اديني سبب واحد يخلي بنت عندها ٢٩ سنة ترفض واحد كويس شكلا و مستقبلا واجتماعيا يعني إذا كان أنا تجاوزت موضوع سنها هي كمان اللى ترفض خليها تخلل أحسن

💬️ Answer this question

Previous

فيه مثل بيقول الكلب ف عين نفسه اسد ،، طب وانت سايب ليه الصغننه الكتكوته ورايح للي هتخلل ليه وبعدين لو انت تجاوزت موضوع سنها هي اكيد شافت حاجه او حست حاجه مش هتتجاوزها
مش عاجبها يمكن؟
وبعدين انت لو بتفكر فيها كده فأفضل ليها انها رفضتك..
لما بتخطب حد انت مش بتمن عليه أو بتستكتر نفسك عليه
انت بتكون رايح ونسبة يتقالك لا ٥٠ في المية فإيه المشكلة يعني؟
ولا هي علشان سنها ٢٩ ترضي بأي حاجه وتبقى ماتصدق وخلاص ؟
مش يمكن قعدت ل ٢٩ علشان مافيش ولا واحد عاجبها لحد دلوقتي؟😃
والله ان تفكيره انه كده هو عامل جميله فيها عشان سنها يبقى كويس انها رفضته ... وبعدين عرفت منين انك كويس مستقبلا شفت الغيب ...
لازم يكون عندك فقه ان زي ما انت حقك تقبل الناس وترفضها الناس من حقها تقبلك او ترفضك لان مش كل الناس بتعجبك فبالتالي انت مش هتعجب كل الناس ما ترفضك يا عم عادي ايه المشكله ده حقها وانت لازم تتقبل ده

+ 1 💬 message

read all

بغض النظر عن مدي صدق الكلام ده ولا هو مجرد كلام
بس كل إنسان وليه أسبابه
وانت لما تحكم علي انسانه بالشكل ده لمجرد انها كبرت شوية ولسه سينجل
فانت محتاج تعيد تفكيرك في الحياة وفي نفسك من تاني
😊😊
عادي مالكمش نصيب تكملوا حياة بعض كل واحد مكتوبله واحده ع اسمه بس مش معني كدا انك تقول انك تغاضيت عن السن ماهو انت محدش ضربك ع ايدك علشان تتقدم ف السن مش هيعمل مشكله مع أي شخص لو مش كنت متقبله من الاول مينفعش تاخد خطوه لانه هيبقا سبب من اسباب المشاكل بينكم لو حصل نصيب يعني ف أقل مشكله ممكن تعايرها بسنها

Next

Language: English