حياتى ملغبطه جدا بقالها فتره كبيره و بعيده عن ربنا و عن كل حاجه بحبها عايزه ابدا من جديد افتح صفحه جديده ف حياتى و تبقا بدايه لكل اللى جاى و ابنى شخصية صح قادره تكمل .ابدا منين!!و اعمل ايه ؟؟

💬️ Answer this question

Previous

صلي .. حتي لو مش منتظمه ومفيش خشوع واحاولى تنامى على وضوء هو اللى بيشجعك .. وقيام الليل يا سلام بقي لو بعد 1 بليل طفيتي النور يااااه على الراحه النفسيه وانتى بتصليه ..
الصلاه بتحل كل حاجه صدقيني ..
كمان قربي من اهلك والله هما السند بعد ربنا مش حد تانى ..
اما الحياه العمليه وكده .. خدي نفس عميق ورتبي اولوياتك وشوفي اللى الناقصك ومتحاوليش تضيعي طاقتك كلها قسميها على اليوم ..
هتحسي بفرق 😃🧡🍁
ابدأي بأنك تصلي ركعتين واتكلمي مع ربنا بكل بساطة وهو سبحانه عالم بيكِ وقولي اللهم ردّني إليك ردًا جميلا وبعد ما تخلصي قومي هاتي ورقة وقلم وشوفي بجد نفسك تعملي إيه بتحبيه وهيقوي من شخصيتك سواء بقا رياضة، برنامج، موهبة عندك أي حاجة بتخليكِ سعيدة المهم دا وترضي ربنا طبعا، ودايما قادرة أو مش قادرة اجعلي ورد ليكِ من القرآن يوميا ثابت مهما حصل لازم تقرأي ولو حتى يكون صفحة بس ❤️
صلي صلي التزمي بالصلاه حاولي مره واتنين وتلاته
حاولي تدخلي ف اكاديميه للعلوم الشرعيه اقرائي ف كذا مجال اسمعي بودكاست لحاجات دينيه وف اي مجال تاني
واستغفري كتير ودايما وحافظي ع الاذكار والورد بتاع القرآن كل يوم
حاولي تستمري عليهم هتحسي بفرق💕
هاتي ورقه وصفي بس فيها دماغك كلها عشان تشوفي مشاكلك قدام عينك وتعرفي ايه اكبر مشكله تبدأي تتخلصي منها الاول وبعدين ترتبيهم بقا كده وواحده واحده هتلاقي ان في حاجات لما هتشوفيها بعينك هتلاقي ان عقلك هو اللي مصورلك انها مشكله رغم انها ممكن تكون حاجه بسيطه يعني نتيجه بس ان هرمونات التوتر كلها ادكت فمخك مره واحده من المشاكل الكبيره الاساسيه فأهدي كده وبسيطه بجد إن شاء تتحل ..ولو حتي متحلتش بجد so what عادي كلنا بشر وبنغلط ونعك فحياتنا عك ربنا واحده اللي يعلم بيه فحاولي متسعيش بس للمثاليه كده واحترمي الدوافع الانسانيه الطبيعيه بتاعت البشر بلاش المجتمع يحط عليكي ضغط حاجات مثاليه معينه تشيلي حملها فالاخر محدش مهتم صدقيني
ابدائي بعلاقتك مع ربنا طبعًا لان هي الأساس ف كل اللي هتعمليه بعد كدا وربنا يصلحلك الحال ان شاء الله
أول حاجة تتوضي وتصلي الفجر تاني حاجة القرآن ونيس الروح تالت حاجة اتعلمي حاحة بجانب دراستك وطبقيها زي اللغة أو البرمجة أو لو عندك موهبة تنميها بس افضلي مع ربنا وعمرك ما هتوهي

Next

Language: English