لباكك ياعيوني, اميييين يارب يسعدك ربي ع هاللطافه??.
اكيد به سبب؟ شالسبب؟؟ عمومًا مهما كان الجئي لربك ياعيوني ، الله الي كتب لك وقدر لك هالحزن بيده يبدله فرح ويسعدك ويفرج همك✨, صلي ركعتين او بالوتر واشكي له وتقربي له صدقيني سعادتك بقربه وحاولي ترضين بكل شي لان الله ادرى بالخير لك ، واطلبي منه الي تبينه واحكي شمزعلك.. وما بيردك خايبه، والله يسعدك ويبعد عنك الحزنن والهم?.
لا عادي مب بس انتي الي دورتها كذا ومب شرط تجيك منتظمه, بس الحبوب اخاف تضرك احسن لك من الإبر يمكن بس استشيري طبيبه افضل عشان مصلحتك ويمكن تعطيك شي أزين, والله يخفف عنك.
الأديب الواعي اذا تحدث عن الحزن يتحدث عن حلوله وكيفية البعد عنه وتجدين أن كتاباته يلامسها الأمل والثقه بأن بعد السعر يسر.. وايضًا ربما لأنه ما يريد ان يعبر عنه الكثير, فالكثير منهم لا يجد سوى الكتابه منفذ له للفضفضه, اما الفرح يستطيع التعبير عنه بأي شيء آخر??.
لا يوجد شيء اسمه نسيان ، كل احساس ، كل تجربة ، كل خبرة وكل عاطفة مهما بلغت من الهوان والبساطة لا تفنى ولا تُمحى وكل مشاعرنا واسرار قلوبنا غير قابلة للإندثار كل ما في الامر أنها تنطمس تحت سطح الوعي وتتراكم في عقلنا الباطن لتظهر مرة اخرىّ في شكل ما ؟
زلة لسان ، نوبة غضب ، لحظة بكاء ، أو حلماً غريب ذات ليله "وأنه لمن المؤسف ان لا تتغير ردة فعلك تجاهها..
جزاك الله خيرًا?.
حبيبتي! م عندي خبرة عن وظائف بالرياض, بس اقترح انك حتى لو ما لقيتي وظيفه لا تقعدين فاضيه وبفراغ.. اشغلي نفسك بأي شي نمي مواهبك, كتابه؟ رسم؟ قراءه؟ اعمال يدويه؟ ابدعي بالي تحبينه.. او برضه أدخلي معهد او نادي وكذا تشغلين نفسك وم تحسين بفراغ.. ودايم ادعي ربي تلاقين الوظيفه الي تريحك وتناسبك ولا تزعلي ع خروجك اكيد خيره لك.. ربي يسعدك ويوفقك للي تحبينه??. -اذا احد يعرف وظايف بالرياض يفيدها وجزاكم الله خير مقدمًا-.
على حسب الأمر اذا هالشي ضروي ويترتب عليه مستقبلي او يسعد ناس ويأذي ناس يستاهل الموضوع افكر له.
حبيبتي, المبتلون مأجورون! كل لحضة تعب ولحضة وجع مريتي فيها لك بها أجر بس بشرط! تكوني من الصابرين لأن الله وعد الصابرين بالجنه.. خلي ثقتك بالله كبيره واثقه انه بيجي اليوم الي ينتهي فيه هالتعب وبتفرحين فيه, وم به احد عايش بدون مشاكل كلنا نتعب وبرضه كلنا نفرح.. حاولي تناظري بالأشياء الحلوه بحياتك تتجاهلي الاشياء السيئه , اشغلي نفسك بحاجات تحبيها قراءه كتب رياضه رسم كتابه اي حاجه تتقنيها وتحبينها, او ادخلي نادي او معاهد .. كذا اوقات الفراغ تقل عندك لأن وقت الفراغ مشكله, يخليك تفكرين كثير وتزعلين نفسك وابتسمي دايم وثقي ان الفرج بيجيك وناظري بالي اسوء منك وقولي الحمد لله.. والله يسعدك ويفرج همك ويعينك?..
وعليكم السلام ورحمة الله وبركاته, م حبيت ابد انزل الباقي.. انتِ تدرين ان الي سوته لك غلط صح؟ ساكته ليه؟ ترا سكوتك ذا يدل على انه عادي عندك هالشي وصدقيني هي والي شافوا المنظر وسكوتك اخذوا هالفكره عنك, غير انه غلط ذا شي مقرف ومحرم كيف ساكته وراضيه ؟ تقولين مغبونه طيب مغبونه وهذي ردة فعلك! نصيحتي: وقفيها عند حدها ووضحي لها انك م ترضين بهالشيء عشان ما تتمادى.. لو هالموقف صار لي اظن اني بوصل الموضوع للإداره مب بس انغبن وأسكت.. والله يحفظك ويبعد الشر عنك.