Ask @doctora3:

انا ف هندسة وكنت مجتهد قبل الكلية جدا ، دلوقتي باخد السنة في سنتين وتلاته ومعنديش اي طاقة او مش عارف ارجع متفوق زي الاول ونفسي اسيب الكلية رغم اني مش عايز اسيبها بس عايز اسيبها عشان زهقت منها وعشان الشعور بالضعف والهزيمة واني اتكسرت اتغلب عليا اوي ومبقتش قادر اقف ع رجلي تاني نفسي اموت ولولا الانتحار

من امتى الاحساس ده؟
وهل مواد الكليه صعبه؟
البيئه فى بيتك بتهيئلك جو للمذاكره ولا لا؟
مريت بتجارب عاطفيه فاشله؟
اصدقاءك عاملين ايه دراسيا
بتعمل ايه عالنت؟

View more

لو واحد واقف لوحدو ف الطريق وفيه بنتين واقفين واحده عامله تبوص عليه ولما يجي يبوص عليها تودي وشها النحيه التانيه او تعمل اكانها مكنتش بتبوص دي يبقاء اي بقاء علشان مش فاهم معلشي #شكرا ي دكتور

متركزش ياعمنا

View more

طيب هظهر الاسم بس نتكلم اسئلة من غير ما حضرتك تجاوبى الاسئلة

^^ اكد
بس حضرتك قول مشكلتك فى اول سؤال علشان افتكر

View more

انا بحب اصحابى اووى بس مش قادرة اكون احتماعية نفسي يكون ليا صاحبة قريبة منى فى كل حاجة بس للاسف مفيش aaaaaa000aaaaaa

وهل انتى صديقه مقربه ولا عايزه الاصدقاء يقربوا منك بدون متقربى انتى
قدمى الل يحبوه منك وهما هقدموا الل تحبيه منهم

View more

ف مرة امي غضبت عليا ونمت حلمت بعفريتة طلعتلي ف المرايا واما لمستها اتحرقت منه،صحيت م النوم جسمي سخن جدا،ومن ساعتها وانا حاسه ان فيه حاجة ف دماغي مش طبيعيه حتى الصلاة مابقتش اهتم بيها،بقالي تلات شهور على كدا، وامبارح حلمت تاني بشياطين بس المرادي شياطين بجد بتسحبني تحت السرير صحيت وعيطت جامد! اتمسيت؟!

شياطين بجد وبتسحبك!!!
مش تخصصى ^^
ممكن تزورى او تكلمى شيخ ازهرى ^^
عالم ازهرى ادق

View more

صحبتى بتكراش على اللى بحبهم كل شويه. مش عارفه اخليها تركز فى اللى هى تحبه مش من اللى بحبهم. هو فيه مرض للناس اللى بيحبه اللى فى ايد غيرهم. انا ممكن اساعدها. بس مابقتش احكسلها حاجه عشان بتبقى عايزه اللى فى ايدى. هو دا حسد. ولا دا حاجه بيحسوها عشان الفراغ العاطفى. ابعد عنها طيب؟

لو هتئذيكى ابعدى عنها
انما لو بتكراش على ناس ملهومش صله بيكى خليها تكراش ياستى
فراغ عاطفى ايون وبيكونوا نفسهم يعيشوا السعاده الل غيرهم عايشينها
غيره

View more

ارتبطت بواحده وكنت عايزها وفضلت مستني معاها للاخر ومستحمل حجات كتير ومش عايز اخسرها لدرجة انها قالت انا هبعد عنك ومش عايزه اي كلام لحد ما ربنا يكرمنا ويسهل 😅 وفجاه بدون اي مقدمات لقيتها بتقرلط انا مبقيتش عايزاك ولا لما ربنا يكرمنا ولا غيرو مش عايزه اتعلق بحد واعلقه بيا وقالتلي متستناش ارجع ولا تفكر

هى مش عايزه تربط نفسها بحد وتفوت عليها فرص حياه افضل
هى اختارت حياتها انتى موقف حياتك ليه

View more

حاسه انى لوحدى وقطعت علاقتى بكل الى حواليا لانهم دايما بياذونى نفسى اشافر واعرف ناس جديده

طب متسافرى
اخرجى من الدايره الضيقه الل انتى عايشه فيها

View more

دكتور انا تعبانة نفسيا لاقصى درجة ممكنة بحس انى باذى نفسى من كتر ما بفكر ان كل الناس احسن منى ومفيش ثقة فى النفس خالص نفسى اتخلص من الاحساس ده اتخنقت منه جدا

احكى معايا برايفت او عالفيس
عاوزه اعرف الاسباب ايه

View more

انا مدمره نفسيا بجد مش قادره الفتره بقيت بعيده عن اهلي وعن صحابي صحابي هما السبب دول معايا من ١ ابتدائي دي اول سنه معاملتهم اتغيرت معايا بقوا يتريقوا عليا قدام بقيت الناس 💔بقيت بحس اني لازم ابعد عن كل الناس

بسبب ايه حصل منك ايه
كلمينى عالفيس

View more

عندي وسواس نظافه بشكل اني بغسل ايدى لحد ما تبيض اوي، و بقالها فتره معايا، ازاي اقدر اتخلص منها نهائىا؟ الادوية هتجيب حل زي ما بيقولوا ولا اعمل ايه عشان تعبت

ليها حل تدريجى وبدون ادويه
بتغسليها فى اول كام يوم عدد مرات اقل من العدد الل يشبع مشكلتك وكل مره بتقللى لغاية ماييجى وقت تتحدى المشكله وتغسليها مره مهما كانت المشكله

View more

د. انافي 6طب حاسة اني ع طول مخنوقة ومش مبسوطة رغم اني شخص social جداً وبهزر مع اصحابي كتير وباخرج وباطلع رحلات وباصلي مش عارفة الخلل فين؟؟؟ حتي الكلية انا بحبها جداً ما بقيتش عايزة اروح ولا اذاكر وحتي لما باعمل كده بابقي مضايقةبرده مش عارفة اعمل ايه انا خايفة يكون depression ؟؟

من امتى وبدء تزامناا مع ايه

View more

هي البنت اللي تخرج او تعمل حاجة من ورا اهلها تبقي قليلة الادب؟ حتي لو مكانتش بتعمل حاجة غلط. بس هي عارفة ان اهلها هيرفضوها

واهلها هيرفضوا حاجه مش غلط ليه الا لو كان ليهم نظره ابعد عنك؟

View more

جربت بيكسر لعبه وكل حاجة ومش بيهدا

اهمليه وقت ميكون متعصب وعامليه كأنه مش موجود يعنى ممكن تكلمى زوجك وتضحكى حتى لو كسر

View more

ممكن ارتبط فى خلال فترة ليست بالبعيدة ولكن طموحى فالارتباط يفوق مستواى التعليمى والمادى لذلك لازم يتأجل لحد ما أولا أستقر نفسيا على طموحى واقدر احقق ذاتى ويتاح أمامى مستويات مختلفة للارتباط

ارتبط علشان تجدد ططاقاتك
فى الفتره دى ممكن تعمل حاجه بعد شغلك بتحبها
ممكن تفكر فةى حاجه النت او ده بتتعمل بتحبها وتعملها

View more

ع فكره والله مبغيرش منهم خالص وبتمنالهم من قلبى الخير بس انا مفتقده الحب اووى ونفسى اتحب اووى

كلمينى عالفيس

View more

بصي انا مابقاش عندي امل في حاجه عشان كنت بحب واحد وهو جرحني ومابقاش عندي ثقه في نفسي و بقالي سنه ع وضع ده مش عارفه اخرج منه 😢😢😢

برايفت او الفيس ^^

View more

دكتور فيا حاجه غريبه بعملها بكل تلقائيه اني لو عديت قدام مرتين في بيتنا اقف اتكلم قدامها قي اي حاجه و اختلق مواقف واقف اناقش و مبفوقش لنفسي ولا بحس بنفسي وانا بعمل كدا لدرجه ان في مره ماما معديه من قدام الحمام لقيتني واقفه بكلم المرايه و اتخضت و افتكرتني ملبوسه حتي لو ساعات بتكلم بهمس ساعديني

حاربى نفسك متعمليهاش وبالتعود هتنسيها
جربى تحكى لزميله او صديق

View more

لا مز ولا بتاع 😂 ده اكبر مني ببتاع ٦ ٧ سنين معيد مش طالب الأغرب محدش بيطيقه في دفعتي الا عدد قليل من الناس اللي ميتعدوش ف مش عارفة العيب فيا ولا ايه الصراحة 😂😂 تفتكري في مرض ان الانسان يعجب بشخصيات غريبة غير محبوبة من ناس كتير ؟ 🤔🤔😂

طالما المعيد يبقى الف الف مبروك ههههههههههه
طبيعى جدا وده اعجاب بيه بزياده

View more

Next