@daniamahlees9

Dania Mahlees

فهمت الأن معنى الانتظار💔~_'

#إلّي بشربوا قهوة'َه و هم عارفين انها رح تسهرهم ، إلّي بلبسوا خفيف وعارفين انهم رح يبردوا ، إلّي بصرفوا كثير وهم مفلسين ، بسهروا وعندهم مشاوير بكير ، بصحوا متأخرين و عندهم مواعيد ..
و إلي بعلّوا الأغاني عالآخر بالسماعات بدون ما يفكروا بالنتائج،
الّي بحتاجوا حدا وبنفس الوقت ببعدوا عنه، الّي بزعلوا وبتضايقوا بدون ما يعلنوا عن السبب ، بحكوا يلي ببالهم بعدين بنتبهوا للي حكوه ، بحكوا عن حالهم أشياء مو لازم حدا يعرفها ، بفرجوا صورهم الهبلة من غير إحراج ...
إلّي بغنوا مع أغنية عجبتهم وين ما كانوا ، الّي تاركين حالهم للحياه مع إنه الحياه مش تاركتهم ..
إلي بحبوا حدا من غير ما يهتموا اذا حَبّهم هالحدا أو لأ .. و بقي حبهم اله موجود ..
^هدووول ... بكونوا وصلوا من غير ما يحسّوا لمرحلة من الحكمة بتخليهم فاهمين إنّه أهم شي بالحياة إنهم يعيشوها قد ما بقدروا،.
بعملوا كل يلي بعرفوه وبقدروله بدون ما تهمهم النتيجة ..
بفهموا إنّه الخروج عن المألوف شي عظيم وممتع ،
بعملوا هيك بعد مراحل وجع مروا فيها كتير واندعكوا فيها واستنفذتهم تمامًا من كل القوة إلّي جواتهم .. بعيشوا لمزاجهم وبمزاجهم .
- شخصية مو سهل أيّ حدا يوصلها ...
" سلامٌ لهم ، سلام لي ولأشباهي الذين لا أعرفهم "
تصبحون على خير تصبحون على أحلام محققة بإذن الله 💕✨

What others replied to:

فهمت الأن معنى الانتظار💔~_'

show all (12)

Language: English