عندي اقتناع تام إن ۷۰٪ من أخلاق الشخص بتكون من تربيته لنفسه، مش تربية أهله ليه! أصل ياما ناس تعبت في تربية عيالها وفي الآخر هما اختاروا إنهم يبقوا ناس من غير أخلاق! فأيوة الإنسان هو اللي بيقوّم نفسه بنفسه.

💬️ Answer this question

Previous

اعتقد العكس ٧٠% تربيه الاهل وال٣٠% هما من الطفل يعنى لو الاهل معرفونيش الصح من الغلط من صغرى هعرفه منين!
الا ف بعض الاوقات الشخص بيلجأ انه يغير من تربيه اهله علشان يعرف يتعايش مع المجتمع بس مش اكتر😂😂😂
مفيش حد بيختار إنه يبقى من غير أخلاق
حسب الظروف اللي بيمرّ بيها وحسب الناس اللي بيقابلهم في حياته بيأثّروا فيه غصب عنه
وبرضو حسب تربية أهله ليه
ممكن يكون ظاهرياً انت شايف إن أهله ربّوه إنه يبقى إنسان مستقيم
بس عشان يوصلوه للمرحلة دي خلّوا عنده عقد نفسية وحاجات ممكن ماتكونش ظاهرة ليك ساهمت بعد كده مع ظروف معينة إنه يتغير للأسوأ
الطفل المشرّد اللي هيتحوّل بعد كده لحرامي بنسبة كبيرة ده صعب يكون حاجة غير كده
اللي لقى أبوه بيبيع حشيش أو بيسرق بنسبة كبيرة هيبقى زيّه
كتير من الدكاترة والمهندسين ولادهم بيدخلوا نفس الكليات
والأمثلة كتيرة
مش معنى كده إني بقول إن الدكاترة والمهندسين كلهم محترمين
بس مقارنة بالنماذج اللي قلتها في الأول هتلاقي فيه فرق كبير في تهيئة البيئة للشخص عشان يكون إنسان كويس أو وحش
وعلى رأي الشاعر
ومن كان في جُحر الأفاعي ناشئاً غلبت عليه طبائع الثُعبانِ
في الآخر هتلاقي مفيش تساوي بين البشر في النقطة المبدئية اللي كلهم بينطلقوا منها
فمن الحمق إنك تقيّم النتايج بنفس الطريقة مع اختلاف البداية لكل منهم والظروف اللي مرّوا بيها
عايز الميزان بتاعك يكون عادل حُطّ نفس الناس في ظروف متساوية تماماً وشوف النتيجة
أنا بقوّلك كل الناس ساعتها هتوصل لنفس النتيجة تماماً بدون أي اختلافات أو باختلافات بسيطة جداً لا تكاد تُذكر

View more

هو صح طبعا الانسان بيقوم نفسه لكن النسبه مش عادله خالص
يعني تربيه الاهل والمجتمع بتمثل ٨٠٪
وهو تطويره وتعديله لنفسه ٢٠٪
عندك حق بنسبة كبيرة لكن هو الانسان عمره مقسوم مرحلتين مرحلة الاهل بيأسسوه فيها ومرحلة هو بيتحمل مسئولية تقويم نفسه والمرحلتين عليهم عامل مشترك

Next

Language: English