ياريت طريقة كويسة أنصح بيها صاحبتي متكلمش حد معين لغاية ما يجي رسمي مع العلم إني نصحتها أكتر من مرة دونت سكيب بليز 🤍🤦
عرفيها بهدوء ان كده حرام وربنا مش هيبارك في حاجه بدايتها غلط، ربنا يهديهم
عرفيها الحكم الشرعي للعلاقه اللي هيا فيها
عرفيها انه حرام
طيب جميل بارك الله فيك، بما إنها صاحبتك فما لكيش سلطان عليها أنت مش باباها ولا زوجها ولا أي حد من اللي لهم ولاية عليها، بالتالي محتاجة تحتكمي لسطلة أعلى منكم أنتم الاتنين علشان يكون أدعى لقبول النصح إن الأمر والنهي من جهة عليا، السلطة دي هي الدين ده اللي بيحكمنا كلنا، وتعرفيها إن ده نوع من الخلوة المحرمة شرعا.
مع التأكيد عليها إن كتير من الشباب هم عبارة عن ذئاب بشرية حينتهك برائتها وعذرية مشاعرها ويسيبها بقايا إنسان لشخص تاني جاي بالحلال (طبعا لو لا قدر الله ده حصل ممكن يتعالج بس ليه ما نقي نفسنا من الأول)،
وكون الحد المعين ده شخص طيب جدا وكيوت ومختلف عن باقي الشباب وبيحبها ويعشقها ومستعد يضحى بنفسه علشانه، كل ده لا يخرجه من كونه إنسان عادي ممكن يمل ويتغير أو حتى لو هو صادق في وعده إنه حيتقدم ممكن تحصله عوائق تمنعه 🤷
على إن حبه لها مشكوك فيه، هو اللي بيحب حيأذي حبيبه بالذنوب والمعاصي ليه؟!
(ملحوظة: كون كتير من الشباب ذئاب بشرية،
لا يعني ملائكية الفتيات الفكرة إن ده مش موضوعنا دلوقتي 😁)View more
حاولت قبل كدة مع واحدة صحبتي خصوصا اني متأكدة أن الشخص دي مش كويس بس فشلت صراحة 💔
فانا مش احسن حد يرد عليكي
لا هي مهزقه فمتحاوليش
خليها تقرب من ربنا وتصلي كتير، ان الصلاة تنهى عن الفحشاء والمنكر ، وحاولي تشغلي وقتها باعمال كويسة وبالجلوس مع اسرتها لان الفراغ والجلوس بمفردها سيكون اكبر دافع لانتكاسها
عمرها ما هتقتنع غير لما تتخزوق 😂😂
قوليها تختبره وتقوله متقدملي عريس
مدام نصحتيها و مش متقبله خلاص سبيها تجرب و تتخزوق عشان تتعلم بنفسها انتي كصاحبه عملتي واجبك و ال عليكي و نصحتيها
وانتي مالك اصلا ماخليكي فحالك 😡
