Ask @dohahamam:

Space💙

Abo 3mar
بس عشاني ماتدمعي تاني
بتتوه الكلمه بغوص في مكاني
ويوسع كادر عينيكي واشوفني
وأشوف ويايا وجنبي شيطاني
الصوره مهزوزه
وكل اماكن الرحمه بتخلص
حتي تذاكر النار محجوزه
وصورتك تبعد امد ايديا
تزيد تفاصيل الناس حواليا
احاول حتي اني اعيط
يصرخ قلبي تجف عينيا
فاتحول تمثال ليه روح
#محمود_حسن_البنا

View more

🌺ـــــ

محمد عتمان
#تيته_حبيبتي
فيه ست عظيمه في حياتك
بتحبك حبها لاخواتك
وتحس تملي أن انت التوب
بسكوته ماشالله عليها والله
في مكان ماتدب توزع حب
يدق القلب أما يشوفها
وحاجات وهميه بتمنعنا
وبننسي كتير أن نشوفها
بتخاف لو جيت مره تسافر
ويبان في عينيها تشوف خوفها
علي بطنك لو مش دفيانه
علي بنتك لو لسه جعانه
بتزورها تقولك ياضنايا
قشرلك موزه برتقانيه
ده بكيفك أو غصبن عنك
هتاكلها مهما إن كان سنك
بتجيب البوك وتديلك
حتي لو واخده فلوس منك
بتحب الكل وتتعامل
تقلق وقلقها مش محدود
علي البنت الواد صبحت حامل
والتانيه اتخانقت مع كامل
والواد زعلان مش لاقي فلوس
وحفيدها الرابع عنده دروس
ومبيروحهاش
والخامس نفسه في بنطلونين
بعتت تشتري علشانه قماش
تيته حبيبتي من غيرك صح
احنا منسواش
ام الماما أو ام الاب
كنا كتاكيت
بتلملم فينا بجناحها
وتنادي تأكلنا الحب
وتداري علينا من جدو
بتغمي عينيه وتقول عدوا
جدو كان دائما نرفوز وبيضرب بوز
علشان عاملين في البيت زيطه
بنشخبط دائما في كتبنا
وبنكتب أسامينا عل الحيطه
كان جدو خلاص جاي يضربنا
تجري وتحوشه عننا تيته
كان جدو طبيعي يبصلها
ويرد ياحاجه انتي عبيطه
منساش الأرصه في لبلوبتي
منساش الفرشه قبل النوم
منساش انا خوفك ياحبيبتي
وفطارنا لما نقوم مالنوم
انا فاكر وانتي كمان فاكره
وامبارح فيه ريحه من بكره
لكن ايامنا مبتهداش
الوقت بيجري ويسرقنا
فاحنا بنبنيع في كنوز ببلاش
الي كل اللي التيته بنورها
اتفضل قوم انزل زورها
واياك تنسي اساسا دورها
في تربيتك
او تنسي كافولتك وطاقيتك
جلابيتك علشان الجمعه
اوعاك تاخدك منها الكورسات
وتزيط بمشاكلك في الجامعه
من غير اصلك هتعيش تناتيش
يبقي انت ضحيت بالفرخه
علشان فضلت عليها الريش
زور ستك هتلاقي كراميش
تجاعيد كالأرض المشقوقه
في شقوقها هتلاقي اساسك
هتشوف الصوره المسروقه
هتشوف اللمه وحضن زمان
هتشوف الشجره والألوان
هتشوف دكان بقال جاركم
هتحس كمان حضن العمه
هتحس زمان بوسة خالكم
هتلاقي اسمك مكتوب
هتلاقي عدل المقلوب
هتشوف في عينيها كل طفولتك
هتلاقي شجرة توت والطوب
فتحدف وتهز في روحها
ضحكها ورجع افراحها
الماضي دايما عايشاه
وحنينك ليه هيفرحها
وان كانت فارقت من فتره
اقرالها الفاتحه اكيد فكره
احكيلها اسألها كده بروحك
هترد بروحها اكيد فاكره
واقرالي الفاتحه كمان بكره
#محمود_حسن_البنا

View more

Something joyful 🎗️💛

‏إن الذي أحيا الحياةَ بلطفهِ
‏سيُعيد للقلبِ الحزينِ رضاهُ
‏ستبدد الاوجاعُ آن مصيرها
‏وسيشرق الفجرُ النديّ سناهُ
‏وستعتلي فوق المآسي فرحةٌ
‏ويزولُ عن جوفِ الفؤادِ عناهُ
‏وتهلُّ من عمقِ المباهج أدمعٌ
‏وتفيض حمدًا وتكبرُ الأفواهُ.✨

View more

Next