الحب مش حاجه ممكن تحصل او ممكن متحصلش ، الحب ده ضروره ، لازم من لوازم الحياه ، الحب هو اللي بيكون الحياه نفسها ..

* الحب سرُ كبير يرقي السلوك ويسمو بالانسان ،حب الله هو هدف الوجود ، وحبنا لما حولنا هو حبنا لله ، قواعد العشق تضبط سلوك المحبين مع الخالق والمخلوق ..
* هل فيه اسباب للحب ؟ هل فيه اسباب لو مش موجوده عندنا ممكن نتعلمها ونوجدها علشان تحصل عندنا النتيجه اللي هي الحب ؟
- اه طبعا فيه اسباب للحب واكيد اللي معندوش الاسباب دي ف قلبه علشان يحصله الميل للمحبوب انه بيعمل علي بعض الاشياء اللي تخليها توجد الاشياء دي وبالتالي بيحصل عنده الميل للحب والمحبوب ..
** والاسباب نوعين والاتنين مختلفين تماماً ..
* النوع الاول المتعلق ب هل حب الله لينا وحبه للاشياء له سبب ؟
* التاني حبنا احنا لله وحب الاشياء لله هل له سبب ؟
* النوع الاول هل حب الله لينا او حبه للاشياء له سبب ؟
- ده ملوش سبب ،وكلمه مالوش سبب يعني مالوش عله، وكلمه مالوش عله ، يعني ربنا مبيحبش علشان فيه حاجه علشانها بعد كدا حب ،وده بيسموها ف الاصطلاح او عند العلماء ،" ان محبه الله لخلقه لما نقول مفيش عله ، نقول ان ربنا لا يحتاج ولان ان كان له سبب وكان له شيء بيرتب عليه حبه لنا معناه انه لازم يتوجد الشيء ده علشان يحبنا "، وده عجز والله مينفعش معاه العجز ، لا يليق بالله سبحانه وتعالي ان يكون عاجزاً ..
- علشان كدا ربنا حبه لينا من جهه انه بيجي بعد حاجه مينفعش ، لانه معناه محتاج الحاجه دي علشان تحصل علشان يحبنا وده مينفعش مع ربنا ده ينفع معانا اه لازم تكون فيه حاجه تحصل علشان يجي بعدها الحب ..
* انما لما نفسر ونيجي نقول حب ربنا لعباده له اسباب ده معناه ايه ..!؟
- ده مش معناه انه عله وشيء بيتوجد بعد شيء ، لا ده معناه شيء تفسيري بنسميه "سبب تفسيري" لينا احنا احنا بنفهم بيه مش سبب بالنسبه لله انه بيعمل شيء بعد شيء ..
يبقي اول شيء نعرفه ان الله -عز وجل- ليس لمحبته لنا عله ، ليس لها سبب لان الله غني، الله مطلق ،الله لا يحده شيء ،مفيش شيء يمنعه..
* ممكن يدخل الناس الجنه بأعمال وممكن يدخل الناس الجنه بدون أعمال ..
اه ربنا في صحيح مسلم خلق ناس يوم القيامه مكنش خلقهم ف الدنيا ودخلهم الجنه بلاعمل عملوه فين السبب ؟
- مفيش سبب .. واحنا خلقنا ف الدنيا وأدانا اعمال علشان نعملها والاعمال دي عملناها ف دخلنا الجنه بسببها ؟
- اه بسببها لكن مسمهاش سبب اسمها "علامه" ،يعني ربنا عمل علامه ع اللي هيخشوا الجنه، طب واللي خلقهم يوم القيامه عملهم علامه او سبب..؟
- لا معملهمش علامه او سبب يبقي ربنا غني عن الأسباب ..
-- حب الله للاشياء او حب الله للمخلوقات بلا سبب و بلا عله ، طب ده بيفيدنا بايه ده يفيدنا ف قوه التعلق ،ان حتي لو فقدنا الاسباب اللي هي علامات علي محبه الله لنا لا ينقطع رجائنا من الله ابداً ، الله فوق السبب ، الله هو الذي خلق السبب ، الله هو الذي اعطي السبب ووضع العلامات ،الله لا يعجزه شيء ، قاهر يقهر الاسباب. حتي لو فقدنا الاسباب ..
+2 answers Read more