اطور من نفسي ازاي

💬️ Answer this question
حط /ي هدف واضح لازم توصله اسمع فيديوهات لشخصيات ناجحه اقرأ كتب كتير القراءه يتغير السلوك تماماخصوصا لو شخص عصبي حاول تكون متميز في شغلك او دراستك بالتركيز وازاي تكون ناجح وتتعلم اسرع
ابعدي عن السوشيال و حورات الناس ركزي مع نفسك و حزنك صارحي نفسك وواجعي وجعك و تقبليه اشغلي نفسك باي حاجه ماديه بعيده عن الفون و الكلام الفاضي بتاع الناس خلي معاكي نوته حددي فيها حاجات اللي حباها أو اي فكره صغيره اكتبي
خلي عقلك واضح قدامك ف الورق اقراي قران و كتب ادرسي كورسات الافيد ليكي حددي اللي عايزاه و نفذيه فعليا و بلاش تقرري كل حاجه بدماغك بس لانك هتوهي و مش هتاخدي خطوه فعليه
التطوير له كذا جانب:
أهمهم الجانب الديني لأن هو دا النجاح الحقيقي
يليه التطوير في مهاراتك الشخصية(soft skills)
وحالياً من المهم تعلم مهارة زي الجرافيك والبرمجة وخلافه
وطبعاً تطوير لغة وتطوير في تخصصك لو مجال الشغل فيه واسع وفي نية للعمل فيه
واكتساب عادات تفيدك في حياتك زي القراءة وغيره
الفكرة كلها الوقوف ع بداية الطريق يعني مثلاً في منصات كتير جداً زي إدراك عليها كورسات بالهبل ومجانية وبيبقى الكورس مثلا ٤ ساعات مع نهاية أول كورس الإنسان بيتحمس أو بيحس إنه أنجز شيء وبقى ليه قيمة حتى ولو بسيطة ودا بيبقى دافع للإستمرار 💖
بصي كنت ف سيشن من فتره لو اطول امشي اقول للناس علي اللي استفدته مش هتاخر
اول حبي نفسك علشان ده اساس كل حاجه لو حبيتي نفسك هتحبي تطوريها وتنميها
تاني حاجه حاولي تحسني الانجلش عندك بكل الطرق الممكنه يعني مثلا اقراي كتب اطفال قصص انجلش يعني بس للاطفال
شوفي افلام ومسلسلات اجنبي كتير وحاولي بدل ما بتسمعي اغاني عربيه حوليها انجلش
وفي ابليكشن اسمه zamerican English تحفهه كورس انجلش شامل
شوفي بقي كورس icdl لانه بقي مهم جدا دلوقتي لاي حد
واقري كتب كتير ف كل المجالات ده هيحسن من اسلوبك ف الكلام
اعرفي انك افضل نسخه منك وانك لو عاوزة تبقي افضل ف دا عشان نفسك
- طوري لغتك لو هتفيدك في مجالك سواء كان عند طريق القراءة او الفيديوهات
- طوري نفسك في مجالك عن طريق الكورسات الي تفيدك في مجالك
- طوري نفسك من جوا وشوفي فيديوهات دينية ، واقرئي في السيرة النبوية لو امكن كمان ..
وربنا يوفقك ويكتبلك الخير 💙

Language: English