🖤🍂
التعود ده شِيئ مُرعِب جداً ، إنك تدخل حد تفاصيلك و يكون له دور ف كل يومك حتي لو بس بتحكيله بالذات لو أختصرت فيه كل الناس .. التخلص منه وقت ما بيمشي زي أي حد بيمشي من حياتك بيكون مُميت ، عامل زي أعراض إنسحاب أي إدمان .. بيدمرك ، بتحس بالوحدة ، طيب هحكي لمين غيره ، هكلم مين ، هنزل مع مين .. اي حاجة بتعملها ف حياتك بتكون متصلة بيه ف بغيابه بتحس حياتك معصلجة ، كل حاجة بتحصل بس ناقصة .. نقصاه ، بتحس إنك وحيد رغم إن حواليك ناس كتير .. بس هو مش موجود .. ف ربنا يكفينا شر التعود و إدمان أشخاص مش دايمين ...✋🏻🍂
- من فترة وإنتي ف حالة أول مرّه تعدى عليكي ، إنك ف النُص ، ف النص من كل حاجة ، فاقدة الشغّف تجاه الحياة ، إنتي مبتكرهيش بس مِش عارفة تحبي ، معندكيش حاجة تقدميها ليهم ، معندكيش طاقة إنك تدخلي ف أي جدال ولا تقدمي أعذار أو حتي تدخلي ف علاقات ، إنتي مُتخيلة إنك يا دوب قادرة تتكلمي مع نفسك ، وباقي الطاقه ال جواكي بتضحكي بيهم ع أي شيء بائس ، إنتي مِش حد وحش إنتي جايز من فرط نقائك إنجذبت ليكي كل حاجة وحشة ، العالم ف عيونك بقي أبيض وأسود ، بقيتي أعمق مِمّا يبدو عليكي وإنقلب عليكي عُمقك إنك بقيتي تشوفي إن أي حد سطحي وكلامه مش بيحركك ولا بيثير شغفك تجاهه ، وإنقلب عليكي المُجتمع العقيم وبيشوف إنك مُعقدة ومليانة كلاكيع ومريضة نفسياً ، وفِ كل الحالات إنتي عندك لامبالاة بالأشخاص والمُجتمع والحياة والعالم كله ، وبتتمادي ف الحالة المأساويه السوداويه الي بقيتي فيها ...🖤
"ليس كُل من يكتُب عن الحُب مُحب، فالسجين أكثر كِتاباته عن الحُرية"...✋🏻🍂
متسمَحش لشخص إنه ينيمك زَعلان ، ومتسمحش لِنفسك إنك تزعلها منك ، العلاقه الـ هتخسر فيها نفسك إنهيها وإكسَبك ، الشخص الـ وجودك معاه مؤذي ليك أبعد عنه ، إنت قوي بيك بذاتك وليك كَيانك ، إتعلم فَن الإستغناء هترتاح ، حَدد علاقاتك بالناس وسطّحها ع قد ما تقدر هتلاقي مشاكلك خفّت ، الحِمل الـ ع قلبك إتمحي ، النصيحه الأولي والأخيرة ليك محدش هيأذيك غير لو سمحتْ إنت إنه ييجي عليك فمتسمحش و حِب نفسك 🖤🍃
أعتذر لنفسي بطريقه تليق بي عن كل الذين ظننت أنهم نور لقلبي وما كانوا إلا ظلام👌🏻💔...
ثم قالت : " أنا نفسي ف علاقة هي اللي تشيلني ، محملش هم حاجة فيها غير هلبس فستان لونه إيه لما نخرج سوا " !🖤🌺
انا هنا هربانة من العالم كله ، هربانة من الواقع بتاعي ، من العَبَث والجنون اللي بيمُّر فـِ حياتى ... هنا انا ع طبيعتي اكتر من اى وقت كان ، هنا انا بنسج اللي ف خيالى كإنه واقع ، هنا انا ممكن اكتب اللي مقدرش اقوله ف اي مكان تانى ولا مع بشر يعرفني
فــَ لذلك متخليش نفسك تصورلك انك تقدر تحكم عليا اطلاقاً أو تتخيل إنك عرفتنى وعرفت اللي جوايا .... ✋🏻🍂
- وحدة مَزحُومة بــِ ناس والدنيا بتفضي عليَّا ! 🍂🥀
كُلنا ساعات بنقول حَاجة وبعد شوّية نِرجع نقول عَكسها .. مش مَعني كده إننا مَعندناش مَبدأ بس ساعات بنتكلم بقلبنا ، وساعات بعقلنا ، وساعات بنتلخبَط بين الاتنين وسَاعات المُجتمع بيضغطنا ، وساعات الزمن نفسه وخِبرة الايام بتخلي رؤيتنا لنفس الحاجة تتغير .. فـ بلاش نُحكم ع بعض مَحدش عارف كل وَاحد فينا فيه ايه ولا بيمُر بإيه 🥀...
