Ask @bobmando592:

لِ طيفك ...🖤!

آثًر آلَفُرآشّـة♾️⁩
فجأه افترقنا وفراقنا
سرقنا من حضن بعض
بعد اتفاقنا و وفاقنا القرب اتغير لبعد
سافر نصيبي بحبيبي
وكأن مفيش بينا وعد
واللي انا رتبته وبنيته
ماتهنتش بيه
قلبي اتلخبط في حساباته
متحير مش لاقي حل
مرمي في سجون ذكرياته
والوحده احساس ممل
نفسي اقابله واشوفه تاني
لو دقيقه على الاقل
كنت بحبه بجد حتى بعيوبه اللي فيه

View more

🤍✍🏻

Mariam Eldesouky
وازاي بحبِك كده ؟
انا عمري ماتخيلت انك تكوني انتي
اول ماشوفتك لقيتني يعني مش طايقك
عمال اضايقك كإنك حد تاري معاه
وانتي الصراحه كمان لا كنتي حباني
ولا كنتي حابه تشوفي هزاري وجناني
ولا كنتي عايزاني
تشوفيني ماشي طريق تمشي ف طريق تاني
فجأة بدون أسباب لقيتني بمشيلك
ولقيتني بحكيلك كل اللي ماحكيتهوش
ولقيتني بآمنلك
ولقيتني بقى منك
أو حد من ناسك

View more

- ✨

Noor
ارتبطوا واتعلقوا بالناس الحلوه "الناس الشيك"
قصدك لابسين شيك يعني وكده ؟!
-لا الشياكه يعني الحاجه الحلوه
ناس شيك في كلامها .. شيك في زعلها.. شيك في حتي خصامها وتعلقها بيك 🖤..
ناس عارفه ان الزعل حاجه والواجب حاجه تانيه ..مينفعش يبقي الاثنين واحد .. ناس شيك في حبها ..في اهتمامها ..في تقديرها..
اختاروا الناس اللي تعرف امتي تتكلم وأمتي تسمعك ..
اختاروا الناس اللي تعاتبك بنظره وتسامحك بابتسامه ..وتطلع من كل زعل من غير خدش حتي بسيط 🖤..
اختاروا الناس اللي تفضل جمبكم ..ال تعرف تستحملكو زي ما انتو ...
ال تحب صوتكوا ال مش بتحبوه وتضحك من ااقل رد فعل حلو ليكو .. الناس ال بتعرف تطبطب وتقول خلي بالك من نفسك ..ايوه هما دول الناس الشيك ..
لما تختاروا أصحاب, حب,زمايل.. اختاروا الناس الصح 🖤" .. اختاروا الناس الشيك 🖤!!

View more

Space 🖤🍃

حَنّيِن
لما الشتا يدق البيبان
لما تناديني الذكريات
لما المطر يغسل شوارعنا القديمة والحارات
الاقيني جايلك فوق شفايفي بسمتي
كل الدورب التايهة تنده خطوتي
كل الليالي اللي في قمرها قلبي بات
مش جاي الومك علي اللي فات
و لا جاي اصحي الذكريات
لكني بحتاجلك ساعات
لما الشتا يدق البيبان

View more

_

✨H̷a̷d̷e̷e̷r̷✨
باضحك ودمعي كإنه سحبة كمان
اسكندرية المكان
اسكندرية الحدث
اسكندرية الفراق
واسكندرية الونَس
قلبين بيفترقوا بهدوء من ليلة باردة
كفين بيتدفوا ف شروق نعناع ف زردة
شيّش النهار عملت سحاب تاني
وصاحبنا مر ف جليم من تاني ولقاني
بصتله بص ابتسم .. وضحكت حَس اتقسم
ولقاني ناي مسدود من قصة متشتته
ميل ف حضني وضمنني وقاللي :
ماتجيش كمان ف الشتا .

View more

+5 answers in: “Thread For...”

__🖤

ﺳ̭͠ لْـمي ٱلْـديﺑ“̯ .
punto
كان وقتها بيلم شيفت الليل
واسكندرية بتفتح الشبابيك على ضحكة العمال
وانا اللي واقف كإني لا كإني خيال
وانتي اللي شايفك كإنك سرب م العصافير
تفتكري ممكن يوم نرجع ونتقابل
قالت : ومين عارف جايز نعود أحسن
ليه يا اسكندرية اما بافرح باحضنك واحزن
مشيّت وبدأت تختفي بشويش
ويادوب خيالها ف قمة الشارع مبانش
ياريت وجودها ف قصتي مكانش كان
أحسن ما اعوِّد وحدتي على كان مكانش

View more

+5 answers in: “Thread For...”

_

✨H̷a̷d̷e̷e̷r̷✨
اياك تفاوض ست
على جرح أو دخان
واسحبها زي الكمان
واطلقها للنوتة
اسكندرية ياقهوة مظبوطة
يارياح قديمة يانوّة ف يناير
ياجراح نسيها البحر شربتها العماير
ف الليل مافيش غيرنا انا وانتي والمطرة
وكلام بينقص كل ماتزيد السجاير
خليني اكون مُنصف
” انا وانتي ” يعني ” انتي ”
واسكندرية قد ماهي طيبة
بتدوس بلا رحمة
الجرح والزحمة
والبحر شارع وشاعر والقصيدة الناس
يا أيها البحر الذي علمتني
ان الحاجات الحلوة مخلوقة كي تنباس
وان الحاجات الحلوة يومين مبتطولش
وان الغلام الشديد برضك مايستحملش

View more

+5 answers in: “Thread For...”

__🖤

ﺳ̭͠ لْـمي ٱلْـديﺑ“̯ .
punto
مش خمارة
لكن مكان للزيارة ف كاس واين شفاف
شارع فؤاد بيخاف من أي شخص غريب
ومحطة الرمل شعره بين قدر ونصيب
ونصيبي كان هيّ
أول كمنجة بشنطة جلد وشال
أول تردد موسيقي بيتحسب زلزال
ندهت عليا ف أول الموّال وباستني على خدي
عشرين فراشة ف شفايفك ولا دول كانوا مين
حطت ايديها سرقة على صدري
عديت ضلوعي طلعوا مش كاملين
كان جسمي فضّى الخمرة ع النيكوتين
وعينيا خرجوا للنبي دانيال
بصيتلها وسألت :
ازاي فراشة ف خدودك تمشي ع الاسفلت ؟!
الحلوة جاية منين ؟
قالت كلام ياما عن حرب وعلامه
وبلاد ماتعرفناش بين الصفة والاسم
قالت ساعتها بجسمها حرفين
وانا مش خبير الا ف لغات الجسم
فيه نوع من الستات الشعر مايساعهمش
وان حاول الشاعر يكتب كلام عنهم
ينسى حاجات منهم
قالت كلام وأظن
انه بدرجة بُن
وان البيوت ف اسكندرية اتحولت فناجين
وف عز لحظة صمت .. مضيتلها وبصمت
ضحكتلي وكإنها قهوة ف كامب شيزار
وهزار يجُر كلام وكلام يبوح بهزار
دخان وجعها القديم شغّل جهاز انذار

View more

+5 answers in: “Thread For...”

__🖤

ﺳ̭͠ لْـمي ٱلْـديﺑ“̯ .
ماتجيش ف الصيف
الناس بتموِّت بعض على الاسفلت
البحر بيغرق من زوار مايو
الكل بييجي يسيب نفسه
وكإن بلدنا اتقلبت مولد والبحر مقام
الكل بييجي يقدم أسباب الطاعه
الشمس عصير على مفرش أزرق بقى كاروهات
والأرض بتعرق من فرق اللون واللهجات
تلقى السكان الأصليين ف البيت قاعدين
بيطلوا على الشارع والناس
ويادوب بالكاد بيشوفوا البحر ف آخر الليل
يتوضوا المطرة من الشتوية لحد الصيف
ويراعوا الضيف وان كان الضيف بيعوم ف بلادهم بهدومه
ان صاموا الناس نفطروا احنا وان فطروا العالم بنصوموا
الليل موال والحب حلال ، الحب بكايا ومواويلي
والقرب جدال والبعد جدال ، والطرح مجمّع مناديلي
أنا كنت زمان أصلاً فنجان ، مولود ف البن البرازيلي

View more

+5 answers in: “Thread For...”
Next