عندي اقتناع تام إن ۷۰٪ من أخلاق الشخص بتكون من تربيته لنفسه، مش تربية أهله ليه! أصل ياما ناس تعبت في تربية عيالها وفي الآخر هما اختاروا إنهم يبقوا ناس من غير أخلاق! فأيوة الإنسان هو اللي بيقوّم نفسه بنفسه.

💬️ Answer this question
لأ مش صح أوي ده تعميم مش دقيق
في ناس تعبت في تربية أبنائها بجد وحصدوا ثمار تعبهم في نموذج جميل زي نوعية الأشخاص اللي تشوفهم تدعي لوالديه لإنهم تعبوا فعلا في التربية
وفي ناس اتربت خطأ وفعلا ربنا أرشدهم بإنهم يقوّموا نفسهم لكنه دفع ضريبة التغيير :(
كدة كدة الطفل بتنتهي مرحلة تربيته عند ١٠ سنين بحد أقصي ونبتدي نشوف ثمار التربية بعد كدة فبيكون قدامنا ٣ احتمالات:
-واحد تعبوا أهله في تربيته
-واحد اتربى بطرق خاطئة وبعدين عدّل ده
-واحد اتربى بطرق خاطئة واستسلم ومحاولش يعدل نفسه
Liked by: M.ë.ñ.ñ.â 1995 Aida
لا بختلف مع الكلام ده ٩٩ ٪ من الي اهلهم محترمين ومربينهم كويس حتي لو مشوا في طريق عكس بيرجعوا لأساسهم تاني وبيغلب عليهم اصلهم عكس الي متعبوش في التربيه ولو وجهوا ولا تابعوا دي بتبقي الاساسات نفسها فيها خلل
ام الكلمتين دول بيحر،قولي اعصابي لأني مبشوفش فيهم غير اهل بيتنصلوا من مسئوليتهم و بيعلقوا شماعة تقصيرهم على:
( اصل انك لا تهدي الأحبة شوفوا حتى ابن سيدنا نوح و ابوه كاان نبي يعيني عليا يا ميلة بختي ف ولادي يعني انا عملتلهم كل حاجة و طفحت الد،م عشانهم اهيء اهيء )
مسم مسم تراني تأثرت لحظة ابكي
ياما ناس تعبت ف تربية عيالها و برده طلعوا ازاي مسم يعيني
ذيس ايز عبط ..
معايا ط،فل اعجنه و أشكله زي ما انا عايز اول مدخلات ليه و تكوين ف شخصيته بيبتدي من و هو في بطن امه يعني في البيئة اللي عايش فيها الوالدين ..
بيخرج من البطن يتشكل و يتخبز و يتعجن في البيئة دي على الاقل اول ٤ سنين كاملين من البيت فقط او اول ٤ سنين بنسبة ٨ من البيت و ٢ من الحضانة و الاقارب او غيره ..
بنسبة ٨ من ١٠ بيستقي التكوين الأساسي لشخصيته اووول ٤ سنين من البيت !!! ..
و يجي بعدها سنتين الحضانة + ٤ سنين ع الاقل من المدرسة يكون تأثير البيت ٦ و ٧ من ١٠ قدام ٣ او ٤ من الحضانة و المدرسة بالتدريج !!
و تيجي تقولي مسم الاهل مش هم اللي بيربوا ؟! كل واحد بيربي نفسه ؟!
هو ده حقيقي اننا اصلا مأمورين نربي نفسنا و الامتحان في اننا نربي نفسنا ..
مش نعتمد على هذا ما وجدنا عليه نفسنا و ابائنا ..
فرق بين انك تقولي ( ربي نفسك )
و بين انك تقولي
( علفكرة شخصيتك دي مش اللي اهلك مربيينك عليها انت اللي مربي نفسك متضحكش ع نفسك و تلبسها ف اهلك )
لا جيس وات هو فعلا الانسان بيكبر متربي على ايد اهله اللي اول من ادخل لعقل هذا الطفل المدخلات شهور الحمل + ٤ سنوات كاملين لوحدهم + ٦ سنوات المدخلات الاكبر منهم هم .. لحد ما يبتدي الطفل يقول لا انا كبرت و يبتدي يحب يحس باستقلاليته و هو بيعرف يتكلم و يتحرك و يقرر ..
النبتة على ما سقيتها من البداية مش من النص ..
و لو اصلا انت راعيتها صح فأي مدخلات غلط فالمدخلات الاساسية الصح هتعرف تتغلب ع المدخلات الغلط و متفسدش الأساس .. لكن لو الأساس مدخلات غلط و فاسدة و لا بقوة كافية تواجه المدخلات الغلط فطبيعي النبتة تفسد بسهولة ..
بلاش العبط بتاع تعليق الغلط ع شماعة ده .. ال ٧٠% هي تربية الاهل .. الانسان يا يفهم ان ال ٣٠% عليه و مطلوب منه بيها يجاهد نفسه و يغير نفسه ، يا يتجاهل و يقول و انا مالي محدش رباني حبوني زي ما انا مش مغير حاجة ، يا اصلا ميشغلش باله بحاجة و انا زي الفل

View more

+ 4 💬 messages

read all

المبادئ من الأم ...المواقف والجدعنه و الصفات الرجولية من الأب التصرف يعني....بيهذب نفسه باللي اتزرع جواه و الهداية بتاع ربنا

Next

Language: English