أجمل شيء حدث لك هذه السنة..؟

💬️ Answer this question
حاولت حاولت اتذكر شو أجمل شي حدث الي بهاي السنة .. ( حابة أسولف و لا كان ما بجاوب ).. 😂
طبعاََ بعد ما تصفحت الصور و هيك.. تذكرت شو أجمل الأشياء اللي عشتها هاي السنة.. :

قبل يوم عيدميلادي.. كان في حفلة تخريج في الحارة و حضرتها.. و كنت منسجمة بالحفلة و عالساعة ١٢ بالليل حطو اغنية happy birthday ل الي... تخيل كل اللي بالحفلة كان بغنيلي.. و صرت ارقص مع كل حدا في الحفلة خاصة مع أمي.. ( حسيت حالي انا الخرّيجة بالحفلة) 😂 هذيك اللحظة دمّعت فيها من الفرحة.. و جابولي صحن كنافة عليها شمعة برضو 😂
كل ما اتطلع عالفيديو تاع الحفلة برجع ابكي من جديد.. مش عارفة ليش.. بس جد هذيك اللحظات من احلا اللحظات بحياتي ❤️❤️❤️❤️❤️❤️
أمّا عن يوم عيدميلادي..
أهلي ما عملولي حفلة و كذا أجواء كنا معزومين أذكر.. + باعتبار اني كبرت ع هاي المواضيع 🙂 و بنات خالاتي كانو بدهم يعملو لي بس اهلي حلَفو ما يعملولي.. .. و انا صيّحت لأنهم ما عملولي.. صيّحتي ؟ آه صيّحت و ضليتني زعلانة كمان - بحب أجواء عيد الميلاد كثيررر بحسّ فيها جد الواحد كبر سنة 😅😂 لسا زعلانة برضو.. رغم جابولي هدية و هيك َ.. بس خلص الكيكة بحسّ جوها غير 😂😂😂😂
ما علينا.. المهم... بعد أسبوعين تقريباََ .. نسيت زعلي و الموضوع كلو 😂
بنات خالاتي عملو جمعة .. ورحنا و قعدنا و تقريباََ برضو ع الساعة ١٢ .. شغلو اغنية happy birthday.. انا ما كنت بعرف لمين الاغنية.. فلما شغلوها صرت اغني معهم ( اللي علينا علينا 😂) و اتطلع حوالي مين اللي عيد ميلادها اليوم 😅😂😂😂😂😂
ل حد ما جابو الكيكة و يطلع عليها اسمي ❤️😭🥺🥺
جد جد انصدمت و صرت ابكي 😭😂😂
و صوروني فيديو.. تحشيش كل ما اتطلع عليه كيف انا مصدومة 😂😂
بحب بنات خالاتي كثيرر ❤️❤️❤️🥺
هاذ بارت ١ من الإجابة.. اذا عجبكم أرسل الرقم ٧ للتكملة 😂😂

View more

Liked by: Αℓi Τωαissi

Language: English