الشغل ولا الجواز عشان محتاره خالص ؟!🤦‍♀️💔

💬️ Answer this question
بالنسبة لراجل الشغل الأول لأنه هيبقى مسؤول عن الأسرة و مطالب بالصرف عليها
أما بالنسبة لست فهى مش مطالبة بشغل و إن كانت تساعد الزوج فى المصاريف و المعيشة فتشكر على ذلك و تحمل فوق الرأس لأنه ليس دورها
مقارنه مش في محلها اصلا وحاجتين مينفعش يتحطو مع بعض في مقارنه ولو الشخص الي هتخطبله هيقارني بين الجواز والشغل يبقي ميلزمنيش خلي عندك كارير تتسندي عليه عشان جو ضل راجل تتسندي عليه دا مبيأكلش عيش👍
طب و إيه التعارض بينهم أصلا؟ ولكن على فرض الشغل هيتعارض مع الزواج، اتجوزى واقعدى فى بيتك أفضل ربى نشأ و أسرة نافعة مصلحة، ده دورك الأعظم
من رأي المتواضع المتواضع مرتين اهو 😅🙊 الشغل اولا .. مش لحاجة و جو فينينست و سترونج زفت و كدة لا 😅 .. بحكم اللي قابلنا عموما و كنا بنأجل حوار الشغل ده كان صعب ع اللي اضطر بعد كدة يبدا متأخر و يتعلم من جديد و يتعامل معامله حديثي التخرج على كبر ف حين ده كان ممكن يتعمل ف سن صغير و الواحد لسه عنده طاقه و نِفس و جو فرحة البدايات ده 😂✋ ف لا استغلي وقتك افضل اكتشفي مؤهلاتك و مواهبك حاولي تنميها .. حاولي يكون لك خبره ف مجال حيث يكون لك حرية الاختيار تركها على جنب لو مش محتاجاها دلوقت او ترجعي لها و لو بعد فتره بعد ما عملتي لنفسك فيها خبرة نوعا ما و اسم و قيمه ف سوق العمل او في سي ڤي ع الاقل يسندك فيما بعد برده .. لذا بسم الله الرحمن الرحيم .. الاجابة هي تونس 🤝😂🤣❤️

Next

Language: English