"لكنِّي أفقِدُ جُلَيبيبًا"
كلمة النبيﷺ اللي قالها بعد غزوة من الغزوات
👈تعرف مين هو جُليبيب؟؟!!
جُليبيب ده واحد من الصحابة كان فقير وفي ميزان البشر شكله مش جميل
لكن عند النبيﷺ كان ميزانه غالي فالنبيﷺ اتوسطله عشان يتجوز وبعدها خرج للجها*د
خلصت الغزوة وكل واحد بيدور فقد مين من حبايبه والنبيﷺ يسألهم لسه حد تاني مفتقدينه؟؟!!
الصحابة قالوا: لا
وهنا كان رد حبيبكﷺ :"لكني أفقد جُليبيبًا"
وساعتها دوروا عليه ولقوه استشهد في الغزوة دي وفضل حبيبكﷺ يقول :"هذا مني وأنا منه" ويكررها وبعدها شاله بنفسه على دراعه ودفنهﷺ
بس موقف النبيﷺ ده علمنا حاجات كتيييير :
- علمنا إننا مانحكمش على الناس بمظهرهم بالعكس نحب اللي مليان خير أيا كان شكله وفلوسه
- علمنا نتفقد بعض ونسأل ع بعض زي ماالنبيﷺ وهو شايل هم أمة كاملة كان بيتفقد أصحابه
👈والأكتر من كل ده خلانا نقف على سؤال مهم جدااااا..
ياترى أنا أستاهل إن النبيﷺ يتفقدني؟؟!!
هو ممكن يتفقدني ﷺ على الحوض؟؟!!
وعشان نفسي في اللحظة دي هطبق أي حاجة أعرفها من سنته وهعرفها لكل الناس وهصلي عليه كتيييير أووووي وهدعي بلقائه على الحوض في كل وقت🤲
View more