نفسي البس النقاب جدا بس عندي تخوفات كتيرة منها اني معنديش اي صاحبة منتقبة تشجعني
وحاسة ان اللبس الحلو كله مش هقدر البسه تاني والملون (لأني مبحبش النقاب الملون)
وخايفة من مشوار الجامعة والارهاق اللي هلاقيه
نفسي حد يقولي اعمل ايه بجد هتفرق معايا رسالتك
الا ان سلعة الله غالية ♥
تفتكري لو الجنه كانت بالسهوله دي كان الكل هيدخلها
ولا تفتكري اننا لازم نقدم كل حاجه نقدر ومانقدرش عليها ونحط كل حاجه بنحبها تحت رجلينا عشان خاطر عيونا ع الجنة ♥
لو حاسه انك مش حتقدرى بلاش
خاصه انه مش فرض
استخيري ربنا
واتوكلي علي الله
يا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ
.....
محتاجه ايه اكتر من انك تتشبهٍ بهم 💙
الصحابه عامل مهم جدا اختار لنفسك صاحبه صالحه لأن الصاحب ساحب ده حقيقه
....
فكره الارهقان والجامعه وكده ده وسوسه شيطان مش هيحب ليكي الخير طبعا
...
متسمعيش كلام يحبطك اسمعي لشيوخ اسمعي قصص دينيه اسمعي السيره اشجعي بدينك 💙
ربنا يوفقك ويهديكي
لو عندك شك 1٪ انك ممكن تقلعيه اصبري لما يكون عندك إيمان تام بيه
ربنا يقربك منه ويهدينا أجمعين
ربنا يكرمكِ وتلبسبه وانا كمان البسوا، اولا التفكير ده وسواس الشيطان انه م هقدر استحمل اقعد فتره طويل والحر والالوان والخ..، بيخليكي تترجعي عن الموضوع، استعين بالله ودوري علي صحبة صالحه تشجعك، وبعدين افتكري ان كل ده هتاخدي عليه اجر، واستودعي عند ربنا فاكري في الاخره، وان ربنا هيجزيكي خير عشان اسنحملت التقاب في عز الحر والبهدلة بتاعت الموصلات وكده.
انا لبست النقاب ومكنش في اي حد ف العيلة منتقبة بالعكس كانوا بيهاجموني إلا القليل منهم
والبسي براحتك بس ميكونش ملفت وانتي نفسك لما تلبسي النقاب هيربيكي هتلاقيه بيقولك لأ ده متلبسيهوش وده متعمليهوش هتلاقيه بيقومك بجد
وإن كان ع الإرهاق والتعب والحر هتلاقي ربنا بيعينك جدا انا عن نفسي لبسته ف عز الصيف واللهم لك الحمد بقالي تسع سنين اهو وداخله ع ١٠ سنين أهو ❤️
استعيني بالله وتوكلي عليه وطالما عايزة ترضيه هيعينك ويقويكي 🌺
الشيطان مصورلك كل ده ي حبيبي، فيه الوان غامقة حلوة ليكِ كبنوتة مش بالضرورة تلبسيه اسود خصوصًا في الحر ده، وفيه كذا نوع للنقاب تقدري تنزلي وتشوفي ايه اكترهم مريح ليكي، مش لازم يكون ليكِ صحاب منتقبات، صلي استخارة والخير هيحصل، بس استعيذي بالله من الأفكار دي♥️
عمري فـ حياتي ما تخيلت أني هاخد خطوة زي دي علفكرة .. لحد ما لبسته و حاسة أنه حتة مني بحد مش مجرد تعبير و كده فـ عز الحر ربنا بيهونها بحد مش بيشكل أزمة أبدا..
المهم تكوني لبساه و نيتك خالصة لله و انك بتقربي بيه من ربنا و قصدك الستر ،، لو مش كده يبقي ولا أكننا بنعمل حاجة .
لو تمام يبقي إتكلي علي الله و ربنا يقويكي و يثبتك💖".
إكتفي باللبس الفضفاض والخمار وبلاش الخطوة دي دلوقت.
