‏عايزة اتكلم ع حاجه بس انا أوقات كتير بشوف نفسي وحشه وأقل من كل البنات جمالا لدرجه والله اني مابقاش عندي ثقه ولا حتى 1%ف نفسي حتي لو حد قالي اني حلوه مبقتش بصدق ف ليه يوم مااقول انا راضيه ع شكلى حد يقول كلمه بمعنى اني مش حلوه! انا فعلا اتعقدت من الموضوع ده معرفش دي تفاهه مني اني اعيط بالسبب داولا اي

💬️ Answer this question
اه ليكي حق تعيطي البنات بطبعهم حساسين والكلمه بتفرق معاهم بس صدقيني الجمال ملوش معيار انا اعرف ناس بتقرف من الناس البيضه وتحب السمر اوي وناس تحب اللي بشرتهم قمحاويه وممكن حد يشوفك يرتاحلك يحب ملامحك علشانك وممكن حد يشوفك ميتقبلكيش فيكره شكلك حتي لو كنتي جميله جدا في نظر غيره وع فكره اللي يقولك انك مش حلوه ده واحد أو واحده مريضه لأن مفيش حد طبيعي يروح يقول لحد كده الا لو هو مريض أو غيران منه تقبلي نفسك وحبيها متديش فرصه لحد يهز ثقتك بنفسك هتتعبي واللي يقولك حاجه زي كده هزقيه واديله ع دماغه متسكتيش عشان يخاف يجي يقولك حاجه تاني وعرفيه انك شايفه نفسك حلوه جدا اوعي تحسسيه انك مهزوزه ولو انتي شايفه نفسك مش حلوه شكلا يمكن متميزه في حاجه تانيه تعليم صحه أهل ديه ارزاق وكلنا قد بعض
هى فعلا تفاهه منك انك تعيطى ع السبب ده ومفيش حاجه اسمها اقل م البنات جمالا وبتاع ..فكك بس من كلام الناس واوثقي فنفسك شوية بس هتحسي انك احسن من ناس كتير والجمال مش بالشكل خاالص ع فكرة فيه كتير حلوين من بره بس من جوه اعوذ بالله ...ولتانى مرة سييبك من النااس عشان الناس مش بتبطل كلام ??
لا مش تفاهة منك طبعا بس هي كدا البنات كلها ع فكرة بيبقا كلهم شايفين نفسهم اقل من غيرهم زي كدا بالظبط بس في يوم من الأيام هيجيلك ال هيحسسك انك ملكة ومفيش غيرك يستحق لقب ملكة جمال العالم ??⁦❤️⁩⁦❤️⁩
بغض النظر عن اللى انتى بتقوليه دا بس مش هرد انا بس هقولك سيدنا محمد قال كدا *إذا نظر أحدكم إلى من فُضِّل عليه فى المال والخَلْق فلينظر إلى من هو أسفل منه*
Liked by: MhMoOd
كنت كده ي بنتي بالله لحد حد م اقالي اعمل اي و احب نفسي ازاي و ان انا ك روان احسن بنت ف الدنيا ولازم اقول كده لنفسي ديما وفعلا بقيت مقتنعه جدا بكده وانا فعلا كده وانتي لازم تقتنعي ان فعلا لو شايفه نفسك حلوه كل الناس هتشوفك كده انتي من جواكي مش من شكلك البنت بروحها بطيبتها بتربيتها باخلاقها مش ب جماله بس جمالك ف ادبك ومش لازم تغيري من نفسك عشان تعجبي في متقبات كتير قمرات وروحهم حلوه ولازم تقتنعه بكده
عادي هي مش تفاهه ولا حاجه وبالذات عشان انتي بنت فالموضوع ده بيحصل لبنات كتير بس لو الناس عرفت اللي انتي معندكيش ثقه في نفسك محدش هيرحمك ويفضلوا يركزوا معاكي فالمفروض متسبيش مساحه لاي حد يتكلم عن شكلك وحتي لو اتكلم اتكلمي انتي كمان عليهم ومتسبيش حقك وخلي عندك ثقه في نفسك
لازم الأول يبقى عندك ثقة ف نفسك ودى هتيجى ف ثقتك بربنا ساعتها هتقدرى تواجهى اي حد !
ولازم كمان تحبى نفسى وتقنعى نفسك انك تستحقى تتحبى !
كمان تبقى مقتنعة ان كلام الناس لا بيقدم ولا بيأخر لأنهم عايشين يتكلموا وخلاص فسيبك منهم !
واقنعى نفسك انك قادرة تعملى حاجة ف حياتك بالرغم من أن كل حاجة بتقول عكس كدا !
وأخيرا ! صدقينى فعلا الحلاوة حلاوة الروح !
حبى نفسك واحمدى ربنا ! ❤
وربنا يرضى عنك ويراضيكى ??

Next

Language: English