انا لى حاسه انى مليش اهميه مليش وجود ف الدنيا محدش حاببنى ولا حابب وجودى ف الدنيا دايما بنزل استوريتهات وبوستات حزينه عمر ما حد فكر يكلمنى ولا يسأل ولا يهتم بقفل سوشيال دايما محدش مهتم ولو قولتلهم اهتموا بحس انى بشحت وقد اى انهم م محتاجينى وانا ضعيفه ومحتاجهم 💔
ربنا يبعتلك العوض الي يعوضك عن كل حاجة وحشة
اوقات الناس بتمل من الشخص اللي دايما يشتكي وحزين، ولو حد حاول معاه عشان يتخطى حزنه ده مرة مش هيحاول التانية
لأن كل واحد فيه اللي يكفيه، والناس دائما تحب الشخص المبتسم المتفائل اللي باعث للبهجة والضحكة، ومحدش ناقص يشيل فوق همومه
ده غير المفروض اني ما اتوقعش اخد حاجة أنا ما اديتهاش
ما ينفعش ابقى متمحور حوالين نفسي ودائماً شايف اللي حواليا كلهم مقصرين في حين اني اصلا مش بحاول حتى اديهم أي حاجة
ما احنا طول ما احنا مهتمين ان الناس تسأل عن بوستاتنا مش هنخلص ما نركز مع نفسنا ونحاول نبقى احسن لينا
لو فعلا مالكش اهميه كان ربنا مخلقكش ...ربنا خالق كل شخص فينا علشان يأدي رسالته ....قربي من ربنا صلي اقرا قران ...حتطمني ...ممكن لو عندك هوايه اشغلي نفسك بيها
متيأسش من رحمه ربنا اكيد هيجبر بخاطرك قريب جدا
(إني جاعلً في الأرض خليفة)
(لقد خلقنا الإنسان في احسن تقويم)
انت خليفة الله في الارض ازاي معندكيش اهمية ده بس بسبب العالم المادي اللي احنا عايشين فيه فبيحسسونا ان احنا ملناش قيمة من غير لبس او عربيات او فساتين او فلوس الخ قيمتك في اللي انت بتعمليه في اختياراتك فشخصيتك مش في الحاجات اللي بتملكيها فحاولي تشتغلي علي ده و تطوري نفسك و تسيبي اسر حسن تثابي عليه دنيا واخره
استعيني بالله ولا تعجزي
اهتمي بنفسك انتي احتضني احلامك واحزانك ومصحفك فرحي نفسك انتي متستنيش حد يفرحك او يهتم بيكي الحب والاهتمام مبطلبوش
الإجابة في اخر كلمتين .. في حد هيحب و لا هيهتم بحد ضعيف ؟! اكيد لا
يبقى حضرتك اقفلي النت و روحي ذاكري و لا اشتغلي و كبري ثقتك في نفسك و هتلاقي الناس تحت رجلك
لانك مش عارفه قيمه نفسك ولا بتحبي نفسك . اما تهتمي بنفسك وتعرفي اني قيمتك كبيره وتخلي نفسك مش هتفكرى ف الناس هتفكرى ازاى تخرجي من الجو ده والحزم وانتي بتستقوي بنفسك
حاولي تواسي نفسك بنفسك لأن أغلب الناس بتبقى عايزاكي جنبهم ولما انتي تحتاجي ده مبتلاقيهوش
