في بنت بحبها وعاوز أتجوزها لكن ظروفي حالياً متسمحش إني اتقدم رسمي أكلمها وأشرحلها ظروفي وأشوف رد فعلها أية ولا مينفعش...... ،،،، بجمع نصايح ع السؤال دا 🙂 لأني مش عارفه ارد اقول أي؟....

💬️ Answer this question
ما كل ما يتمنى المرء يدركه!
متحاولش الا لما تكون جاهز تماما عشان متحرقش نفسك قدامها .. الله يعينك ويوفقك .. ولو قدامك وقت بسيط خد كلمة شرف من ابوها.
كلم أهلها احسن لو ناس كويسه هيستنوا ويدوك فرصه علشان لو كلمتها هى واهلها عرفوا شكلكوا انتوا الاتنين هيبقى وحش
لا مينفعش
بص انت تجهز نفسك وتكون بتشتغل وتعرف تصرف عليها بمعنى والدك مش هيصرف عليك ...وما تاخدش مساعدة من حدك
وما تضغطش نفسك ...تكون جاهز اتقدم
ظروفك متسمحش مديا يعنى !!
بص لو بتحبوا بعض والله روح اشرح لباباها ظروفك و قول الكلام دة لاهلها وربنا يوفقك
بص طلما مش مرتبطين ومتعرفش انك بتفكر فيها اصلا دا لو كانت تعرفك اساسا يبقى تريح دماغك ومتحطش نفسك تحت ضغط علشان حد انت اصلا متعرفش هو بيحبك ولا لا . طب ليه بقى تقرف نفسك من الاول طب ما تظبط حالك ياعم وتشوف مستقبل لحد ما تبقى قادر ولو ليك خير فيها هتستناك فمتقلقش يعنى
ركز فى مستقبلك اهم الى ليك عمره ما هيضيع
مش عارفه بصراحة بس هو على حسب ظروفه يعني لو حاجة مؤقته زي جيش مثلا او هيكمل شقته بيجهز نفسه ممكن يبعتلها مسج يوضح فيها ظروفه ولو هي وافقت يتقدم ويشوف حد حكيم كدا يكلم باباها و بالاتفاق ممكن الموضوع يمشي
لكن لو ظروفه صعبه اوووي يعني مثلا قدامه تلات اربع سنين كدا علشان يكون جاهز ومش ضامن ولا عارف هو هيعمل ايه ف بلاش احسن لانها ممكن ترفض وتضيع فرص وييجي بعدها يقولها ظروفي متحسنتش
وانا بفضل انه يتقدم رسمي ولو هي من نصيبه هيلاقي الموضوع متيسر وربنا هيهيأله الأسباب والله ولو مش من نصيبه يبقى ربنا اكيد شايله الأنسب والاحسن ليه ويبقى عمل اللي عليه علشان ميحسش بالندم بعد كدا 🤷‍♀️

Next

Language: English