Ask @ell7amd:

الصور بتحكي لحظة .. بتقتنعي بالناس اللي بتتجاهل لحظة الصورة وتكتب لحاجة تانية؟ هل ده قلة تقدير للجمال؟

لا!
أكيد للوضع دا سبب، وبالتالي لازم أعرف جميع الخبايا اللي هي أصلا مش باينة ف الصورة!
حتى لو عرفت مش هيكون مبرر قوي بالنسبالي إني أحكم بردو لإن كل واحد ليه طريق بيفرحه أكتر من أي حاجة تانية ف العالم واللي مختلف من شخص لآخر
ويمكن يكون مر بلحظة الصورة دي قبل كدا وتكرارها تناسب مع حدث تاني غريب ولكنه حلو، فلا بد من تضحية بشيء ما! خاصة إن بعض الأشياء بتبقى زي فرص لن تُكرر.
وافتراضات شتى غير ذلك؛ كلها تعني أن الصورة تحكي "جزءً" فقط من اللحظة وهناك خبايا آخرى كثيرة لم تتدارك..!
لذا إطلاق الأحكام لا يُبنى على جزءٍ!

View more

+1 answer in: “وش اللي مسهرك؟💙✨💦.”

وش اللي مسهرك؟💙✨💦.

مش عارفة الحقيقة! :''D
بس مش مهم، تعالى أما احكيلك حاجة بحبها 🤗
امممم أنا بحب الصور جدا.. بطريقة فظيعة فعلا 😂، باختارهم بعناية، وبنبسط أوي لما بلاقي صورة جديدة حلوة 😍
بحب ادقق ف التفاصيل واسرح ف معانيها وافضل سايبة الصورة شوية ادامي كدا لحد ما بتنطبع ف خيالي وارسم حالة كاملة فيها حياة تخليني كل ما اشوفها تاني انبسط.. ويا سلام بقى لو بترمز لحاجة تاريخية! ♥️⁩
بحب موبايلي يبقى مليان صور.. الصور منقذ ومؤنس جيد ليا.. وزي كل حاجة بتاعتي؛ بعتبرهم من أصدقائي :D
بيقدروا يفصلوني عن العالم كله وما فيه.. ولما برجع! برجع مبسوطة ⁦♥️⁩
الصور متحدث صامت ولطالما استطعت سماع كل ما يُقال بصمتٍ ⁦♥️⁩.. عامة الإنسان بينجذب للأشياء اللي شبهه، وربما يتطبع بيها أكتر فتعلو أسوار الصمت أكثر ويهرم البوح.
زمااااان ف ٢ع مُدرسة العربي حبت تقسم الفصل بحيث يقوم كل واحد بمهمة ف الحصة، ف اختارتلي *الناقد والمُحلل* ف وقتها أنا استعجبت جدا!! وكنت شيفاه دور ملوش لزمة، أنا عايزة حاجة أكثر فاعلية! :''D
وقلت ل صاحبتي إني مش حابة الدور دا.. فهي قالتلي إن أكيد هي شيفاه مناسب ليا... وتمر الأيام عشان اكتشف إنه أكتر دور مناسب ليا فعلا؛ شخص هادي مبيحبش الظهور، بيحب التفاصيل والتأمل، يستنبط ما وراء الأشياء وإن كانت صامتة، يضيف بخياله بعض اللمسات، في مهمة بحث مستمر..
اكتشفت إن حتى اللفظ اللي اختارته مناسب؛ كلمة محلل التي لا تعني التربص للأخطاء بل البحث أيضًا عن الجَمال.. مواطن الجمال؛ تلك الكلمة التي ارتبطت معي بنصوص اللغة العربية لاكتشف فيم بعد أن الجمال لم يقتصر على نصوص الشِعر فقط؛ ففي كل ما نحبه وطن لنا ولكل موطنٍ جماله. ⁦♥️⁩✨

View more

+1 answer Read more

اقتباسٌ لطيف.."))

يُبهرني الإنسان المُراعي لغيره في حديثه، ليس لأن قلبه طيب، فحتى غير المراعي قد يكون طيب القلب لكنه يجرح بجهل.
تُبهرني المُراعاة لأنها تدُل على عُمق معرفة، ورُقي في الأخلاق.. تدل علي درجة من الثقافة والوعي، تدل علي أشياء كثيرة تجعل الشخص لا يبدو أجوفًا من الداخل، وهذا الإمتلاء جذاب. ⁦💖

View more

Next