Ask @dinahossam454:

مقطع من اغنيه

بعد ايه ندمان ي قلبي راجع تقول بتحبها وليه قدرنا زمان في يوم نقسي
عليه ولا هو عشان نسينا وراح خلاص مبقاش
في ايدينا حسينا معني قيمته في حياتنا وأشتقنا لي واقول يارتني . 💔

شخص 👥 كسر قلبك 💔 وجاتلك فرصه لتكسر قلبه هل تكسره؟💔 yes ✔ No ❌. ممنوع الكذب👌

⁦♠️⁩Eng.Adam⁦⁦⁦⁦♣️⁩nem⁦o♠️
لاء مستحيل اكسر قلبه عشان انا حسيت بكسره قلب ووجع وتعب ف اكيد هو مش هيقدر يستحملهاا في اكيد كل واحد لي يوم وانا ساعتهاا مش هيهون علياا اكسره هسيبه ليومه لان كـما تدين تدان بس ساعتهاا هيعرف كويس معناهاا 💔🙂

View more

✏ .. 📝 .. 📸 ..))

Hagar M . Elkhatib
_بتعيطي ليه
=مصروفي ضاع مني ياكريم
_ بطلي عياط .. خودي مصروفي كله
=بجد
_بجد
"ضحكت .. ومن يومها كريم مابيبطلش يرسم الابتسامه علي وشي"
=كريم .. ماما عملتلي كاب كيك طعمه حلو اوي وقولتلها تعملك معايا خود دوق
_مممم طعمه حلو اوي ي هدير
= خودي صحيح جبتلك معايا سندوتش مربي بالقشطه عارفك بتحبيها
_عارف ي كريم .. انا بحبك أكتر من المربي بالقشطه والجيلي كولا وقناة ميكي
=وانتي عندي مهمه أكتر من ماتش الكوره مع مصطفي صاحبي
"كريم كان بيذاكري حساب عشان مبحبش الأرقام وبيفهمني أكتر من المستر "
_هو انتي كل شويه تعيطي
=معملتش الواجب والمس هتضربني
_طب هاتي وانا اعملهولك بس بسرعه قبل الجرس مايضرب
=اي ده دا الجرس ضرب ي كريم
_خلاص خودي كتابي بسرعه
=المس بتضرب جامد وبتزعق
_مش مهم .. انا هستحمل ... المهم انتي بطلي عياط ..
"كريم انضرب بدالي عصايتين علي ضهر ايديه والمس قالت عليه مهمل ، ولكنه معيطش عشان هو راجل وقوي وبيستحمل ، بس انا عيطت حسيت المس ضربتني انا ومن يومها بقيت بهتم بالواجب علشان كريم يبطل ينضرب مكاني"
_كريم بطل تلعب مع رضوي دي
=ليه .. كلنا بنلعب سوا تعالي
_لا .. بتقعد تبصلك طول الحصه وبكون عايزه اغمضلها عيونها دي بالعافيه عشان تبطل تبصلك
=بس هي جميله وشعرها جميل وكمان بحب ألعب معاها
_طب خاصم
"تاني يوم جيت مسرحه شعري بطريقه حلوه وحاطه طوق ابيض وعديت ع الديسك بتاع كريم من غير ما اكلمه لاني لسه زعلانه منه بس هو مكلمنيش ولا قالي اي رأيه ف طوق الورد ، ازاي ميقوليش رأيه دا انا حطاه علشانه"
_كريم اي رأيك ف شعري
=حلو طوق الورد بتاعك اوي ، وشعرك اجمل من شعر رضوي ومش هلعب تاني معاها . هلعب معاكي انتي بس
"ساعتها بصيت لرضوي وطلعتلها لساني .. ماهو اصل كريم صاحبي انا بس و ميخصش حد غيري "
_ماما انا بحب كريم وعايزه اتجوزه
= ههههههه انتي عندك 10 سنين وعايزه تتجوزي
_اومال استني لما رضوي تخطفه
=رضوي تخطفه .. انتي مالك ي بنت بتتكلمي كدا
_سوري ي مامي
=وبعدين هو الولد هو اللي مفروض يبقي عايز يتجوزك
_شوفي كريم راجل مش ولد ثانيا هو بيحبني بس هو بيتكسف
=وانتي اي .. انا معرفتش اربيكي ..
_هتجوزيهولي ولا انتحر
=جاتها نيله اللي عايزه خلف
"كريم غاب م المدرسه انهارده .. اليوم كئيب و وحش .. والولاد بيدايقوني .. والله لشتكيهم لكريم .. بس هو ياتري غايب ليه !"
_ألو ي طنط انا هدير صاحبة كريم ف المدرسه
=اهلا ي هدوره دا كريم مبيبطلش كلام عنك
_بجد .. ق .. قصدي هو ليه كريم مجاش انهارده
=اصله تعبان شويه
"سيبت التليفون وقعدت اعيط لماما نروح نشوفه ف البيت .. ماما اخدت العنوان من طنط وروحنا زورناهم "
_ازاي يعني تتعب وماتقوليش
=تعبت الصبح
=مروان وطارق وعلي دايقوني وخوفوني وكانوا عايزين يلعبوا معايا بالعافيه بس انا قولتلهم هقول لكريم خافوا
_متخافيش تاني وانا موجود
=بس انت مكنتش موجود وانا بخاف لما تغيب
_وانا مش هغيب تاني عشان تبطلي تخاف
=كون كويس عشاني بئا
"من يومها كريم مغابش .. فضل موجود .. وفضل عند وعده .. وانهارده بقا حفلة التخرج بتاعتنا من نفس الكليه "
_تتجوزيني ياهدير
=علي اساس فيه احتمال تتجوز غيري اصلا

View more

Next