ممكن اعرف ليه الناس بترفض عدم رغبة البنت في الارتباط وعدم رغبتها في القرب من أي راجل لفترة مؤقتة بقي أو دايما ؟؟ليه الراجل لما بيبقي عايز بنت وهي مش عايزة ترتبط بيفضل يلف وراها وحواليها لدرجة الخنقة ؟؟

💬️ Answer this question
عشان احنا مجتمع متخلف-
- عشان بيشوفوا ان ده نوع من انواع التحدي و بيبقي كل همه ازاي يوقعها عشان يبقي بطل في عينه و عين اللي حواليه و في رجالة بيشوف ايه ده ازاي ترفضني انا لا مايصحش كده
خليها لفتره دائمة أريحلك يا بتي??
ممكن يكون فعلا معجب بيها وعاوزها وممكن انه يكون متعود انه مفيش حاجه بتستعصى عليه فبيفضل يلف حواليها لغاية ما يوصل لهدفه
إختصارا للتوهان ده
الممنوع مرغوب ف عشان كدا لما بتلاقي حاجه مش عارفه توصلها وهى مختلفة عن الباقى بتعافر وتوصلها واول ما توصل بتسيبها خلاص🐸✋
و الله السؤال دا بساله من فترة و مش لاقياله اجابة بس اعتقد عشان الولاد فاكرين انهم هم اللى المفروض يرفضوا لكن ميترفضوش
اللي بيرفض عدم رغبة البنت في الارتباط غالباً بيبقي انسان انتهازي لا يعتمد عليه، و البنت تلام في المقام الأول انها سمحت لرجالة غريبة تدخل حياتها، خليها تشيل بقي!
لا لو انتي عندك القرار دا متغيريهوش الا وقت مانتي تحبي تغيريه انما اللي يتكلم يتكلم واللي يلف يلف بردو المهم انتي عايزه ايه.
اعتقد ان الرجل الغلبان بيحب يلعب دور الصياد و يفضل يلف و يدور حوالين اللي فاكرها فريسة في حين ان اصلا لو هي عندها رغبة هتكون بتصطاده مش فريسة زي ما هو بهبله فاكر لكن لو رافضة هيفضل يلف ويدور لحد ما يمل و يشوف فريسة تانية
عموما اي رجل محترم و بيفهم في الشرع و الاخلاق لما تعجبه واحدة بيروح يصطادها من بيتهم وافقت كان بها موافقتش يا اخوانا الدنيا مبتقفش علي حد سيدنا النبي صلي الله عليه و سلم مات و الدنيا استمرت
واي بنت بتفهم في الادب و الاخلاق مش هتسمح باي علاقة ايا كان شكلها بره اطار رسمي شرعي خطبة ثم زواج
غير كدا نتايجه مش هتعجب يمكن تنجح مرة اتنين لكن النهاية بتبقي زفت علشاندا نسب الطلاق بقت تكاد تصل خمسين وستين في المية
مسمعناش عن كدا زمان و الناس كانت عايشة ومبسوطة لكن هنقول ايه الاجيال بقت شايفة الدين والتقاليد تخلف وبتخترع لنفسها منظومات بتثبت فشلها و يرجعوا يقولوا يا ريت
ناس غريبة فعلا والله ؛ اكن البنت دي كائن موجود لتحقيق اهداف الغير بس ..😑
بس احسن حاجه اللامبالاه معاهم وترك سير الامور زي ماهي .✌

Language: English