Ask @doaaayman5:

ايه اكتر مادة هبدت ف امتحانها ؟؟!

كان عندي امتحانين الات وتركيبات وقعدت طول الليل احفظ الات عشان مادة تقيلة شوية ، وبعدين حفظت جزء كبير من التركيبات وحاجات مهمة فيها ممكن تيجي في الامتحان ، يقوم اي بقا اللي بيحط الامتحان يسيب كل اللي انا حفظته ويجيب من الحته اللي محفظتهاش ، وحظي اللجنة تيجي صعبة اعوذو بالله وانا اصلا لا بعرف اغش ولا اتنيل 😂 قعدت اكتب بقا اي بتنجان وخلاص علي الكام سؤال اللي اجو من اللي انا حفظاه والحمدلله الدرجة جات زي الزفت بس المهم اني عديت ودي حاجة مكنتش متوقعاها 😂😂

View more

شخص تخاف عليه من نسمة الهواء؟

امي ، لما بتكح بس بحس قلبي بيتخلع ، لما بتتعب الدنيا كلها بتسود فـ وشي وبحس نفسي تايهه من غيرها ومابقدرش ابعد عنها ابداً ، انا شديدة التعلق بأمي جداً فوق ما اي حد يتخيل ، انا بحبها جداً جداً من كل قلبي ومش عارفة اتخيل حياتي من غيرها في يوم ابداً عشان كدا بتمني من كل قلبي ربنا يديها الصحة ويطولنا في عمرها ومايورنيش فيها اي حاجة وحشة ابداً ويجعل يومي قبل يومها لاني ماطقش العيشة يوم من غيرها ابداً 🙏❤

View more

لو حبيت شخص ومحصلش نصيب ورجع الشخص دا يظهر قدامي تاني وانا كنت بحاول انسي وكل ما باجي انسي باحس ان في امل تاتي بيتجدد؟ انا محتارة اوي ومبقتش عارفة انا بحبه ولا لأ وقلبي موجوع اوي

انك تسالي انا بحبه ولا لا فمعني كدا انك محبتيش م الاول اصلا ، لانك لو حبيتي فعلاً هتبقي متاكدة من دا مش شاكة ، لو عايزة تنسي بجد حاولي بكل اللي تقدري عليه واول حاجة انك متحطيش الموضوع ف دماغك لانك هتبداي تفكري فيه اكتر واكتر ، اشغلي نفسك بحاجة اتعلمي حاجة جديدة تنفعي بيها نفسك مثلاً وجهي كل تركيزك لحاجة معينة عشان متفكريش فيه ابداً ، لو شوفتيه في اي مكان اوعي اوعي تبصيله نهائي حتي لو بطرف عينك اوعي واتجاهليه تماماً كانه مش موجود ، حته ان فيه امل بيتجدد دي انتي كدا بتعشمي نفسك ع الفاضي ، انتي مش عايزة تتقبلي فكرة ان خلاص كدا ، انتهت لحد كدا ، ف بتعشمي نفسك انك لسا فيه امل مع ان دا مش حقيقي لان لو فيه كان الموضوع كمل لكن طلاما مكملش يبقي مش خير ليكي وكان لازم ينتهي لحد كدا ، ف بلاش تعشمي نفسك بحاجة عشان هيطلع ف الاخر كل دا من خيالك انتي وهتتعبي اكتر ، فـ حاولي تنسي الموضوع وتكملي كأن محصلش حاجة انا عارفة ان الموضوع صعب وصعب جداً وهياخد وقت بس حاولي بكل اللي تقدري عليه ومتعشميش نفسك ، وربنا يقدم اللي فيه الخير ويوفقك ❤

View more

Next