احمد 💙احكيلنا عن جبران الخواطر والصبر 💙......

خلي أملك دائما معلق بالله ولا تستنى من اي احد يجبر خاطرك غير الله،
الاهم بالموضوع انك لا تختبر الله،
بعض الناس إذا حلت عليه مصيبة يدعي الله بعدها يقول انا دعيتك يا رب ولم تستجب لي،
واربط دعاءك بالاخد بالاسباب،
في مرحلة التوجيهي رسبت
الفصل الاول بماديتين بعدها قلت بشد حالي عالثاني، كان طموحي هندسة من انا صغير، ولكن الحياة تضحيات فقررت اشد حالي وبأي حالة انجح من اول مرة واخلص، ولكن لما طلعت النتائج رسبت،
ما بنكر اني زعلت وكنت متلوع بس لانجح ولو بعدل ٦٠ او ٧٠ المهم انجح،
ولكن قلت لعله خير وتاخرت فصل شو يعني؟
ما ضاعت الحياة اكيد الله ما بحملني فوق طاقتي ورايدلي الخير،
الكلام هاد طلع من قلب مؤمن بالله مش عن اختبار،
اخدت بالاسباب وشديت حالي وآمنت بالله وقدرته على كل شيء،
طلعت النتائج ولا انا ناجح وبمعدل ٨٠.٤، يعني معدل باهلني لحلمي "الهندسة "
صفنت بنفسي لحظات وقلت سبحان الله،
الله دائما ادرى بمصلحة عبده اكثر من عبده،
الفصل الماضي كنت بدي بس انجح باي معدل
تاخرت فصل وتكافئت بحلمي الي استنيته طول عمري.
وهيك الله جبر خاطري 😍
قصتي بالتوجيهي كانت بالنسبة الي مدرسة كاملة علمتني كثير اشياء❤️