هل بيكون في أسايمنت نسوي سن أو طقم أسنان أو أشغال عملية بالبيت و نسلمه؟
ان يكون الشغل في البيت كامل كأسايمنت لأ، فيه وقت معمل للشغل لكن بصراحة نادرًا ما كان يكفينا الوقت في بعض المواد فإما نشتغل في اوقات معامل اضافية، او ناخذ شغلنا البيت، أو نسوي الاثنين.
بيان عندك فكرة إذا جبت 6 ايلتس وأعفيت من اختبار تحديد المستوى اي مستوى أروح ؟ أدرس انقلش ؟
في مكان أقدر أبحث عنه في المواد والمستويات الموجودة في السنة التحضيرية في الدمام؟
شكرًا
بصراحة هذا الموضوع بالذات كل سنة يختلف تمامًا عن السنة اللي بعدها، ما يرسون على بر. بس حسب معلوماتي انك تختبرين تحدي اختبار المستوى وبعدها الايلتس ينقلك للي بعده او يلغي -بعض او كل- الكلاسات لو كنتِ اعلى مستوى حقيقةً مو متأكدة من هالمعلومات المواد نفس اللي درستها في تحضيري انا بالضبط، ربما الكردت اورز تغيرت بس ما اعرف جربي موقع الجامعة ربما حاطين الخطة
جهاز حاسب آلي أعتقد للسنة التحضيرية في جامعة الدمام بتحتاجونه. هو صحيح كان فيه عروض وابحاث بتضطركم لاستخدامه، لكن حسب نظام الجديد -السنة اللي فاتت- فيه دراسة للانجليزي بعدد ساعات معينة اونلاين لبعض المستويات مو شرط تشترين ما اعرف ربما تقدرين تشوفين طريقة ما
طيب احس هذا الشيء بجميع اقسام الطب مو بطب الاسنا لوحده ?
اي طبعًا، هذا كنت بقوله في السؤال اللي قبل لأن حسيته فيه نوع من الخوف. الحالات اللي قد تسبب وفاة اشياء تنعد على الاصابع في طب الأسنان، الاغلاط تصير اي بس مو كلها بتسبب وفاة، واحيانًا مو مباشرة، ممكن الفرد يسيطر على الوضع المقصد الاسنان مو تخصص سهل مافيه خطورة بس مو اخطر تخصص في العالم. وصح حتى اشطر طبيب في العالم منكن يخطئ بس هذي الاغلاط الفادحة لو الشخص كان مهتم، يقظ، وشاطر ما يقع فيها باذن الله
بيان هل صحيح بان طب الاسنان مجال حساس ودقيق جدًا وان يغلطه ممكن تؤذي حياة اللي بين ايدينا ؟
صحيح، ممكن اشياء بسيطة تؤدي بحياة مريض مثلًا ابرة التخدير قد تكون سبب وفاة في حال استخدام مخدر الشخص عنده حساسية منه او عدم حساب الجرعة الصحيحة من المخدر لطفل صغير
بنت الحسا ،. انصحك تجلسين ب الحسا لان يمديك تنقبلين طب .. وافضل لك جربي الحسا لو م انقبلتي فيها يمديك السنه اللي بعدهز تقدمين الدمام .. بس ع الاغلب ٩٥ باذن الله تنقبلين طب ... فيصل الترقيات مستمره الى بعد العيد كل سنه
شكرًا لج بس موزونتها ٩١ مش. ٩٥ شكرًا لك اني وي.
بياااااان????الحين في جامعتكم يصير تطلعون برا الجامعه بين المحاضرات او وقت البريكات؟؟ ????
وتقدرين تسحبين على المحاضرة وتروحين المطعم وترجعين إي ? ماحد له دخل فيج متى دخلتي ومتى طلعتي، قبل كان لازم للساعة ١٢ بس لغوا القرار.
السلام د.بيان :) ، وجدت مدونتج قبل فترة ،كمية إبداع و إفادة ما شاء الله،لا زال العالم بخير دام فيها شخصيات مثل شخصيتج الجميلة.. الله يسعدج و يوفقج بحياتج و يزيدج من فضله ✨?
وعليكم السلام ? شكرًا جدًا ولو أن "د." كبيرة لسه علي. الله يكتب لكم أضعاف هالدعوات الحلوة ??
قلت لك، باشيك الموزونات هل فعلًا فيه احتمال راح انقبل او لا! كم آخر دفعة في السنوات اللي في فاتت، كم معدل النزول، كم موزونة السنة؟ هل فيه فرصة جيدة انقبل او بضيع فرصة كانت في يدي؟ باسأل احد اثق فيه.
بيان موزونتي ٩١ وانا من سكان الاحساء و متخوفة من التحضيري اللي بالدمام لاني مو شاطرة بالانجليزي واخاف اني ما اقدر ادخل الطب وبنفس الوقت اقول يمكن انقبل بالدفعات الجاية بفيصل لان نظام الدمام ما يعجبني غير انها مو مدينتي ?
ماعندي على بصراحة بموزونة الحسا هذي السنة كم ، فما أقدر أقدّر. شيكي النسب حق السنة والعام وحاولي تقدرين. الانجليزي ما يعتبر مشكلة تحضيري العظمى كثير قدروا يمشون وينقبلون في اللي يبون حتى الطب لكن السنة التحضيرية طبعًا مختلفة تمامًا طبيعتها عن انك تدخلين مباشرة، لكن هل مستعدة تجازفين بالفرصة المضمونة في سبيل الاحتمال؟ وعلى السكن في مكان غير مدينتج، يعتمد عليج ما أقدر والله أفتي عنج، ماحد يعرفج كثرج. هل تتحملين انج تجين هنا او لا. ياليت فيه احد من بنات الحسا اللي هنا عندهم آسك فعّال حاليًا عشان يفيدونج بس ماادري صراحة صج الله يساعدج ويسعدج وين ما كان خيارك.
بيان رحتي ?؟
جيت بس السؤال صعب شوي ما كنت عارفة كيف أرد يمكن مايعطيج جواب شافي، بس يارب انه يساعدك قلبي معاج?
بيان ساعديني انا ابي ادرس بجامعة فيصل طب لكن ما حصل بالدفعة الاولى وانقبلت بالدمام مسار صحي ولو ما ضغطت على الستمرار للتالي لأكمل اجراءت القبول لين الساعة ٦ بتروح علي لكن انا خايفة لو ضغطت وكملت اخرج من المنافسة بجامعة فيصل شرايك بهالشي جد اخرج من النافسة ؟؟ واعطيني نصيحتك ضايعة مرة ???
:( عارفة شقد الوضع صعب لكن جد ما أقدر اعطيك جواب ممكن يغير مجرى حياتك بهذا الشكل الكبير. ما أقدر اتحمل مسؤولية الشي هذا. بس ممكن أقول لك كيف ممكن تقيسينها، هل نسبتج مرتفعة ومقاربة للدفعة الاولى في فيصل؟ او مثلًا ابحثي عن نسب قبول الدفع الثانية للسنوات اللي فاتت هل تنخفض بالمعدل اللي يخليج تنقبلين ان شاء الله او لا. وازني لو انتِ في الدمام هل فعلًا خيار الحسا افضل، ولو كنتِ من الحسا هل الدمام خيار موجود تقدرين تكملين فيه. مافي ضمانات على ولا شي، واجد من صديقاتي ساكنين في الحسا وقبلوا في الدمام، وبعدين طلع انهم كان ممكن ينقبلون في الحسا. ناس ندموا وناس لا بس كلهم يدرون ان اللي صار أكيد مصلحتهم وهذي خيرة من الله. استخيري لو تبين، اسألي اهلج أو ناس تثقين برايهم، الموضوع صعب بس الله يلهمج الخيار اللي يريحج ان شاء الله.
السلام عليكم بيان..
موفقه ان شاءالله في كل امورك ويعطيك ع قد نيتك ماقصرتي والله.. ❤?
بس حبيت استفسر عن اللغه الانجليزيه في السنه التحضيريه يعني هل اخر السنه اصير بلبل بهاللغه !?
وكيف تعاملتي معاها! ياليت تفيديني،وبس شگراً?
وعليكم السلام لأ، ما حتكونون بلابل فيها. ما أحد يقدر يصير بلبل في الانجليزي في كم شهر العملية مستمرة. بتتطورون بشكل كبير جدًا -وهذا كله يعتمد على شطارتكم في استغلال الكورس كويس وأخذه بجدية- لكن ما بتصيرون بلابل? كيف تعالمت معاها مافهمت السؤال بالضبط؟ تعاملت معاها كيف؟ عمومًا قسم الانجليزي خصوصًا مر بكثييير تغيرات من كنت في تحضيري، النظام ما عاد نفسه، لذلك ما اعرف لو كيف تعاملت معاه حيساعدكم بس لووضحت الفكرة وممكن افيدكم بشي ان شاء الله ماراح أقصر