السلام عليكم،إختي بيان لو قدمت أوراقي بالدمام عشان طلع لي قبول وقدمت أوراقي لكن،اقدر اسحبها لو طلع لي قبول بعد فترة بفيصل؟
وعليكم السلام ماعندي فكرة
وش اختبار اللياقة المهنية بالدمام !!
اختبار تحديد المستوى باﻻنجليزي وﻻ
قصدك حق المسار الصحي؟ فحص طبي عام للمقبولين تحليل دم وبول وهالسوالف
سامعة بطب المناطق الحارة ؟
لأول وهلة توقعت له علاقة بشي ثاني بس سويت بحث في قوقلوطلع شي مختلف، فلا بس شكرًا معلومة جديدة
ناس تقول لي تقبلي تخصصك وهذا اللي قدرتي.عليه
وناس تقولي اسعي ورا حلمك وحاولي لين تحققينه
:'( شسوي وانا حقيقي مو متقبله التخصص اللي انقبلت فيه
جلسي جلسة صادقة مع نفسك صح الناس ينصحون لكن ما احد يعرفك كثر نفسك. اقرأي عن التخصص الثاني سوي جدول فيه ايجابيات وسلبيات كل واحد فكري هل لو فرضنا سافرتي لتخصصك بتكونين ممتازة فيه، هل تقدرين تعيشين هناك؟ ولو قعدتي هنا متى بتتقبلين التخصص؟ هل بيحقق لك تطلعاتك؟ هل يكفيك؟ مرحلة صعبة أعرف، لكن تحتاج تفكير. أنتِ بس الأقدر على اكتشاف الجواب ولا تسألين إلا ناس تثقين برايهم. فتكون عندك آراء خارجية حقيقية مركزة مو ناس ماتعرفك ولا تعرف قدراتك. موفقة
هلا خية ابغى اسألش عن كلية التربية إلى في الجبيل إيش فروعها ؟
توي رديت عليكِ في المدونة (اظن انك نفسك هههه) آسفة بس ما أعرف عنها شي
تعتقد بنظرية ان كل شخص عنده صديق واحد أقرب من البقية *best friend* وهل عندك شخص تعتبره صديقك المثالي؟
هذي نظرية؟ عمومًا لا مو شرط أعرف كثير يفضل تكون صداقاته مو عميقة. وعندي اشخاص أقرب من غيرهم لكن ماحدش مثالي
مساء الخير :)
بيان لو سمحتي عندك فكرة لو موزونتي 89 في مجال إني أنقبل في الدمام مسار صحي أو لا ؟
وبالتوفيق لـ إيران ❤️
مساء النور ماعندي فكرة كل سنة تعتمد على شقد شاطرين دفعتكم احنا سنتنا كان القبول ٨٩ فإن شاء الله خير . ههههههههههه لا شدعوة ما أتابعهم ولا اشجعهم صج كنت امزح واصلًا خسروا
ابي اسك بنات هندسه تحظيري
ماعندي
كيف تعلمتي إنجليزي لان ابي أتعلم ومسببلي ازمه كيف؟!
تعلمتمن كورسات كل صيف أمي تدخلني من كنت في ابتدائي لين مادخلت ثالث ثنوي+ سنة تحضيري كانت سنة تطور كبير وهذي نصائح من سؤال سابق وكلهم جربتهم http://ask.fm/BayanhAli/answer/112539303519
شكككرا , كويس ان السؤال جيد :)
اممم احس احيانا ودي اني اطبق هالشيء بس معرفتي قليله وماقدر افتي من عندي
اذا المعلومة مو متأكدة منها مية بالمية لا تفتين بس لو شي درستيه وفهمتي بالضبط كيف يكون بالعكس، جدًا ممتاز لك أجر نشر العلم أصلًا
هل كون دراستك لها علاقه بالمجال الصحي , يأثر هالشيء على شخصيتك بحيث تبداي تطبقي اللي تدرسيه على نفسك واللي حواليك وتنصحينهم ؟
سؤال جيد يأثر على شخصيتي أي كثير، لكن في المجال اللي ذكرتيه أقدر أقول نوعًا ما مو كثير. فيه أشياء فعلًا أنصح فيها وأغيرها بس فيه كثيير ما أغيرها. على سبيل المثال نظامي الغذائي أبدًا مو صحي.
Do u like watching movies ?
Any advice for a nice one ? ^^
the king's speech the illusionist the beautiful mind inception the pristige Adam