Ask @batoolhussain999039:

مساحة🌸

يلا نكمل part 3
وعال 1 تماما كنا بالساحه الرياضية وكملنا لياقه واركض اركض اركض اركض قد م اقول اركض لل 4 العصر... نزلنا غسلنا ودغري طلعنا نتعشى عال5 العصر 😂😂😂عشان نلحق يخوان بلاش يسير فينا زي م صار فيني الليلة الماضية مع مشرفة السكن 😂... طلعنا تعشينا فول مصري وحمص تونسي وجبنة مكعبات زي المحايات 😂عليم الله لو تخبطي الجبنة بالحيط ترجعلك تقول قذيفة بنص وجهكك.. ... المهم م بدكوا من طولة هالسيره والحمدلله تعشينا كلوا نعمة ربنا.. ورجعنا عالسكن ب أمان الله وصلناا.. وقعدنا نرتاح... والليل ي طوله ومعناش اكل جوا السكن ممنوع 🚯 ... ولا حتى حبة شوكلاته 🍫 يخوان والجوع مزعنا بالليل.... بعدين هاد عالمدى البعيد يخوان اه سمحولنا بحبة #تصبيرة هههه الله لا يوريكوا ش عملت فينا التصبيره... بس اول سنة مضيناها ممنوع الاكل بالليل... وما كان معناش الا مي.. مضيناها نعبي مي ب مقات ونشرب. لما بطني صار #سِعْن.. معلش أهل عبدون ودابوق م رح تعرفوا شو هو السعن... انسوا ولا كأنكوا قراتوه... المهم هاي اول يوم تقريبا كفى ووفى والحمدلله هيني سنة ثالثة الا صيفي 💪 وقربت تهون.. طبعا شفتوا الحكي اللي فوق هاد السيناريو الطويل ايوه هاد الللي قرأتوه.. هاد كل يوم يتكرر ع مدار ال 4 سنين... بس زيدوا عليهم محاضرات وهيك ودراسة بالليل 😅.. انسوا اصلا م في داعي تعرفوا شو هو تخصصي رح تنصدموا.. اكيد انتوا مفكرينوا رياضه بس هو ابدا ما إله دخل بالرياضه تخصصي هو.... #تمريض يخوان هههه عارف انكوا انصدمتوا انسوا انسوا.. المهم صار مسمحولنا بالليل ندخل تصبيره تتذكروا لما قلتلكوا عنها... هي معدتي صار زي شكل التصبيره.. طبعا ع نكهات الله وكيلكوا اشي بزعتر.. اشي بجبنه وهكزا.. الطعم رهيييب.. المهم يخوان طولت عليكوا سامحوني َ.... هاي م كانت الا فضفضه وخربشات طالب واقع و عايش الواقع.. وهانت هانت بإذن الله 💔.. باي 👍 لا تعالوا جاي.. اذا عحبتكم حطوا لايك او سبكرايب.. او زت خمسة ومردودة.. متفاعلةانا ضيفوني هههه 😅 😅 يلا باي خلص تعبت..
#مؤتة_السيف_والقلم 💪✌️

View more

كم نسبة العناد فيك؟

ع قد ما انا عنيده بدي اكمل part 2 هون..
المهم لحتى طلع الفجر.. وصحيت طلعت العب لياقة عالريق تعرفوا العقل السليم في الجسم السليم... ورحت بعدين افطر حلو (حلاوة مكعبات) من نفيسةة 😅بتعرفوا يعني نظام غذائي وكزا ومزا.. المهم صارت الساعة 7 الا ربع الصبح.. تخيلوا ههه لسا الساعه م صارت 7 يخوان.. ليسَ! ... طلعنا صفينا طابور وتفقدنا بعض انو ما حدا نائص من غير شر ههه المهم وصفينا هيك زي اللي بدهم يتصوروا صورة دفعه وهيك باللبس الموحد اللي اخترناه انا وصبايا الدفعة طبعا في سبايا كانوا لابسين السيفتي البيج وناس السيفتي الأسود... اممم الناس اذواق تعرفوا يعني منتوا غشيمين... اصلا انا عارف انكوا مصدومين انو كيف سبايا وجنس حوااا وافق يلبس مثل بعضوا.. ليسَ! تتدخلوش بخوان احنا عيلة وحدة وسكن بنات وهيك بنحب بعض كتير... المهم... ش ضل؟ 🙄 🤦‍♀️ نسيت ش صار بعدين؟ 🙄 🤦‍♀️ المشكلة الساعة لساتها 7 الصبح... ناسي ش صار بعدين.. اااااه ولكَوا تذكرررررت.. ئعدنا انا والسبايا من ال 7 _12 واحنا ب الساحة الرياضيه نركض ونعمل حركات استطالةة تعرفوا سبايا احنا وبدنا جسم رشيق... والشمس يخوان عليم الله تقول لهب 🔥.. ي ربي تجيرنا من جهنم... المهم ركضنا وركضنا وركضناا وركضنا قد م اقول ركضنا م رح أوفي حق الركض تحت الشموس... ويخوان وجهنا صار زي النص ليرة 🙍🏿‍♀️🙍🏿‍♀️🙍🏿‍♀️ من الشمس صبغناااا كحلي يخوان... المهم وع 10:30 يجماعة... السبايا نصهم وئعوا من التعب... ف قلنا لزوووم نعلم الشيخ بالسالفة... واقترحوا السبايا ننزل نجيب اشي يعطي طاقة ⛮ لحتى نكمّل لياقه... المهم وجبنا حلو ( مكعبات حلاوة😅) من أرقى المحلات من نفيسةة وكل 10 بنات كانوا ع صحن تعرفوا لانو عددنا كان كتير ومنوا نتعرف ع بعض... ليس َ! .. وتنشطنا وما شاء الله علينا.. وكملنا لياقه لل 12 الظهر بالضبط نزلنا نتغدى.. بس يالله شو كنا تعبااانين.. المهم اللقمة ع جوع كتير زاكيه.... ورحنا عال kfc وطلبنا مناسف اعتقد ناسي صراحه... بس المهم تغدينا... ورحنا صلينا ظهر...

View more

شعورك بأول يوم جامعة تحدثي قد ما بدك ?

Part 1
هههههههههعه اكتفي بضحكةة اااخ بس لا ولا ليش خ افضفض..اخ ي ذاك اليوم اللي ما يتسمى 23_11_2017 فتت ع باب الكلية وودعت امي وابوي.. وشنتتي وراي مدري وين فايت.. كرفتت ع دحلة هيك ورررررر... عرفت انو مستقبلي رح يكون دمار وفعلا هيني بالمستقبل 💔 ليسَ! ... خ اكمل فضفضة ي خوان.. المهم وفتت هالسكن حطيت غراضي وشطفت ورتبت.. بعدين رحنا انا والدفعة البنات طبعا جامعتي فيهاش شباب اه يخوان... المهم وطلعنا نجيب لبس موحد عشان نكون حلوين ومنظمين... طبعا اجيت د اوخذ ملابسي وحطيتهن بكيس اسود كبير.. وفتحت الكيس واجا العموه حطلي البدلة الرسمية بالكيس وانا أقع ورا البدلة بالكيس وبرضو حسيت هيك قلبي نغزني يخوان انو المستقبل رح يكون متل هالوقعة بالضبط... المهم وكملت اللبسة وجبت بوت سيفتي لونه بيج والتاني اسود سيفتي كمان هيك عشان ابدل فيهن واكون كاجوال... ليس َ!.. وطلعت على ال 5 العصر تعشيت بال kfc 😅ب تريننغ رياضه اسود 😂 تخيلو عال 5 العصر عشان الحق قبل ما يسكر السكن مالكم مصدومين؟ من التريننغ ولا من الوقت هههه... ليس َ! .رجعت عالسكن د الحق قبل ما يسكر تعرفوا اكلي بطيء وطار الوقت يخوان وانا اركض واركض ع قد ما الله يعطيني ورجلي وصلن لحلقي من الركاض.. وصار بيني وبين باب 🚪 السكن مترين يخوان تخيلوا.. وقبالي مشرفة السكن بدها تسكر الباب وانا اركض واركض واحس المشهد زي العرض البطيء يخوان المهم وارمي حالي عالباب واشد وهي تشد وانا اشد وهي تشد.. اقلها والله انا بنت ساكنه هون افتحيلي حزنت علي وفتحتلي الباب وقالت هلا هلا ي بنتي م كنت منتبهه... لا ي aunty عادي المهم فتت.... المهم يخوان . وانو ابات هالليلة بالسكن ولا غفيتلي عين 👁 بالمرة واتقلب واتقلب
(اتقلب على جمـر الغضى ... اتقلب
واتذكر عهدٍ مضى زمان ... شاغل القلب
يوم كان الهنا عبدا لنا لا تلوموني... ولناااا الله) المهم ياخوان انفعلت شكلي.... يتبع

View more

مواليد ٩٩ اللي يشوف حكيك يقول خاتمة الحياة ترى مي مستاهلة تردي هيك عالناس😉😒 وفرصة سعيدة ياممرضتنا😉🌹

هههههههههعه ي ربي متت.. طيب انا بكره ال انون... واثق من نفسك كده هوب.. ابعث من حساب مش انون 😂😂😂

View more

Next