Ask @dassale:

Space - 👸

روان
دايما اتعودت أهرُب..
من علاقات فاشلة، من حلم مو راضي يتحقق، حتّى من نقاشات بتتمحور حول مستقبلي يلي مو عارِف وين رايح فيه، بهرب...
كُنت دايما اضطر أتعامل مع أشخاص ما بحبهم، لإني بهرب من مواجهتهم بعيوبهم، واضطّر أتعامل مع أشخاص منافقين، لإنو بهرب من مواجهتهم بحقيقتهم!
لحد ما لقيت حالي جوا دوامة كبيرة من الشخصيات الضعيفة، والشخصيات المزيفة، يلي مصدقين حالهم ومفكرين إنهم شخصيات نادرة.
لحد ما بلّش كلشي يجي عكرامتي وعلى نظرتي لهاد العالم..
فقرّرت أواجِه شي واحد لحتى أقدر أواجه كل هالاشياء يلي حولي، شي لو هزمتو حعرف بعد هيك أتعامل مع كلشي بحياتي بقيمتو الحقيقية وبدون خوف.
قررّت أواجه حالي🖤..

View more

Next