طبيعي ان الترجمة تاخذ منى وقت طوووووووويل ؟
ابي اصير اسرع *دموووع*
أول كم محاضرة جدًا طبيعي. كنت ساعة اترجم، نص ساعة اذاكر واحفظ. لأن كنت احتاج اترجم ثلاث ارباع الكلام، بس شوي شوي يصير الوضع اسهل وماتحتاجين تترجمين كثير.
ops! :p توي أشوف كنت اكتب القائمة عمومًا ما أذكر شفت فلم طبي، الشي الوحيد هو مسلسل هاوس❤️
أي نوع عادي
The king's speech ( تاريخي، درامي عن أبو الملكة إليزابيث ومشكلته في التأتأة) جدًا احبه هالفلم The illusionist ( فيلم سحر، دراما، وممكن يعتبر رومنسي) قديم الفلم بس احبه ❤️ The prestige فلم ذكي عن السحر بعد، جدوا ذكي وحلو The help ( فلم جميل يتكلم عن العنصرية في امريكا قديمًا بين البيض والسود) Inception ( فيلم خيال علمي عن الأحلام بس حلو) seven pounds ( قديم بس مؤثر ) وبس هذا اللي في بالي حاليًا
الجزء الدافور الصغير فيني يبي يذاكر للإختبارات النصفية كلها، لأنها بعد الاجازة باسبوع. الجزء الانساني مني يبي يطور المدونة ويكتب أكثر الجزء الأناني يبي يجلس ويشوف أفلام ويقرأ كتب وبس لا شغلة ولا مشغلة
بيان الشخص اللطيف البشوش اللي ما يمتنع عن المساعدة، سعيدة بمعرفتك
Lamia ❤️
لمياء❤️❤️ ❤️ والله أنا السعيدة فيك والله. حبابة وظريفة وشخصيتك مرة لطيفة :') اسعدتيني جدًا الله يسعدك :*
حدثتي الواتساب ؟
حدثته بس قبل اسبوع تقريبًا
تابع للسؤال السابق قد ما اطور في لغتي الانجليزيه ما الاقي تحسن ملحوظ ايش الحل
لأنه الشي يجي بالتدريج بطريقة ماتلاحظينها. بالضبط مثل الطفل لما يكبر قدامك، ماتلاحظين كيف طول، صار يمشي، تتغير ضحكته، يتكلم وو ولسه توك ماداومتي إلا أقل من شهر فلسه مو وقت كافي تلاحظين تغير كبير جدًا. بس صدقيني لو استمريتي بالدراسة بشكل جيد، تفاعلتي في الكلاس، وسويتي كل شي بأفضل قدر تقدرينه، مستحيل مابتتطورين للأفضل حتى لو انتِ نفسك مالاحظتي. ممكن تسألين صديقة مقربة معاك في الكلاس لو صج تطورتي، أو حتى ممكن تسألين المس على جنب لأنها بتكون عارفتكم كلكم وملاحظة الموضوع.
بيان كيف انظم وقتي اتخلي ارجع من الدوام هلكانه ولازم ادرس + اتطور اللغه الانجليزيه+اتدرب على الايلتس بالله كيف الاقي وقت تعبت ممكن مساعده منك
كيف تنظمين وقتك أنتِ أكثر وحدة تقدر تعرف هالموضوع. كيف؟ انتِ لاحظي نفسك هل تحتاجين تنامين شوي أول ماتجين بعدها تصحصحين، هل لو شفتي فلم تروقين، هل لو بدأتي دراسة على طول افضل. يعني حاولي تجربين أكثر من طريقة إلى ماتوصلين للطريق الأنسب. اهم شي لا يضيع الوقت وانتِ بس ماسكة الكتاب وماتذاكرين ونعسانة لين تزهقين. لما تبدأين تذاكرين خلاص بدأي، لما تحسين نفسك مو قادرة عادي قومي نامي، لعبي، طلعي بعدين رجعي. صح الوقت ضيق، شوفي ايش الاهم فالمهم، خلصي الواجبات أول، بعدها ذاكري للمواد اللي تحتاجينها، المواد اللي مالها وقت وفير مستعجلة دراستها عندك الويك اند. كتبي قائمة بالمهمات اللي تبين تسوينها -ضروري مكتوبة مو بس في مخك- هالشي يساعد على انجازك. وفي النهاية لا تقتلين عمرك، انتِ طاقة، لما تتعبين ريحي شوي. عادي مابيصير شي، بالعكس افضل تدرسين وانتِ مصحصحة. عمومًا شوي شوي تتبرمج ساعتك البايولوجية على الدوام الطويل ويقل التعب ان شاء الله.
طيب ليه تهاوشين ! بس سالت كان بامكانك ترفضين الجواب باسلوب احسن من كذا :)!
هاوشت مين؟ الكلام اللي ينكتب ينكتب بدون وجوه تعبيرية في آسك. فكيف تقرأين الجواب وتفسرينه هذا شي من ناحيتك يكون ماليش خص فيه، ما هاوشت أحد انا :*
كم كان معدلك بالسنة التحضيرية؟ وهل في احد اخذ ٥؟ لانه طموحي اخذ ٥ لان كثير قالوا لي مستحيل وكذا بس باذن الله مافي شي مستحيل ..
ليش أقول معدلي لشخص غريب؟ وماعندي علم لو أحد ٥ أو لا،المعدل شوي يعتبر معلومة شخصية ما أحد يتمشى ويقولها. تحتاجين في كل شي فل مارك. مو مستحيل بس صعب. موفقة. عمومًا كونك حاطة هدفك شدي حيلك والله يسهل.
الله يعطيش العافية
عندي سؤال
وشو معنى خراج الاسنان ؟
وكيف نقدر نعالجه مبدئيا بالمنزل قبل الطبيب؟
ما أخذناه لسه. لكنه بسبب التسوس وتحلل الميناء ووصول التسوس للعصب وتحلل الخلايا العصبية فيتجمع هذا الصديد ويكون خراج. في هالحالة ما أتوقع تقدرين تسوين شي في البيت، كون التسوس وصل العصب فلا مفر من الطبيب. *المعلومة من معلوماتي العامة، مادرسناها لسه وتستطيعين تتإكدين من شخص أكثر خبرة.
آلسلآم عليكم
آهلين بيآن .. ع فكرة حلو اسمك طيب طيب ... آلحين الاختبارات حق سنة تحظيرية تبدا بمحرم هذي اختبارات النصفي او اختبارت شهرية او كذا يعني ؟
طيب طريقة الاسئلة لو جآك سوال ما تعرفي اجابته شنو افضل طريقة للاختيار (آدري مآ في طريقة معينة آبي آلطريقة الي تستخدميها او استخدمتيها ).
عليكم السلام، شكرًا عيني :* لو سؤال جدًا مو عارفة اجابته، ابدأ استبعد الإجابات، خصوصًا الاسئلة في تحضيري كلها اختيار متعدد، فالجواب موجود مايحتاج تذكر. افسر كل جواب واشوف هل منطقي يكون موجود أو لا، هل اتذكره في هالمكان أو لا. شوي شوي تقل الدائرة واختار الأقرب. بس كده.
اتمسك بآخر خيط منها وابكي اقف على الأطلال ومالي خلق وبس :)
لول، واضح انك مو في مزاج جيد
بالزبط كده
مساء الخير.. ايش طريقتك في المذاكرة؟ لو كان عندك إمتحان أو مراجعتك اليومية للمحاضرات؟
عندي هاردسك خارجي احفظ عليه المحاضرات بعدين اوصله بمخي. اوكي آسفه :p ماعندي طريقة مثالية، حسب المزاج.
شنو البرناامج اللي تستخدمينه في التصميم ؟
cS6
كيف اقرأ مدونتك بالترتيب من اول مدونه لأخر مدونه؟
رجعي لورا آخر صفحة بعدين اقري، مافي خيار حاليًا في المدونة يرتبهم بالتاريخ مع اني ما أنصح ترجعين كثير مرة ؛)
ايش ممكن اسوي عشان لما اجي اذاكر
و اقرأ المعلومات افهمها و مايحتاج اني احفظها صم !
بحيث اقدر استرجعها و اشرحها من فهمي
من غير الحفظ الصم للنص !!!
الشيء مرة متعب وسيء !
في حل ؟