيف ممكن أعمل هيك شي؟ شو الكتب اللي اقرأها؟ من وين بلش يعني والله يجزيك الخير ❤❤

الحقيقة في خطوات بسيطة:
١- قراءتك للقرآن تكون بالسور وليس الأجزاء... وندرك أنه السورة بحد ذاتها موضوع وأن عنوانها له علاقة بالموضوع، بأحد المحاضرات يلي حضرتها مرة بالإعلام كانت بتقول أنو في شي سبعة أنواع لعنونة أي شي ..
٢- القراءة مع الانتباه من أين بدأت الآيات وإلى أين انتقلت... سورة البقرة مثلاً من أوضح السور تقسيماً للموضوع.. أولاً موضوعها الرئيسي: خلافة الإنسان في الأرض بين من أضاعوه ومن أقاموه، بتبدأ بالموازنة بين أصناف الثلاثة المتقين المنافقين الكافرين بعدها خطاب الناس بعدها قصة الخلق بعدها مثال المضيعين للخلافة بنو إسرائيل... وهكذا... التقسيم واضح
سورة الأنعام بالمقابل من السور يلي لقيت صعوبة بتقسيم موضوعاتها لأنها كلها عقيدة وحجج ..
مجرد تركيزك على موضوع الآيات يلي أنت فيها رح تقدري توصلي لآخر السورة وحتى لو كانت طويلة وأنت مستوعبة المنظر العام...
٣- صراحة في برامج متعددة سبق وشاهدتها بالسيرة النبوية والتاريخ الإسلامي وبرنامج بالقرآن اهتديت عن أشخاص من بلدان مختلفة كيف أسلمو... هدول شكلو خلفية لاستيعاب الحجج وغيرها، أعتقد السيرة أهم الشي.. أي مصدر ولو مصغر للسيرة ضروري...
٤- موسوعة التفسير الموضوعي لسور القرآن الكريم بنصح فيها.. وحتى راسلت كاتبها وقال أنها مفتوحة النشر بمعنى تحميلها غير مسروق .... فيها أقسام أقوى من أقسام... لأنها نكتبت بعدد كبير من الشيوخ ... بتشكل الأساس التفسيري.. يعني آيات متل يسألونك عن الأهلة... أو ما جعل الله من بحيرة.. أو الأمثال وغيرها... ما بخفيك حاطة مشروع إنهاءها سنة بمعنى هية مجلدات وبدها جهد...
سابقاً مجربة ظلال القرآن ومجربة مجلد الشعراوي ومجربة قراءات متنوعة بالطبري وابن كثير وغيرهم... لقيتها الأنسب وبعدها الشعراوي... هية المفروض جامعة التفاسير... الشعراوي لازم تعرفي أنو أطول بحوالي ٣أضعاف أو أكتر والمجلد يلي انجبلي للأسف ما لقيته مقسم إنما سرد ورا سرد... أظن الشعراوي ما كتب إنما تلامذته فرغو التسجيلات لهيك هوة هيك.. فهوة صعب التصنيف
بعد الأساس التفسيري بإمكانه الواحد يغوص بالمجالات المتنوعة ويشوف اللمحات من المفكرين وغيرها ويحطها بمكانها... هي وجهة نظري
بدون شك الأمر يتطلب جهد...
باختصار أول خطوة جربيها لحالك... طريقتك بالقراءة... بعدين السيرة وهي الموسوعة إذا حبيتي... بنصح بسورة البقرة وسورة المائدة...
~وأراني أنضم إلى كل أولئك الذين امتلأ قلبهم حباً عندما تشرفوا بدراسة شيء من شيء من القرآن الكريم... أراني جملة كتبها سيد قطب في كتابه... عندما حار فسمى رحلته في ظلال القرآن الكريم~
ربنا اغفر لنا جميعاً....
رب علم لم يردع صاحبه...
يا رب نعوذ بك من فتنة مضلة.... يا رب ثبتنا... وثبت قلوبنا...

View more

+2 answers in: “ماهي الآيه القرآنيه التي تتجسد امامك طوال الوقت في حياتك 💙”

كيف يعني تقسيم القرأن بالسور هو توفيقك من الرسول صلى الله عليه وسلم. ؟

توقيفي وليس توفيقي!! مصطلح شرعي بمعنى أنه سمع أو عرف من الرسول صلى الله عليه وسلم وليس اجتهاد
أوقعت قلبي يا أنون سامحك الله 😣
+2 answers in: “ماهي الآيه القرآنيه التي تتجسد امامك طوال الوقت في حياتك 💙”
Next