+ وشولوه ذا الفيس عاد ؟? . والله الصدز ؟ اكره طيبتي الزايده واكره حساسيتي الزايده اي شيء بسيط يبتسين لو كان تافه ومايسوى و اكرهن اذا تبعت قلبي بدال لا اتبع عقلي بأمر من الأمور .
سموي الله يسعدس انتي ال كلامتس يقنعني بجد ابغى منتس تكتبين لي نصيحه انا احب بنت والله اني ماقدر افراقها شاغلة بالي بزياده واهي اكبر مني مرة والله اني خايفة من عذاب يوم القيامة بسبت ذا المشكلة ماقدر اكرهها ابي اقلل حبي لها ماقدر ابدا ماخذه عقلي وصرت دايم اقعد ما اطلع غيرت فيني كثير ساعديني الله يوفقس
+ ي بعد راسي شرف ليّ ، آمين يارب وياتس ?. من عيوُني ، شوفي ي عينيّ اول شيء اكيد انتس عارفه ان عرش الرحمن يهتز والسبه ذي العلاقة المحرمه يعني مال أمها داعي ، وترا عرش الرحمن مايهتز إلا لشيء خطير جدًا . ماودي اعاتبتس والله لإنتس انتي عارفه خطأتس ولاكان ماجيتي تطلبين النصيحة ، ابدخل في النصيحه على طول . حاولي تكرهينها ولاتقولين ما اقدر ابد حاولي تنسينها يعني اذا حات ببالتس روحي سوي اي شيء تحبينوه ويشغلتس وبنفس الوقت ينسيتس فيها ابتعدي عن اي شيء يذكرتس فيهاولاتجلسين بروحتس دايم لأن اذا جلستي بتجلسين تفكرين فيها دايم وبتحنين لها و انسي صفاتها الإيجابية وركزي ع صفاتها السلبيه تسذا بتكرهينها صدقين ولاتقولين ما اقدر . وعلقي قلبتس بربتس وواضبي على صلاتس ولاتهملينها صليها بوقتها وبخشوع قد ماتقدرين وعليتس بالنوافل - وتذكري ان الصلاه تنهى عن الفحشاء والمنكر -. ودايم اقري قرآن استشعري كلماتوه واقري تفسير الآيات اللي ماتفهمينها تسذا بتتركز في بالتس اكثر واستغفري دايم و ادعي ربتس وفضفضي لوه . وأنا متأكده ١٠٠٪ انتس اذا استمريتي ع ذا الشيء بتتغيرين للأفضل والله .