Ask @elfaxdaana:

عُزلة ومُوسيقي❤
- انت متأكد إنك اسمك أحمد ؟
= اكيد طبعا
- ما اصل كده في حاجه غريبة، طيب بص معلش تعالى نعيد من الأول
= اشطا
- انت ما شاء الله وسيم يعني
= الحمد لله
- و دمك خفيف
= بيقولو
- مهو اساسا الحاجتين دول عشان يجتمعوا في شخص دي شبه معجزه
= ليه يعني
- طيب خلينا نكمل.. وسيم دمك خفيف و شييك و دماغك كويسه و كمان مسلم نفس ديانتي
- فين المشكلة طيب؟
= مهو المصيبة إن مفيش مشكلة اساسا
- في ايه بس بتدوري ع ايه انتي
= ع الخازوق انطق شايل الخازوق فين
- اكيد مش تحت باطي.. اوعي أيدك بس
= لا مهو اصل ده مش طبيعي
- اهدي طيب
= اكيد في حاجه ناقصه، اكيد هتطلع نورمي
- انا موبايلي عليه 5 جيجا ميمز
= طب بسيوني بسيوني ؟
- حازم حازم
= لا برضو اكيد في حاجه غلطه، ايووووه لقتها انت شكلك جود بوي و انا عايزه باد بوي كده ا..
- صباح العسل ، دي سيجارة هاش سايبهالك نضربها سوا و بعدين نروح نسهر في نايت للصبح
= انت بتعجزني يعني ؟
- و الله ما قصدي
= اممم اكيد بتتسحل في الشغل و مش هتهتم بيا
- اغلب شغلي من البيت و ممكن نخرج يوميا
= انا حاسه اني أطول منك
- انا قاعد اصلا و انتي واقفه
= اه صحيح... بس يبقى تفكيرك شرقي رجعي و هتقيد حريتي
- خالص، انتي ليكي مساحتك الشخصيه اللي مينفعش اتعداها
= اكيد ذوقنا في المزيكا مختلف انا مثلا بحب البوب ميوزك
* بيميل ع قدام و بيقلد حركة مايكل جاكسون *
= اممم اكيد غبي ؟
- معايا ماجستير
= عندك أصحاب بنات و انا بغير
- معنديش
= مبتحبش السفر
- لسه راجع من يومين كنت في دهب
= لا مهو مش ممكن انت فعلا مش طبيعي
- طيب قولتي ايه في موضوع اننا نرتبط؟
= اكيد لا
- ليه انا فيا حاجه غلط؟
= مهو لا عشان مفكش حاجه غلط بالعكس انت فيك كل حاجه بتمناها و ده في حد ذاته شئ مقلق هذا هاكر و الله هاكر
-......
= اطلع بالخازوق ياض لاشقك

View more

لو انا حرامي وجيت اسرقك 🙂 شو بلاقي 😂💔

SUHaIB ▄︻̷̿┻̿═━一
هتلاقي محفظه ، هاتفتح المحفظه ، بس من اليمين مش من الشمال ، هتلاقي ف جيب داخلي جنيه دايس علي قطر خمناشر مره ، هتلاقي ف جيب داخلي تاني ظرف !؟ اوبا ظرف ، ايوه ياعم ظرف صغير كده ، هاتفتح الظرف هتلاقي ورقه ،هاتفتح الورقه وتقرا اللي فيها اللي هو شغلني معاك والنبي .

View more

_

Yomna Shebl
= احنا بصراحة عاوزين بنتكوا لابننا.
- بنتنا ايه..احنا واحد ياعم سمير..مهي بنتكوا انتوا كمان برضه.
= طب عاوزين بنتنا لابننا.
- مهو ابننا برضه.
= طب عاوزين بنتنا لابنكوا.
- يعني انت عاوز تجوز الواد ولا البت دلوقتي ؟ انا اتلخبط.
= احنا عاوزين بنتكوا انتوا.
- ياعم بنتنا ايه بس..دا انت اللي مربيها.
= ماتبقاش راجل رخم بقي..خلصني.
- عموما انا يشرفني أجوز بنتنا لابننا.
= وانا يشرفني أجوز ابننا لبنتنا.
- لأ انا اتلخبطت تعالي نعيد من الاول.

View more

Next